សុខភាព

រោគសញ្ញា អូមីក្រុង ២ អាចលេចចេញ សូម្បីកំពុងញ៉ាំអាហារ ក៏អាចមើលដឹង

បានផុស

៣ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

ចក្រភពអង់គ្លេស បានរកឃើញថា អ្នកដែលឆ្លងវីរុសអូមីក្រុង លេចចេញនូវរោគសញ្ញាទាក់ទងនឹងប្រព័ន្ធរំលាយអាហារច្រើនរួមមាន រាគរុស ឬឈឺចុកពោះ និងមានអារម្មណ៍មិនស្រួលខ្លួនជាដើម។ ក្រុមអ្នកស្រាវជ្រាវ ZOE Covid Study ជឿជាក់ថា រោគសញ្ញារបស់វីរុសអូមីក្រុងមានសភាពខុសប្លែកគ្នាតិចតួចពីជំងឺកូវីដ ១៩ និងវីរុសបំប្លែងមុនៗ ត្បិតតែរោគសញ្ញាទូទៅនៅតែជាអាការក្ដៅខ្លួន អស់កម្លាំង និងបាត់បង់ក្លិន ឬរសជាតិ។ ចំណែកឯ រោគសញ្ញា ២ យ៉ាងរបស់វីរុសអូមីក្រុងដែលអាចលេចចេញឡើងពេលកំពុងញ៉ាំអាហារនោះគឺ បាត់បង់ចំណង់អាហារ ឬរំលងពេលអាហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេវាសុខភាពជាតិរបស់ចក្រភពអង់គ្លេស (UK National Health Services) បានកត់ចំណាំទុកនូវរោគសញ្ញាទូទៅថ្មី ២ ខាងលើនេះ និងបានឲ្យដឹងថា មនុស្សមួយចំនួនធំទទួលបានរោគសញ្ញាបាត់បង់ចំណង់អាហារ ឬញ៉ាំអាហារបានតិចជាងមុនពេលកំពុងឈឺដោយសារជំងឺកូវីដ ១៩ និងក្រោយពេលជាសះស្បើយបានមួយរយៈ។ NHS បានណែនាំឲ្យអ្នកជំងឺចេញរោគសញ្ញាទាំង២ខាងលើ (បាត់បង់ចំណង់អាហារ ឬរំលងពេលអាហារ) ឃ្លាំមើលទម្ងន់របស់ខ្លួនឲ្យបានដិតដល់ និងតាមដានសញ្ញាស្រកទម្ងន់។

រោគសញ្ញាដទៃត្រូវប្រយ័ត្ន

រោគសញ្ញាចាស់ៗដូចជាបាត់បង់ក្លិន ឬរសជាតិ និងពិបាកដកដង្ហើមកម្រនឹងកើតឡើងណាស់ក្នុងករណីឆ្លងវីរុសអូមីក្រុង។ ដោយសារហេតុផលនេះហើយ ទើបមនុស្សភាគច្រើនគិតថា វីរុសអូមីក្រុងមិនសូវបង្កហានិភ័យឲ្យធ្លាក់ខ្លួនឈឺធ្ងន់ធ្ងរដូចវីរុសកូរ៉ូណា ឬវីរុសបំប្លែងមុនៗ។ ទោះយ៉ាងណាក៏ដោយ ដូចនឹងអ្នកជំនាញជាច្រើនតែងព្រមានអ៊ីចឹង យើងគ្រប់គ្នាមិនត្រូវធ្វេសប្រហែសឡើយ៕

អត្ថបទផ្ដល់ដោយ៖ Hello Krupet

ចុចអាន៖ពិតអត់ អ្នកកើតអូមីក្រុង ធ្វើឲ្យចំណង់ផ្លូវភេទ ធ្លាក់ចុះ?

ចុចអាន៖អ្នកជំនាញថា អូមីក្រុង អាចបង្កឲ្យរលាកប្រព័ន្ធ សរសៃប្រសាទ

Related Topics: