គ្រូពេទ្យ​ព្រមាន​ពី​គ្រោះ​ថ្នាក់ ​៤​ យ៉ាង​ កើត​ចេញ​ពី​ការ​អង្គុយអន្ទាក់ខ្លា

អង្គុយអន្ទាក់ខ្លា ជា​ទីតាំង​ដែល​មនុស្ស​ជា​ច្រើន​អង្គុយ​រហូត​ក្លាយ​ជា​ទម្លាប់។ ប៉ុន្តែ​តើ​អ្នក​ដឹង​ទេ​ថា ​ទីតាំង​អង្គុយ​ដែល​មាន​ជើង​ទ្រវែង​អាច​បង្ក​គ្រោះថ្នាក់​ដល់​រាង​កាយ​អ្នក​ដោយ​មិន​នឹកស្មាន​ដល់​? វេជ្ជបណ្ឌិត​បាន​ចេញ​ការ​ព្រមាន​អំពី​គ្រោះ​ថ្នាក់​៤​យ៉ាង​ពី​ការ​អង្គុយ​អន្ទាក់ខ្លា។ អ្នក​​ដែល​មាន​ទម្លាប់​អង្គុយ​ក្នុង​ទីតាំង​នេះ​ញឹកញាប់​ត្រូវ​ប្រយ័ត្ន។

វេជ្ជបណ្ឌិត Zheng Weize បាន​ចេញ​ការ​ព្រមាន​ថា​ អង្គុយ​អន្ទាក់ខ្លា វានឹងឲ្យពោះខាងក្រោមប៉ោងហើយឆ្អឹងអាងត្រគាកមនឹងពត់ឬកោងឡើងមក។

លោកវេជ្ជបណ្ឌិត Zheng បានបង្ហោះនៅលើទំព័រហ្វេសបុក “Han Yi Tang Traditional Chinese Medicine Clinic” ថា ទីតាំងបត់ជើង មិនត្រឹមតែមានគ្រោះថ្នាក់ដល់សុខភាពអាងត្រគាកប៉ុណ្ណោះទេ សូម្បីតែឆ្អឹងខ្នង ឆ្អឹងអាងត្រគាកអាចបណ្តាលឲ្យឈឺខ្នង ស្មា និងក។

គ្រូពេទ្យវះកាត់ឆ្អឹង Yan Ge Lun ក៏គាំទ្រព័ត៌មាននេះ ដោយបង្ហាញ​ពី​គ្រោះ​ថ្នាក់​៤​យ៉ាង ​ដែល​បង្ក​ឡើង​ដោយ​ការ​អន្ទាក់ខ្លា។

១ រោគសញ្ញា Piriformis៖ សាច់ដុំ Piriformis គឺជាសាច់ដុំដែលមានទីតាំងជ្រៅនៅក្នុងគូទ។ ការអន្ទាក់ខ្លានឹងធ្វើឲ្យសាច់ដុំនេះតឹង។ ជើងរបស់អ្នកកាន់តែវែង សាច់ដុំកាន់តែច្រើនត្រូវបានប្រើប្រាស់ច្រើនពេក។ នេះអាចបណ្តាលឲ្យហើមនិងរលាកយ៉ាងងាយស្រួល ឬបណ្តាលឲ្យឈឺចាប់នៅគូទ វាងាយស្រួលក្នុងការកត់សំគាល់ថាសាច់ដុំឈឺ ដល់ពេលផ្លាស់ប្តូរទម្លាប់បែបនេះចោល។

២ សរសៃ varicose: ពេលគងអន្ទាក់ខ្លា​​ ជើងទាំងពីរនឹងត្រួតលើគ្នា ហើយសរសៃប្រសាទនិងសរសៃឈាមនៅខាងក្រោយជើង នឹងចុចនៅម្ខាងទៀត។ នេះនឹងប៉ះពាល់ដល់លំហូរឈាម​ ហានិភ័យនៃសរសៃ varicose នៅក្នុងខ្មងគោរបស់ជើង។

៣ ឈឺត្រគាក៖ ការអន្ទាក់ខ្លារបស់អ្នកជាទម្លាប់ ក៏បង្កើតសម្ពាធអាងត្រគាកដែលមិនមានលំនឹង ដែលបណ្តាលឲ្យមានបញ្ហាដូចជា ក្លនឌីស និងឈឺត្រគាក។ ប្រសិនបើអ្នកមានការឈឺចាប់ ស្ពឹក ឈឺ ឬខ្សោយរួចហើយ ឬប្រសិនបើអ្នកជាមនុស្សចាស់ អ្នកគួរតែចៀសវាង។

៤ នោមញឹកញាប់ខុសពីធម្មតា ការ​អង្គុយ​អន្ទាក់ខ្លា អាច​ធ្វើ​ឲ្យសាច់ដុំ​អាងត្រគាក​របស់​អ្នក​បាត់បង់​ភាពបត់បែន។ បណ្តាលឲ្យឈឺចាប់នៅផ្នែកខាងក្រោមពោះ ឬនោមញឹកញាប់ពេលបត់ជើងតូច ប៉ះពាល់ដល់មុខងារនៃប្រព័ន្ធទឹកនោមជាដើម៕

អត្ថបទ៖ សាង ស្រីល័ក្ខ

ចុចអាន៖តើមានអ្វីកើតឡើង​ ប្រសិនបើអ្នកញ៉ាំផ្លែប័រ ពេញមួយសប្តាហ៍?