អ្នកចាក់វ៉ាក់សាំងរួច ឆ្លង Omicron មានរោគសញ្ញាតែ ២នេះទេ

គ្រប់គ្នាបានដឹងច្រើនមកហើយ ក្រោយពេលឆ្លង វីរុសបំប្លែងខ្លួន អូមីក្រុង ​(Omicron) ​អាការទូទៅមិនដូចទៅនឹងកូវីដទម្រង់ដើម ឬវីរុសបំប្លែងខ្លួនច្រើនឡើយ ជាពិសេសអ្នកជំងឺមានរោគសញ្ញាតិចតួច និងស្រាលប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង ថ្មីៗនេះ ការសិក្សាមួយបង្ហាញថា រោគសញ្ញានៃវីរុសបំប្លែងខ្លួន អូមីក្រុង ដូចគ្នានឹងជំងឺផ្តាសាយធម្មតា និងសឹងតែគ្មានរោគសញ្ញាកូវីដទាល់តែសោះ ខណៈអ្នកជំងឺភាគច្រើនចេញរោគសញ្ញាតែ ២ប៉ុណ្ណោះ។

សាស្ត្រាចារ្យ Tim Spector ជាអ្នកគ្រប់គ្រងទិន្នន័យលើការសិក្សាអំពីកូវីដ ថ្លែងថា មនុស្សពេញវ័យដែលចាក់វ៉ាក់សាំងពេញលេញ បន្ទាប់ពីឆ្លង អូមីក្រុង មិនមានរោគសញ្ញាផ្លូវដង្ហើមទេ ដែលរោគសញ្ញាលេចឡើងច្រើនបំផុតគឺ ហៀរសំបោរ និងឈឺបំពង់ក។

សាស្ត្រាចារ្យ Tim Spector ផ្ដល់ដំបូន្មាន ប្រសិនមានរោគសញ្ញាខាងលើ អាចបញ្ជាក់ថាអ្នកឆ្លង អូមីក្រុង ឬដែលតាហើយ។ ដូច្នេះកុំទាន់ចេញក្រៅ ជួបជាមួយមនុស្សច្រើន ត្រូវស្នាក់នៅផ្ទះតាមដាន និងធ្វើតេស្តជាមុនសិន ដើម្បីរក្សាសុវត្ថិភាព។ កុំរង់ចាំទាល់តែបាត់បង់ក្លិន បាត់បង់រសជាតិ គ្រុនក្ដៅ ឬក្អកស្ងួត។ល។ ព្រោះរោគសញ្ញា អូមីក្រុង ចំពោះអ្នកចាក់វ៉ាក់សាំងមួយចំនួនធំ ពុំមានរោគសញ្ញាទាំងនេះទេ។

ជាមួយគ្នាដែរ សាស្ត្រាចារ្យរូបនេះ សង្ឃឹមមុតមាំថា វីរុសបំប្លែងខ្លួន អូមីក្រុង នឹងមិនបង្កឱ្យមានរោគសញ្ញាធ្ងន់ធ្ងរនោះទេ ចំពោះអ្នកទទួលបានថ្នាំបង្ការពេញលេញ ព្រោះភាពស៊ាំនៃកោសិកា T ដែលផ្តល់ដោយវ៉ាក់សាំងនឹងការពារអាការធ្ងន់ធ្ងរ និងការស្លាប់បានខ្ពស់៕

ប្រែសម្រួល៖ សន្យា

ប្រភព៖ Daily Mail

ចុចអាន៖ អ្នកវិទ្យាសាស្ត្រ ទម្លាយមូលហេតុធ្វើឲ្យ Omicron ឆ្លងបានយ៉ាងងាយ

ចុចអាន៖ ចាក់វ៉ាក់សាំងដូសជំរុញបានប៉ុន្មានខែ ទើបអាចការពារ Omicron ?