សុខភាព
អ៊ូហ្គង់ដា ប្រាប់ឲ្យប្រជាជនប្រយ័ត្ន ខណៈរកឃើញអ្នកឆ្លងជំងឺអេបូឡា ៩ករណីទៀត (មានវីដេអូ)
ប្រទេសអ៊ូហ្គង់ដា បានរាយការណ៍អំពីការឆ្លងជំងឺអេបូឡា ចំនួន៩ករណីបន្ថែមទៀត នៅក្នុងរដ្ឋធានី កំប៉ាឡា, នាំឲ្យចំនួនសរុបនៃការឆ្លងដែលគេដឹង កើនដល់១៤ករណី ក្នុងរយៈពេលពីរថ្ងៃចុងក្រោយ។
![](https://www.kampucheathmey.com/wp-content/uploads/2022/10/image-1665.png)
ការផ្ទុះឡើង បានចាប់ផ្តើមក្នុងខែកញ្ញា នៅតំបន់ជនបទ ភាគកណ្តាលប្រទេសអ៊ូហ្គង់ដា។ មេរោគបានរីករាលដាលនៅដើមខែនេះទៅកាន់រដ្ឋធានី កំប៉ាឡា ដែលជាទីក្រុង មានប្រជាជនជាង ១.៦លាននាក់។
រដ្ឋមន្ត្រីសុខាភិបាលលោកស្រី Jane Ruth Aceng បាននិយាយនៅលើ Twitter ថា មនុស្ស៧នាក់ក្នុងចំណោម៩នាក់ ដែលបានធ្វើតេស្តវិជ្ជមានកាលពីថ្ងៃអាទិត្យ គឺជាសមាជិកគ្រួសាររបស់បុរសម្នាក់មកពីសង្កាត់ Masanafu។ ពេលនេះ គាត់បានបាត់បង់ជីវិតហើយ ដោយសារជំងឹអេបូឡា។ លោកស្រីបន្តថា មនុស្សម្នាក់ទៀត គឺជាបុគ្គលិកសុខាភិបាល ដែលបានព្យាបាលបុរសរូបនោះ និងប្រពន្ធរបស់គាត់នៅគ្លីនិកឯកជន។
![](https://www.kampucheathmey.com/wp-content/uploads/2022/10/image-1666.png)
ទោះបីជាយ៉ាងណាក៏ដោយ លោកស្រី Aceng មិនបាននិយាយទេថាតើ អ្នកទាំងប្រាំបួន ត្រូវបានគេដាក់ឲ្យធ្វើចត្តាឡីស័កឬក៏អត់ មុនពេលពួកគេធ្វើតេស្ដវិជ្ជមាន។
លោកស្រី Aceng បាននិយាយនៅលើ Twitter របស់ខ្លួនថា “បងប្អូនជនជាតិអ៊ូហ្គង់ដា សូមមានការប្រុងប្រយ័ត្ន។ សូមរាយការណ៍ ប្រសិនបើអ្នកមានទំនាក់ទំនង ឬស្គាល់មនុស្សណាម្នាក់ដែលទាក់ទង”។
![](https://www.kampucheathmey.com/wp-content/uploads/2022/10/image-1667.png)
គួរបញ្ជាក់ថា មានករណីបញ្ជាក់ និងសង្ស័យជំងឺអេបូឡាជាង ៩០ ករណីនៅក្នុងប្រទេសអ៊ូហ្គង់ដា ចាប់តាំងពីមេរោគផ្ទុះឡើង រួមទាំងការស្លាប់មនុស្សយ៉ាងតិច ៤៤នាក់ផងដែរ។ នេះបើយោងតាមសេចក្តីថ្លែងការណ៍របស់ក្រសួងសុខាភិបាល និងអង្គការសុខភាពពិភពលោក។
មេរោគដែលកំពុងចរាចរក្នុងប្រទេសអ៊ូហ្គង់ដា គឺជាប្រភេទជំងឺ “អេបូឡាបំប្លែងខ្លួនស៊ូដង់” ដែលមិនមានវ៉ាក់សាំងណាអាចយកឈ្នះបាន ខុសពីវីរុស Zaire ធម្មតា ដែលរីករាលដាលនៅក្នុង សាធារណរដ្ឋប្រជាធិបតេយ្យកុងហ្គោ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ អង់គ្លេស រកឃើញអ្នកឆ្លងមេរោគបណ្តាលឲ្យហូរឈាមតាមប្រដាប់ភេទស្រដៀង អេបូឡា
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក