គន្លឹះងាយៗព្យាបាលសក់ជ្រុះយ៉ាងមានប្រសិទ្ធភាព ត្រឹមតែរយៈពេល ២ សប្ដាហ៍

ជាទូទៅយើងអាចនឹងជ្រុះសក់តិចតួចជាប្រចាំថ្ងៃវាជារឿងធម្មតាតែប្រសិនបើការជ្រុះសក់ធ្ងន់ធ្ងរ ហើយមិនអាចដុះឡើងវិញបាន នោះគឺវាជាបញ្ហាមួយគួរឱ្យព្រួយបារម្ភដោយមូលហេតុរួមមាន: កត្តាហ្សែន; ភាពតានតឹង, បញ្ហាផ្លូវចិត្តជាដើម ។

ខាងក្រោមនេះគឺជាគន្លឹះងាយៗ ព្យាបាលសក់ជ្រុះយ៉ាងមានប្រសិទ្ធភាពត្រឹមតែរយៈពេល ២ សប្តាហ៍ ៖

១. ប្រេង Rosemary

Rosemary គឺជាឱសថដែលត្រូវបានគេស្គាល់ថាសម្រាប់ “ឯកទេស” របស់វាក្នុងការថែរក្សាសក់ដែលមានប្រសិទ្ធភាពដោយសារសមត្ថភាពរបស់វាក្នុងការធ្វើអោយឈាមរត់កាន់ប្រសើរឡើង។ លាយប្រេងrosemary ៥ ដំណក់ក្នុងសាប៊ូកក់សក់របស់អ្នក បន្ទាប់មកបន្តទៅសាប៊ូកក់សក់ និងម៉ាស្សា ក្បាលរបស់អ្នកដូចធម្មតា។ បន្ទាប់ពី ២ សប្តាហ៍អ្នកនឹងឃើញការប្រែប្រួលគួរឱ្យកត់សម្គាល់។

២. ព្យាបាលសក់ជ្រុះជាមួយខ្ទឹមស ខ្ទឹមបារាំង និងក្រូចឆ្មា

គ្រឿងផ្សំទាំងបីនេះមានលក្ខណៈសម្បត្តិប្រឆាំងនឹងបាក់តេរី នេះមានន័យថាពួកគេអាចជួយកម្ចាត់សារធាតុកខ្វក់នៅលើស្បែកក្បាលរបស់អ្នក។ លើសពីនេះ សមាសធាតុស្ពាន់ធ័រនៅក្នុងខ្ទឹមបារាំង និងខ្ទឹមជួយធ្វើឱ្យសរសៃសក់មានស្ថេរភាព អ្នកត្រូវលាយខ្ទឹមស ខ្ទឹមបារាំង និងក្រូចឆ្មាក្នុងសមាមាត្រសមរម្យ បន្ទាប់មកយកល្បាយមកលាបលើស្បែកក្បាល ហើយទុកចោល ២០នាទី។ លាងជម្រះជាមួយទឹកច្រើនឲ្យបានស្អាត​ ធ្វើវា ៣ដងក្នុងមួយសប្តាហ៍។

៣. ខ្ទិះដូង និងការ៉ុត

ការរួមបញ្ចូលគ្នានេះជួយពង្រឹងសក់ព្រោះគ្រឿងផ្សំទាំងពីរសម្បូរទៅដោយសារធាតុចិញ្ចឹម ការ៉ុត ប្រឆាំងអុកស៊ីតកម្ម វីតាមីន B6; B12; ខ្ទិះដូងមានវីតាមីន អាស៊ីតអាមីណូ អំបិលរ៉ែ។ អ្វីដែលអ្នកត្រូវធ្វើ គឺយកទឹកខ្ទិះដូង និងការ៉ុតមកលាបលើសក់របស់អ្នក ធ្វើបែបនេះម្តងក្នុងមួយ សប្តាហ៍រហូតដល់អ្នកឃើញប្រសិទ្ធភាព ។

៤. ទឹកខ្មេះប៉ោម

ទឹកខ្មេះអាចជួយគ្រប់គ្រងជាតិខ្លាញ់លើស ប្រសិនបើសក់ជ្រុះបណ្តាលមកពីសក់ប្រេង ចូរជ្រើសរើ សវិធីព្យាបាលនេះ ព្រោះវាជួយជំរុញដល់ចរន្តឈាម។ អ្វីដែលអ្នកត្រូវធ្វើ គឺម៉ាស្សាស្បែកក្បាលរប ស់អ្នកជាមួយនឹងទឹកខ្មេះប៉ោម បន្ទាប់មកទុក ១០ទៅ១៥ នាទីហើយលាងទឹកចេញអ្នកអាចធ្វើវិធី សាស្រ្តនេះមួយសប្តាហ៍ម្តង។

៥. ប្រទាលកន្ទុយក្រពី

ប្រទាលកន្ទុយក្រពីផ្តល់សំណើម និងព្យាបាលស្បែកក្បាលរបស់អ្នកអ្នកគ្រាន់តែលាយវាជាមួយនឹង ទឹកបន្តិចដើម្បីឱ្យមានក្រែមដែលអាចម៉ាស្សាស្បែកក្បាលបាន។

៦. Beets

Beets សម្បូរទៅដោយសារធាតុចិញ្ចឹមព្រោះវាមានវីតាមីន B, C, កាល់ស្យូម, ផូស្វ័រ និងប៉ូតាស្យូម។ លាយទឹកដាំពុះជាមួយនិងទឹក beetroot ដែលបានគៀបយកទឹកហើយដើម្បីធ្វើឱ្យល្បាយក្តៅឧណ្ឌៗ ហើយកក់សក់របស់អ្នកជាមួយល្បាយរួចលាងទឹកចេញធម្មតា ៕

ប្រែសម្រួល៖នាងតូច

ប្រភព៖laodong

ចុចអាន៖ពពួកប៊ឺរី ៥ ផ្លែ ល្អសម្រាប់អ្នកដែលមានជំងឺក្រពេញទីរ៉ូអ៊ីត