KPT+

បង្រៀនចាស់ៗ រៀនជំនាញថ្មីៗ ជំនួយខួរក្បាលបានល្អចៀសផុតភ្លេចភ្លាំង

បានផុស

៥ years មុន

នៅ

ថ្ងៃសៅរ៍ ២៦ មិថុនា ២០២១

ដោយ

Sonya

ការបង្រៀនមនុស្សវ័យចំណាស់ ឲ្យរៀនជំនាញថ្មីៗ អាចធ្វើឲ្យពួកគាត់នៅចងចាំបានល្អ ហើយត្រឹមតែរយៈពេល ជាង១ខែ និងឃើញលទ្ធផល នេះបើតាមការស្រាវជ្រាវថ្មីមួយ។

បង្រៀនចាស់ៗ រៀនជំនាញថ្មីៗ ជំនួយខួរក្បាលបានល្អចៀសផុតភ្លេចភ្លាំង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាធ្វើឡើងដោយ សាកលវិទ្យាល័យ កាលីហ្វ័រញ៉ា Riverside សហរដ្ឋអាមេរិក បានរកឃើញថា ការរៀនអ្វីដែលថ្មី តែ១ ឬ២ជំនាញ ពិតជាជួយឲ្យខួរក្បាល មានថាមពលឡើងវិញ ហើយជាពិសេសការពារមនុស្សវ័យចំណាស់ៗ ពីជំងឺភ្លេចភ្លាំងច្រើន។

នៅក្នុងការស្រាវជ្រាវ ក្រុមអ្នកជំនាញ បានស្នើសូមអ្នកស្ម័គ្រចិត្ត អាយុចន្លោះ ពី ៥៨- ៨៦ឆ្នាំ ចូលរួម ដោយជ្រើសរើសរៀនជំនាញអ្វីមួយដែលថ្មី និងស្របទៅតាមចំណង់ចំណូលចិត្តរបស់ពួកគេ ក្នុងរយៈពេល ១៥ម៉ោង ក្នុង១សប្តាហ៍។ លទ្ធផលឃើញ ជាក់ស្តែង ត្រឹមរយៈពេល ៦សប្តាហ៍ សមត្ថភាពចងចាំ របស់ពួកគេ (អ្នកស្ម័គ្រចិត្ត) មានភាពប្រសើរ ឡើង ក្នុងនោះរួមមានទាំង សមត្ថភាពភាសា គូររូប សរសេរទំនុកច្រៀងទៀតផង។ ហើយជាមួយគ្នា នេះ លទ្ធផលការចងចាំ កាន់តែប្រសើរឡើង ពី១ថ្ងៃទៅ១ថ្ងៃ។

Asian senior couple using tablet at home. asian senior chinese grandparents, video call talking with family grandchild kids while lying on bed in bedroom at home in the morning concept. Free Photo -

លោកវេជ្ជបណ្ឌិត Rachel Wu អ្នកដឹកនាំការស្រាវជ្រាវខាងលើ បាននិយាយថា៖ ” ការសិក្សានេះ ឃើញថាបទពិសោធន៍នៃសកម្មភាពរៀនសូត្រ បានជួយខួរក្បាល មនុស្សវ័យចំណាស់ ឲ្យនៅស្ថិតស្ថេរប្រសើរ ហើយវាពិតជាអាចបន្ថយ ហានិភ័យភាពភ្លេចភ្លាំងរបស់ពួកគេបានមែន”។

Premium Photo | Middle aged asian couple work from home

បើងាកទៅមើលរបាយការណ៍ អង្គការសុខភាពពិភពលោក (WHO) មនុស្សប្រមាណ ៥០លាននាក់ កើតមានជំងឺភ្លេចភ្លាំង ហើយមកទល់ពេលនេះ គឺពុំទាន់មានវិធីច្បាស់លាស់ណា ដែលអាចព្យាបាលជំងឺប្រភេទនេះបាននៅឡើយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អាយុលើស៦០ហើយ គួររៀនប្រើបច្ចេកវិទ្យា Internet ដែរអត់?

ចុចអាន៖ វេជ្ជបណ្ឌិតព្រមានថា មនុស្សវ័យចំណាស់អាយុ ៦០ ឆ្នាំឡើង កុំទម្លាប់ធ្វើបែបនេះប្រយ័ត្នគ្រោះថ្នាក់ធំ