Connect with us

KPT+

ចាប់យកជំនាញនៅមហាវិទ្យាល័យត្រូវនឹងសក្តានុពលខ្លួន តាមវិធី ៤ យ៉ាងនេះ

បានផុស

នៅ

សិស្សានុសិស្សជាច្រើនឧស្សាហ៍មានបញ្ហាពាក់ព័ន្ធការជ្រើសរើសមុខវិជ្ជារៀនបន្តនៅសាកលវិទ្យាល័យ។ អ្នកខ្លះរើសរៀនតាមគ្រួសារ​ អ្នកខ្លះតាមមិត្តភក្ដិ ឯអ្នកខ្លះទៀតចេះតែរៀនៗទៅ ព្រោះមិនច្បាស់ថារៀនអ្វីឲ្យសក្តិសមសម្រាប់ខ្លួនឯង។

នេះនែ៎!​ វិធី ៤​ អាចជួយជាគន្លឹះសម្រាប់ប្អូនៗទើបបញ្ចប់ការសិក្សាទុតិយភូមិក្នុងចាប់យកជំនាញដែលត្រឹមត្រូវ៖

១. តើអ្នកចង់ក្លាយជាអ្វី?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជ្រើសរើសជំនាញដែលជាក្តីស្រមៃរបស់អ្នកមានតាំងពីតូច ឬជាការរំពឹងទុកកាលនៅវិទ្យាល័យ។  បើទាល់តែដល់មហាវិទ្យាល័យទើបគិត ឬចាំចប់ឆ្នាំទី១ចាំរើស  អ្នកអាចសម្រេចចិត្តខុសដោយចេះតែរើសៗមុខជំនាញឲ្យតែបាន ឬជ្រើសរើសតាមមិត្តដែលអាចមិនមែនជាអ្វីដែលសក្ដិសមនឹងអ្នក ឬជាអ្វីដែលអ្នកចង់បាន ហើយលទ្ធផលដែលទទួលបានវិញនោះភាគរយតិចណាស់ដែលជាផលវិជ្ជមាន។

២. តើអ្នកចូលចិត្តជំនាញអ្វី?

ការបន្តការសិក្សានៅមហាវិទ្យាល័យ មិនមែនត្រឹមតែទៅរៀនឲ្យបានគ្រប់តែពេលបួនឆ្នាំដើម្បីបានសញ្ញាប័ត្រនោះទេ តែត្រូវមានផ្សារភ្ជាប់ជាមួយចំណូលចិត្តដែរ។ ដូចនេះហើយការជ្រើសរើសនូវមុខជំនាញដែលយើងមានចំណង់លើជារឿងសំខាន់ ព្រោះវាជាផ្នែកមួយនៃកម្លាំងចិត្តដែលរុញឲ្យខ្លួនក្រោកពីព្រលឹមទៅសាលា ចំណាយពេលវេលាសិក្សាបន្ថែម និងទោះបីត្រូវនូវបន្តធ្វើកិច្ចការដល់យប់ជ្រៅក៏អាចធ្វើបាន។

៣. រៀនជំនាញណាដែលពូកែស្រាប់

អ្នកអាចធ្វើការប្រៀបធៀបទៅនឹងលទ្ធផលកាលពីរៀននៅវិទ្យាល័យថា តើមុខវិជ្ជាអ្វីដែលអ្នកចូលចិត្ត ឬរៀនពូកែជាងមុខវិជ្ជាដទៃទៀត។ ប្រសិនបើ គិតថាមុខវិជ្ជាដែលបានរៀននៅវិទ្យាល័យសុទ្ធតែមានភាព​ប្រហាក់ប្រហែលគ្នាដោយពិបាករកមុខវិទ្យាណាមួយដែលលេចធ្លោឃើញ​ អ្នកអាចងាកមកមើលពីអ្វីដែលអ្នកមានទេពកោសល្យជំនួស​វិញ។​  បើអ្នកពូកែខាងភាសា ពូកែនិយាយ មានសមត្ថភាពដោះស្រាយបញ្ហាឲ្យអ្នកនូវជុំវិញខ្លួន នោះអ្នកអាចសំលឹងមើលទៅជំនាញមួយចំនួនដូចជា​មេធាវី អ្នកគ្រប់គ្រង គ្រូភាសា ឬមួយផ្នែកទេសចរជាដើម។

៤. ទុកជំនាញមិនសូវសំខាន់ចោល

ចំពោះមុខជំនាញណាដែលដែលមិនសូវសំខាន់ ឬមិនសូវមានទីផ្សារយើងគួរលុបវាចោល ដោយជ្រើសយកតែជំនាញណាដែលត្រូវនឹងស្ថានភាពទីផ្សារការងារនៅក្នុងស្រុក។ ត្រូវចាំថា មនុស្សម្នាក់បើធ្វើរឿងច្រើនយ៉ាងក្នុងពេលតែមួយ លទ្ធផលដែលទទួលបានមិនសូវជាល្អប៉ុន្មានទេ ហើយកាលដែលយើងចេះដប់ក៏មិនប្រាកដថាល្អដូចប្រសព្វមួយដែរ។ ដូចនេះបើសិនជាអាច គប្បីចាប់យកអ្វីដែលសំខាន់ ឬចាំបាច់ឲ្យបានជាមុនសិន៕

ប្រែសម្រួល៖ សន្យា

ប្រភព៖ EF

ចុចអាន៖ចង់ក្លាយជាអ្នកមានទ្រព្យត្រូវចេះបង្កើតផ្នត់គំនិតសេដ្ឋី

ចុចអាន៖អ្នកនិពន្ធវ័យក្មេងមានស្នាដៃប្រមូលផ្ដុំគ្នានៅ “ទសប៉ាកកា”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម