សុខភាព
ពេទ្យ ថៃ ណែនាំ ៣ ក្បាច់ ការពារខ្លួនពីវីរុសបំប្លែង Omicron
វីរុសបំប្លែង Omicron កំពុងបន្តរាលដាលនៅក្នុងបណ្ដាប្រទេសមួយចំនួនលើពិភពលោក សូម្បីប្រទេសថៃក្បែរយើង ក៏មានយ៉ាងតិចបីករណី នៃវីរុសបំប្លែងថ្មីនេះដែរ។ យ៉ាងណាមិញ បន្ទាប់ពីររកឃើញករណីដំបូងក្នុងប្រទេស គ្រូពេទ្យជំនាញថៃមួយរូបបានណែនាំពីវិធានការការពារខ្លួនពីវីរុសបំប្លែងចុងក្រោយនេះ។
អ្នកជំនាញខាងមេរោគនៃសាកលវិទ្យាល័យ Chulalongkorn ប្រទេសថៃ លោកវេជ្ជបណ្ឌិត Yong Poovorawan បានណែនាំតាមរយៈការបង្ហោះសារលើ Facebook ពីវិធានការដែលយើងអាចអនុវត្តដើម្បីត្រៀមការពារខ្លួនពីវីរុសបំប្លែង Omicron ។ វិធានការការពារខ្លួនចម្បងដែលលោកបានណែនាំមានដូចខាងក្រោមនេះ។
១. ចាក់វ៉ាក់សាំង
ត្បិតតែបច្ចុប្បន្នមានវ៉ាក់សាំងច្រើនប្រភេទដែលមានប្រសិទ្ធភាពទប់ស្កាត់នឹងជំងឺកូវីដ-១៩ ប៉ុន្តែអ្នកជំនាញនៅមិនទាន់ដឹងច្បាស់នៅឡើយថាវ៉ាក់សាំងទាំងនោះអាចការពារយើងពីវីរុសបំប្លែង Omicron។ តែថាវ៉ាក់សាំងនៅតែអាចការពារយើងពីការធ្លាក់ខ្លួនឈឺធ្ងន់ ការចូលសម្រាកព្យាបាលនៅមន្ទីរពេទ្យ និងការស្លាប់។ ទិន្នន័យពីអាហ្វ្រិកខាងត្បូងបង្ហាញថា ៩០ ភាគរយនៃអ្នកជំងឺ ឆ្លងវីរុសបំប្លែង Omicron ដែលព្យាបាលក្នុងមន្ទីរពេទ្យមិនបានចាក់វ៉ាក់សាំងនោះទេ ។
២. ធ្វើរោគវិនិច្ឆ័យ
ការឆ្លងគួរតែត្រូវធ្វើរោគវិនិច្ឆ័យយ៉ាងឆាប់រហ័ស ហើយអ្នកជំងឺត្រូវដាក់ឲ្យនៅ ដាច់ដោយឡែកភ្លាមៗ ដើម្បីគ្រប់គ្រងការចម្លងរាលដាលចូលជាសហគមន៍ ។
៣. ការពារ
យើងគ្រប់រូបគួរតែបន្តប្រកាន់ខ្ជាប់យ៉ាងតឹងរ៉ឹងនូវវិធានការបង្ការជំងឺកូវីដ ១៩ ដូចជាការលាងដៃឲ្យបានញឹកញាប់ រក្សាគម្លាត ការពាក់ម៉ាស ពិសេសនោះគឺអនុវត្តវិធានការ ណែនាំរបស់ក្រសួងសុខាភិបាល ដើម្បីការពារការឆ្លងជំងឺកូវីដ-១៩ ឬវីរុសបំប្លែងនានាមកខ្លួនយើងផ្ទាល់ ក៏ដូចជាមនុស្សជាទីស្រលាញ់៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង