KPT+
ទម្លាប់ទាំង ៧ នេះអាចបំផ្លាញសក់របស់យើង ដោយមិនដឹងខ្លួន
សក់របស់យើងអាចមានបញ្ហាដោយសារទម្លាប់សាមញ្ញៗមួយចំនួន ដែលងាយនឹងធ្វើឲ្យសក់សំពោង ដាច់ បែកចុង ឬជ្រុះ។ ទម្លាប់ប្រចំាថ្ងៃអ្វីខ្លះដែលអាចធ្វើឱ្យសក់យើងខូច ហើយយើងគួរកែបែបណា?
ខាងក្រោមជាទម្លាប់ទាំង ៧ ដែលអាចបំផ្លាញសក់របស់យើង និងវិធីកែទម្លាប់នេះ៖
១. ញីសាប៊ូកក់សក់លើសក់
ជំនួសឱ្យការញីសាប៊ូកក់សក់លើសក់ឱ្យចេញពពុះ យើងគួរញីសាប៊ូកក់សក់ថ្នមៗលើស្បែកក្បាលឱ្យសព្វវិញ ហើយអេះសម្អាតស្បែកក្បាលថ្នមៗ។ បន្ទាប់មកលាងសម្អាតចេញដោយឱ្យទឹក និងសាប៊ូហូរកាត់សក់របស់យើង។ ការធ្វើបែបនេះមិនត្រឹមតែអាចឱ្យយើងសម្អាតស្បែកបានស្អាតល្អទេ ថែមទាំងអាចឱ្យយើងសម្អាតសក់ដោយមិនធ្វើឱ្យសក់កកិតខូចទៀតផង។
២. មិនប្រើគ្រីមបន្ទន់សក់
យើងគួរប្រើគ្រីមបន្ទន់សក់រាល់ពេលកក់សក់រួចដើម្បីបន្ថែមសំណើមដល់សក់ និងជួយធ្វើឱ្យសក់ទន់រលោងមិនជំពាក់ ព្រោះសារធាតុកាត់ក្នុងសាប៊ូកក់សក់អាចធ្វើសក់យើងបាត់បង់សំណើម និងជាតិប្រេង។
៣. ជូតសក់ជាមួយកន្សែង
ការជូតសក់ឱ្យស្ងួតជាមួយកន្សែងអាចធ្វើឱ្យសក់កកិត និងសឹកស្រទាប់ការពាររបស់សក់ដែលនឹងបង្កឱ្យសក់ស្ងួត និងសំពោង។ ដូច្នេះយើងអាចរុំសក់ដែលសើមជាមួយកន្សែងជំនួសវិញដើម្បីឱ្យកន្សែងបឺតស្រូបទឹកពីសក់ រួចទុកឱ្យសក់ស្ងួតតាមសម្រួល។
៤. សិតសក់ទាំងសក់សើម
យើងគួរទុកឱ្យសក់ស្ងួតបន្តិចសិន ចាំសិតសក់ថ្នមៗជាមួយក្រាសដែលមានចន្លោះធ្មេញធំៗដើម្បីចៀសវាងការធ្វើឱ្យសក់ជ្រុះ និងខូចព្រោះសក់ដែលសើមមានសភាពទន់ខ្សោយណាស់។
៥. ផ្លុំសក់ឱ្យស្ងួត
ការផ្លុំសក់ឱ្យស្ងួតអាចបណ្តាលឱ្យសក់បាត់បង់សំណើម ឆេះស្រទាប់ការពារសក់ និងខូចដោយសារកម្តៅ។ ដូច្នេះយើងគួរទុកឱ្យសក់ស្ងួតតាមសម្រួលល្អជាង។ តែបើយើងចាំបាច់ត្រូវផ្លុំសក់ដោយសារប្រញាប់ យើងអាចផ្លុំសក់ដោយប្រើខ្យល់ត្រជាក់ ហើយចៀសវាងប្រើញឹកញាប់ពេក។
៦. ប្រើផលិតផលធ្វើម៉ូដសក់
ប្រើផលិតផលធ្វើម៉ូដសក់ដូចជា ចាហួយលាបសក់ ឬស្រ្ពៃបាញ់សក់ជាដើមអាចមានផ្ទុកជាតិអាល់កុលដែលធ្វើឱ្យសក់យើងស្ងួត ឬមានផ្ទុកសារធាតុស៊ីលីកូនដូចជា cyclomethicone, amodimethicone និង dimethicone ដែលធ្វើឱ្យសក់យើងឡើងប្រេង។ ដើម្បីចៀសវាងបញ្ហា យើងគួរធ្វើម៉ូដសក់ណាដែលមិនត្រូវការប្រើផលិតផលធ្វើម៉ូដសក់ទាំងនេះ។
៧. ចង ឬក្រងសក់តឹងៗ
បើយើងចង បួងសក់ ឬក្រងសក់បែបតូចៗតឹងៗ យើងអាចទាញសរសៃសក់ពីគល់សក់ខ្លាំងដែលអាចធ្វើឱ្យខូចឫសសក់ និងបង្កឱ្យសក់ជ្រុះ។ ជំនួសមកវិញយើងគួរធ្វើម៉ូដសក់ណាដែលមិនត្រូវការការចង់ ឬបួងសក់តឹងៗ ឬក៏អាចទម្លាក់សក់ក៏បាន។
ក្រៅពីទម្លាប់ប្រចាំថ្ងៃ សក់របស់យើងក៏អាចខូចដោយសារការត្រូវពន្លឺថ្ងៃខ្លំាងក្នុងរយៈពេលយូរដែរ ដែលធ្វើឱ្យសក់ស្ងួត និងផុយ ហេតុនេះហើយយើងគួរពាក់មួក ឬបាំងឆ័ត្រពេលចេញក្រៅត្រូវពន្លឺថ្ងៃ៕
ចុចអាន៖មិនចង់ឲ្យសក់ឡើងប្រេង គួរដឹងវិធីការពារទាំងនេះ
ចុចអាន៖វិធីសាស្ត្រថែរក្សាសក់ឱ្យដុះលឿន តាមរយៈសកម្មភាពប្រចាំថ្ងៃ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache