អ្នកវិទ្យាសាស្រ្ត ព្រមានឲ្យមនុស្សលោក ត្រៀមខ្លួនទប់ទល់នឹងជំងឺ “ផ្តាសាយឆ្កែ”

នៅថ្ងៃណាមួយ មនុស្សលោកអាចនឹងត្រូវវាយប្រហារដោយ “ជំងឺផ្តាសាយឆ្កែ” ដែលជាទម្រង់បំប្លែងខ្លួនពីជំងឺផ្តាសាយបក្សី។ នេះបើតាមការព្រមានពីអ្នកវិទ្យាសាស្រ្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុស H3N2 បានបង្កាត់ពូជនៅក្នុងសត្វឆ្កែកាលពីជិតពីរទសវត្សរ៍មុន ដោយវា​អាច​បណ្តាលឲ្យមនុស្សចេញរោគសញ្ញាដូចជា​ហៀរ​សំបោរ និង​ក្អក ជាដើម ហើយ​​ក្នុង​ករណី​ធ្ងន់ធ្ងរ វាអាច​បណ្តាល​ឲ្យ​ស្លាប់បានទៀតផង។

ចាប់តាំងពីពេលនោះមក វាបានកកើតនិងប្រែក្លាយជាមេរោគពេញលក្ខណៈនៅក្នុងខ្លួនសត្វឆ្កែ ប៉ុន្តែក្រុមអ្នកស្រាវជ្រាវចិនរកឃើញសញ្ញាដែលបង្ហាញថា មេរោគប្រភេទនេះ អាចនឹងឆ្លងមកមនុស្សជាក់ជាមិនខាន។

យោងតាមការធ្វើតេស្តសំណាកដែលយកចេញពីសត្វឆ្កែនាពេលថ្មីៗ, មេរោគនេះអាចស្គាល់កោសិកាមនុស្សកាន់តែច្បាស់ បើប្រៀបធៀបទៅនឹងសំណាកដែលគេធ្វើតេស្ត​ កាលពីមួយទសវត្សរ៍មុន។

នេះធ្វើឲ្យកាន់តែងាយស្រួលសម្រាប់ភាគល្អិតមេរោគ ក្នុងការឆ្លងទៅកោសិកាក្នុងខ្លួនមនុស្ស ដែលមានន័យថា មេរោគមានសមត្ថភាពខ្លាំងជាងមុន ក្នុងការប្រជ្រៀតចូលខ្លួនមនុស្ស។

ក្រុមអ្នកស្រាវជ្រាវនៅសាកលវិទ្យាល័យកសិកម្មចិនក្នុងទីក្រុងប៉េកាំង បានសរសេរនៅក្នុងទស្សនាវដ្តី eLife ថា “លទ្ធផលរបស់យើងបង្ហាញថា សត្វឆ្កែអាចដើរតួជាអន្តរការីសម្រាប់ការសម្របខ្លួននៃមេរោគគ្រុនផ្តាសាយបក្សីជាមួយមនុស្ស”។

ក្នុងការពិសោធន៍ គេបានយកមេរោគ H3N2 ចាក់ចូលសត្វឆ្កែចំនួន៦ក្បាល ប៉ុន្តែគ្មានសត្វឆ្កែណាមួយងាប់​ទេ ដោយពួកវាសុទ្ធតែមាន​ជំងឺ​ស្រាល ហើយមកទល់នឹងពេលនេះ ក៏មិនទាន់មានរបាយការណ៍ថា មនុស្សណាម្នាក់ឆ្លងជំងឺផ្កាសាយឆ្កែនេះដែរ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្ត្របញ្ជាក់ច្បាស់ៗថា កូវីដ មានប្រភពដើមនៅក្នុងធម្មជាតិ មិនមែនចេញពីមន្ទីរពិសោធន៍នោះទេ