សុខភាព
វេជ្ជបណ្ឌិតម្នាក់ ចែករំលែកវិធីព្យាបាលកូវីដ កម្រិតស្រាល នៅផ្ទះខ្លួនឯង
អ្នកជំងឺកូវីដ ១៩ ភាគច្រើនជាសះស្បើយ និងមានអារម្មណ៍ធូរស្រាលវិញក្នុងរយៈពេល ២-៣សប្ដាហ៍ ហើយចំពោះមនុស្សមួយចំនួនដែលកើតកូវីដ ១៩កម្រិតស្រាលអាចថែទាំ និងព្យាបាលខ្លួនឯងបាននៅផ្ទះ។ តើការព្យាបាលជំងឺកូវីដ ១៩ដោយខ្លួនឯងនៅផ្ទះ យើងត្រូវធ្វើអ្វីខ្លះ?
វេជ្ជបណ្ឌិតវ័យក្មេងមួយរូបដែលជាអ្នកថែទាំអ្នកជំងឺកូវីដ ១៩ បានចែករំលែកបទពិសោធន៍ល្អៗពីការព្យាបាលជំងឺកូវីដ ១៩កម្រិតស្រាលនៅផ្ទះដោយខ្លួនឯងចំពោះករណីស្រាល។ លោកបានចែករំលែកចំណេះដឹងនេះនៅលើហ្វេសប៊ុកដោយភ្ជាប់ជាមួយសារណែនាំពីតិចនិកថែទាំខ្លួនដូចជា៖
-ព្រឹកហាត់ប្រាណ ១០-២០នាទី
-ក្រោយញ៉ាំអាហារពេលព្រឹករួច ១៥នាទី ញ៉ាំវីតាមីន C ដាក់ទឹក ២០០មីល្លីលីត្រ
-ក្រោយញ៉ាំវីតាមីន C បាន ១០នាទី ញ៉ាំថ្នាំព្យាបាលកូវីដ ១៩ Molnupiravir ៤ គ្រាប់
-ព្យាយាមញ៉ាំទឹកក្ដៅ ទឹកខ្ញី ឬទឹកក្ដៅលាយក្រូចឆ្មារជាប្រចាំ
-ងូតទឹកក្ដៅឧណ្ហៗ
-ធ្វើលំហាត់ប្រាណពេលល្ងាចជាប្រចាំ ឬឆ្ពុង
-ក្រោយបាយល្ងាច ៣០នាទី ញ៉ាំថ្នាំ Molnupiravir ៤ គ្រាប់
វេជ្ជបណ្ឌិតរូបនោះក៏បានបញ្ជាក់ឲ្យអ្នកជំងឺកូវីដ ១៩កម្រិតស្រាលដែលព្យាបាលនៅផ្ទះដោយខ្លួនឯង ញ៉ាំផ្លែឈើឲ្យបានច្រើន គេងឲ្យបានគ្រប់គ្រាន់ និងកុំភ្លេចញ៉ាំសាច់គោ ពងមាន់ ទឹកដោះគោឆៅ និយាយទៅគឺញ៉ាំអាហារណាប៉ូវកម្លាំងឲ្យច្រើនទៅឆាប់ជាសះស្បើយដូចដើម។ លើសពីនេះ គឺត្រូវរស់នៅឲ្យមានអនាម័យ ប្រកាន់ខ្ជាប់នូវវិធានការការពារខ្លួនរបស់ក្រសួងសុខាភិបាល។
យ៉ាងណាមិញ ក្នុងករណីយើងព្យាបាលនៅផ្ទះ ប៉ុន្តែសង្កេតឃើញថាខ្លួនពិបាកដកដង្ហើម ដង្ហក់ អស់កម្លាំងខ្លាំង បាត់បង់ចំណង់អាហារ ឬអាការៈមិនធូរស្រាលក្រោយពេលព្យាបាល ៤សប្ដាហ៍ ត្រូវប្រញាប់ផ្ដល់ដំណឹងទៅកាន់កន្លែងថែទាំអ្នកជំងឺកូវីដ ១៩ឲ្យបានលឿន៕
ចុចអាន៖រោគសញ្ញា អូមីក្រុង ២ អាចលេចចេញ សូម្បីកំពុងញ៉ាំអាហារ ក៏អាចមើលដឹង
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៣ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ