Connect with us

សុខភាព

មូលហេតុ ៣យ៉ាង គ្រឿងស្រវឹងអាចបំផ្លាញជីវិតលើគ្រែរបស់បុរសៗ

បានផុស

នៅ

ភាគច្រើនបុរសៗដែលនិយមចូលចិត្ដផឹកស្រា អាចយល់បានខ្លះៗពីឥទ្ធិពលអាក្រក់របស់វាដែលធ្វើឲ្យប៉ះពាល់ជាខ្លាំងទៅដល់សុខភាព មិនថាតែសុខភាពផ្នែកស្មារតីនោះទេ សូម្បីសុខភាពផ្លូវភេទក៏ប៉ះពាល់ខ្លាំងផងដែរ ប្រសិនជាមិនបានប្រុងប្រយ័ត្ន។ កន្លងមកក៏ធ្លាប់មានមតិលើកឡើង អំពីឥទ្ធិពលសុរានឹងសុខភាពផ្លូវភេទបុរសៗថា ពេលផឹកស្រាអាចធ្វើឲ្យមានអារម្មណ៍ល្អចំពោះផ្លូវភេទ ហើយអាចធ្វើឲ្យទទួលបានលទ្ធផលសមតាមក្ដីបំណងជាមួយនឹងដៃគូ ប៉ុន្ដែប្រុសៗខ្លះគឺទទួលលទ្ធផលផ្ទុយពីនេះទៅវិញ។ ទាំងនេះ គឺព្រោះតែលក្ខខណ្ឌសុខភាពដែលទទួលរងឥទ្ធិពលពីសុរា ដោយផ្អែកលើ ៣ចំណុចខាងក្រោម។

១.អារម្មណ៍

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងការផឹកស្រាក្នុងកម្រិតតិចសម្រាប់បុរសចន្លោះពី ២ ទៅ ៣កំប៉ុងអាស្រ័យលើសុខភាព វាគឺជារឿងល្អសម្រាប់​សុខភាពទូទៅ។ ប៉ុន្ដែប្រសិនជាការផឹកស្រានោះមានចំនួនច្រើនវិញនឹងបង្កផលប៉ះពាល់ខ្លាំងទៅដល់ផ្នែក​អារម្មណ៍ ពោលអារម្មណ៍ស្រវឹងលែងមានទំនួលខុសត្រូវ បាត់បង់ការគ្រប់គ្រង លែងជាម្ចាស់ការលើខ្លួនឯង។ កត្ដា​នេះអាចបង្កឲ្យបាត់បង់ចំណង់ផ្លូវភេទមួយកម្រិត ពីព្រោះថាប្រព័ន្ធសរសៃប្រសាទ និងខួរក្បាលកំពុងតែទទួល​រងសម្ពាធយ៉ាងធ្ងន់ធ្ងរពីជាតិអាល់កុល មិនអាចផ្ដោតសំខាន់ទៅលើអ្វីមួយឲ្យប្រាកដ។ យ៉ាងនេះហើយ កាលដែលញ៉ាំគ្រឿងស្រវឹងច្រើនអាចបង្កផលប៉ះពាល់ទៅដល់ផ្នែកស្មារតី ដែលមិនអាចជៀសផុត។

២.សុខភាពលិង្គ

ការផឹកស្រាតិចតួច ក៏រួមចំណែកជួយដល់ដំណើរការបេះដូង និងចរន្ដឈាមឲ្យរត់ស្រួលពេញរាងកាយ។ ប៉ុន្ដែបើផឹកច្រើនវិញនោះវានឹងបង្កផលប៉ះពាល់ទៅដល់ចំណង់ផ្លូវភេទ ព្រោះជាតិស្រវឹងបានកាត់បន្ថយលំហូរឈាមទៅកាន់លិង្គ។ ជាក់ស្ដែងណាស់ថា ក្នុងកំលុងពេលមានអារម្មណ៍សម្រើប ឈាមក៏ហូរទៅកាន់លិង្គបានគ្រប់គ្រាន់ ដែលជំរុញឲ្យលិង្គមានសភាពឡើងរឹង និងមានថាមពល។ ប៉ុន្ដែប្រសិនបើលំហូរឈាមនេះត្រូវបានរំខាន ឬ ថយចុះ វានឹងពិបាកធ្វើឲ្យលិង្គឡើងរឹង។ បន្ថែមពីនេះទៅទៀត ឥទ្ធិពលនៃគ្រឿងស្រវឹង ក៏បានធ្វើបុរសៗជាច្រើនជួបប្រទះនឹងបញ្ហាការឆាប់ចេញទឹកកាម ឬលិង្គមិនឡើងរឹងម្តងម្កាល ឬ មួយទៀតក៏អាចឈានទៅដល់បញ្ហាងាប់លិង្គតែម្ដង។ ជាតិអាល់កុលក៏អាចជាដើមហេតុ រារាំងចង្វាក់រួមភេទឲ្យឈានទៅដល់ចំណុចកំពូលបាន។

៣.រាងកាយ

បើសុខភាពរាងកាយទ្រុឌទ្រោម នោះសុខភាពផ្លូវភេទក៏ចុះខ្សោយផងដែរ។ ជាការពិតណាស់ ការផឹកស្រាមិនខុសពីការជក់បារីនោះទេ ព្រោះស្រាក៏ជាមេនាំហេតុឲ្យកើតមានជាជំងឹមហារីកបាន។ មានន័យថា ការផឹកស្រាជាប្រចាំនឹងអាចបង្កជាហារនិភ័យវិវត្ដទៅជាជំងឺមហារីកលើសរីរាង្គសំខាន់ៗក្នុងរាងកាយ។ សរីរាង្គទទួលរងគ្រោះធ្ងន់ជាងគេគឺថ្លើម ដែលអាចបង្កជាជំងឺផ្សេងៗដូចជា ក្រិនថ្លើម ខ្លាញ់រុំថ្លើម មហារីកថ្លើម។ មានសរីរាង្គសំខាន់ៗ​​​ទៀតដែលកើតជំងឺ​ដូច​ជា បេះ​ដូង ខួរក្បាល តម្រងនោម ជាដើមទាំងនេះគឺបណ្ដាលមកពីគ្រឿងស្រវឹង។ ទន្ទឹមគ្នានេះ ការផឹក​សា្រក៏បង្កផលប៉ះពាល់ទៅដល់ លទ្ធភាពនៃការផលិតកម្រិតអ័រម៉ូន តេស្ដូស្ដេរ៉ូន ដែលជាអ័រម៉ូនភេទយ៉ាងសំខាន់របស់បុរស។

នៅពេលដែលយើងផឹកស្រា រាងកាយរបស់យើងនឹងធ្វើការបំប្លែងសារធាតុ អេតាណុល ដែលមាននៅក្នុងជាតិ​អាល់​កុល។ ការបំប្លែងសារធាតុអេតាណុល អាចកាត់បន្ថយបរិមាណ NAD+ ដែលជា អង់ហ្ស៊ីម ទទួលខុសត្រូវចំពោះការផលិតអ័រម៉ូន តេស្ដូស្ដេរ៉ូន នៅក្នុងថ្លើម និងពងស្វាស។ ដូច្នេះនៅពេលថ្លើមជួបបញ្ហា ក៏អាចប៉ះពាល់ទៅដល់ សុខភាពផ្លូវភេទបានដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ប្រុសៗច្រើនយល់ខុស លើចំណុចទាំងនេះ ពេលចាប់ផ្ដើមរឿងលើគ្រែ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍១៨ នាទី មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៣ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៤ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៤ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម