សុខភាព

តើមនុស្សប្រុស អាចចាក់វ៉ាក់សាំងការពារមេរោគមហារីកមាត់ស្បូន បានដែរឬទេ?

បានផុស

៣ years មុន

នៅ

ថ្ងៃពុធ ២៦ កក្កដា ២០២៣

ដោយ

កន្លងមក មានភាពចម្រូងចម្រាស់ពីការទទួលវ៉ាក់សាំងមហារីកមាត់ស្បូន ដែលសាធារណជនមានការភាន់ច្រឡំថា បុរស មិនអាចចាក់វាំងសាំងប្រភេទនេះបានឡើយ ក៏ព្រោះតែបុរសមិនមានស្បូនដូចស្ត្រី។ ត្រង់ចំណុចនេះ លោកវេជ្ជបណ្ឌិត ហ៊ាង រតនា ពន្យល់ថា ការចាក់វ៉ាក់សាំងការពារមហារីកមាត់ស្បូន ក៏អាចផ្តល់សម្រាប់បុរសដែរ ព្រោះថា ការចាក់វ៉ាក់ សាំង គឺដើម្បីការពារបុរសនិងស្ត្រី ពីបញ្ហាដែលបង្កដោយវីរុស Human Papilomavirus (HPV) ទៅជាមហារីក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូពេទ្យជំងឺទូទៅរូបនេះបញ្ជាក់ថា ការចាក់វ៉ាក់សាំងការពារមហារីកមាត់ស្បូន HPV Vaccince អាចជួយការពារស្ត្រី និងបុរស ពីគ្រោះថ្នាក់ធ្ងន់ធ្ងរនៃការឆ្លងមេរោគមហារីក ដែលបង្កផលវិបាកផ្សេងៗលើសារពាង្គកាយ ពិសេសប្រដាប់ភេទ រួមនឹងចំពោះសុខភាពទូទៅ។

បើតាមលោកវេជ្ជបណ្ឌិត ហ៊ាង រតនា គុណប្រយោជន៍នៃការចាក់វ៉ាក់សាំងមហារីកមាត់ស្បូនលើមនុស្សប្រុស គឺដើម្បី៖
១. ការពារការឆ្លងមេរោគមហារីកមាត់ស្បូនទៅដៃគូ និងរោគមហារីកដែលអាចកើតមានចំពោះបុរសផ្ទាល់។
២. កាត់បន្ថយភាគរយនៃការកើតជំងឺមហារីកក្រពេញប្រូស្ដាតលើបុរស មហារីកចុងពោះវៀនធំ និងមហារីកបំពង់ក (oropharyngeal cancer) ដែលបង្កពីការរួមភេទដោយប្រើមាត់។
៣. ការពារជំងឺសិរមាន់ (ជាជំងឺពិបាកព្យាបាល)។