KPT+

៤វិធីក្នុងការចាប់ផ្ដើមអាជីវកម្មផ្ទាល់ខ្លួន នៅពេលរៀនមហាវិទ្យាល័យ

បានផុស

៣ years មុន

នៅ

ថ្ងៃពុធ ១៧ មីនា ២០២១

ដោយ

និស្សិតមួយចំនួនរង់ចាំរហូតដល់ពួកគេបានបញ្ចប់ការសិក្សានៅមហាវិទ្យាល័យ មុនពេលចាប់ផ្ដើមគិតពីអ្វីដែលខ្លួននឹងធ្វើ។ អ្នកផ្សេងទៀតសម្រេចចិត្តថាចង់ចាប់ផ្ដើមអាជីវកម្មផ្ទាល់ខ្លួន ហើយចាប់យកអាជីពរបស់ពួកគេពេលនៅរៀនមហាវិទ្យាល័យ។

ជាការពិតណាស់ ការចាប់ផ្ដើមអាជីវកម្មផ្ទាល់ខ្លួនរបស់យើងនៅក្នុងមហាវិទ្យាល័យ អាចជាល្បិចកលជាពិសេសមួយប្រសិនបើយើងដឹងថា គោលដៅខ្លួនឯងជាអ្វី។

១. ផែនការអាជីវកម្ម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើអ្នកធ្លាប់សរសេរផែនការអាជីវកម្មពីមុនទេ? នេះគឺជាអ្វីដែលម្ចាស់អាជីវកម្មទាំងអស់ត្រូវធ្វើមុនពេលពួកគេបន្តទៅមុខទៀត បើមិនដូច្នេះទេ អ្នកនឹងយល់ថាវាអាចងាយស្រួល តែកំហុសច្រើនកើតឡើងដដែលៗ។ មានរបស់ជាច្រើនដែលគួរដាក់បញ្ចូលក្នុងផែនការអាជីវកម្មរបស់អ្នក រួមមានទីផ្សារ ការផ្ដល់មូលនិធិនិងវិធីដែលអ្នកត្រូវចំណាយប្រាក់របស់អ្នក។ រកមើលតាមអ៊ីនធឺណិតសម្រាប់ការណែនាំមួយចំនួនអំពីរបៀបសរសេរផែនការអាជីវកម្មដ៏ល្អឥតខ្ចោះ។

២. ការដឹកជញ្ជូន

ដើម្បីដំណើរការអាជីវកម្មរបស់យើងបានដោយជោគជ័យត្រូវពិចារណាលើការដឹកជញ្ជូនដោយផ្អែកលើអាជីវកម្មរបស់យើង ហើយយើងប្រហែលជាត្រូវការជំនួយដើម្បីធ្វើការដឹកជញ្ជូន។ យើងអាចប្រើប្រាស់សេវាកម្មដឹកជញ្ជូនបានដោយមិនពិបាកនឹងមិនចាំបាច់ខ្លាចខាតពេលសិក្សាឡើយ។

៣. ការសិក្សាជាចម្បង

មានគម្រោងចាប់ផ្ដើមធ្វើជំនួញផ្ទាល់ខ្លួននៅមហាវិទ្យាល័យគឺត្រូវចាំថា ត្រូវផ្ដោតលើការសិក្សារបស់អ្នកជាចម្បង។ វាគួរឲ្យមានមោទនភាពណាស់ក្នុងការចាប់ផ្ដើមអាជីវកម្មផ្ទាល់ខ្លួននៅក្នុងមហាវិទ្យាល័យ ប៉ុន្តែកុំឲ្យវាប៉ះពាល់ដល់ការសិក្សារបស់អ្នកឲ្យសោះ។ ធ្វើការផងរៀនផង ដោយហេតុផលវាពិតជាអាចមានអត្ថប្រយោជន៍សម្រាប់អ្នក ក្នុងការរៀនបន្ថែមទៀតអំពីអាជីវកម្ម។ ដូច្នេះ កុំឲ្យវាក្លាយជារនាំងមួយឲ្យអ្នកបោះបង់ការសិក្សាចោល លើកលែងតែអ្នកទទួលជោគជ័យខ្លាំង។

៤. សាលក្រមចុងក្រោយ

ប្រសិនបើអ្នកមានគម្រោងចាប់ផ្ដើមធ្វើជំនួញនៅពេលអ្នករៀននៅមហាវិទ្យាល័យ អ្នកគួរតែប្រាកដថានឹងទទួលយកដំបូន្មានដែលយើងបានផ្ដល់ឲ្យអ្នកនៅក្នុងអត្ថបទនេះ។ រៀបចំផែនការគ្រប់យ៉ាងដែលអ្នកអាចធ្វើបាន និងកុំភ្លេចគិតអំពីវិធីដែលអ្នកនឹងផ្ដល់មូលនិធិដល់អាជីវកម្មរបស់អ្នក។

ជូនពរអ្នកអានទទួលបានជោគជ័យនូវមុខជំនួញនិងសញ្ញាប័ត្រមហាវិទ្យាល័យព្រមៗគ្នា៕

ប្រែសម្រួល៖ សាង ស្រីល័ក្ខ

ចុចអាន៖និស្សិតមហាវិទ្យាល័យគួរធ្វើរឿងទាំងនេះ ដើម្បីទទួលបាន Soft Skill ក្រោយទំនេរពីការសិក្សា

ចុចអាន៖គន្លឹះសន្សំប្រាក់ទាំង ៧ ជានិស្សិតមហាវិទ្យាល័យគួរតែអនុវត្ត កុំឲ្យដាច់ខែដាច់ខ្យល់