សុខភាព

វេជ្ជបណ្ឌិតម្នាក់ ចែករំលែកវិធីព្យាបាលកូវីដ កម្រិតស្រាល នៅផ្ទះខ្លួនឯង

បានផុស

៤ years មុន

នៅ

ថ្ងៃចន្ទ ២១ កុម្ភៈ ២០២២

ដោយ

អ្នកជំងឺកូវីដ ១៩ ភាគច្រើនជាសះស្បើយ និងមានអារម្មណ៍ធូរស្រាលវិញក្នុងរយៈពេល ២-៣សប្ដាហ៍ ហើយចំពោះមនុស្សមួយចំនួនដែលកើតកូវីដ ១៩កម្រិតស្រាលអាចថែទាំ និងព្យាបាលខ្លួនឯងបាននៅផ្ទះ។ តើការព្យាបាលជំងឺកូវីដ ១៩ដោយខ្លួនឯងនៅផ្ទះ យើងត្រូវធ្វើអ្វីខ្លះ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិតវ័យក្មេងមួយរូបដែលជាអ្នកថែទាំអ្នកជំងឺកូវីដ ១៩ បានចែករំលែកបទពិសោធន៍ល្អៗពីការព្យាបាលជំងឺកូវីដ ១៩កម្រិតស្រាលនៅផ្ទះដោយខ្លួនឯងចំពោះករណីស្រាល។ លោកបានចែករំលែកចំណេះដឹងនេះនៅលើហ្វេសប៊ុកដោយភ្ជាប់ជាមួយសារណែនាំពីតិចនិកថែទាំខ្លួនដូចជា៖

-ព្រឹកហាត់ប្រាណ ១០-២០នាទី
-ក្រោយញ៉ាំអាហារពេលព្រឹករួច ១៥នាទី ញ៉ាំវីតាមីន C ដាក់ទឹក ២០០មីល្លីលីត្រ
-ក្រោយញ៉ាំវីតាមីន C បាន ១០នាទី ញ៉ាំថ្នាំព្យាបាលកូវីដ ១៩ Molnupiravir ៤ គ្រាប់
-ព្យាយាមញ៉ាំទឹកក្ដៅ ទឹកខ្ញី ឬទឹកក្ដៅលាយក្រូចឆ្មារជាប្រចាំ
-ងូតទឹកក្ដៅឧណ្ហៗ
-ធ្វើលំហាត់ប្រាណពេលល្ងាចជាប្រចាំ ឬឆ្ពុង
-ក្រោយបាយល្ងាច ៣០នាទី ញ៉ាំថ្នាំ Molnupiravir ៤ គ្រាប់

វេជ្ជបណ្ឌិតរូបនោះក៏បានបញ្ជាក់ឲ្យអ្នកជំងឺកូវីដ ១៩កម្រិតស្រាលដែលព្យាបាលនៅផ្ទះដោយខ្លួនឯង ញ៉ាំផ្លែឈើឲ្យបានច្រើន គេងឲ្យបានគ្រប់គ្រាន់ និងកុំភ្លេចញ៉ាំសាច់គោ ពងមាន់ ទឹកដោះគោឆៅ និយាយទៅគឺញ៉ាំអាហារណាប៉ូវកម្លាំងឲ្យច្រើនទៅឆាប់ជាសះស្បើយដូចដើម។ លើសពីនេះ គឺត្រូវរស់នៅឲ្យមានអនាម័យ ប្រកាន់ខ្ជាប់នូវវិធានការការពារខ្លួនរបស់ក្រសួងសុខាភិបាល។

យ៉ាងណាមិញ ក្នុងករណីយើងព្យាបាលនៅផ្ទះ ប៉ុន្តែសង្កេតឃើញថាខ្លួនពិបាកដកដង្ហើម ដង្ហក់ អស់កម្លាំងខ្លាំង បាត់បង់ចំណង់អាហារ ឬអាការៈមិនធូរស្រាលក្រោយពេលព្យាបាល ៤សប្ដាហ៍ ត្រូវប្រញាប់ផ្ដល់ដំណឹងទៅកាន់កន្លែងថែទាំអ្នកជំងឺកូវីដ ១៩ឲ្យបានលឿន៕

អត្ថបទផ្ដល់ដោយ៖ Hello Krupet

ចុចអាន៖អ្នកជំនាញថា អូមីក្រុង អាចបង្កឲ្យរលាកប្រព័ន្ធ សរសៃប្រសាទ

ចុចអាន៖រោគសញ្ញា អូមីក្រុង ២ អាចលេចចេញ សូម្បីកំពុងញ៉ាំអាហារ ក៏អាចមើលដឹង

Related Topics: