KPT+
ចំណុចសំខាន់ៗ ឪពុកម្ដាយត្រូវដឹង មុននាំកូនអាយុ ៦-១២ ឆ្នាំ ទៅចាក់វ៉ាក់សាំង Sinovac
ការបើកយុទ្ធនាការចាក់វ៉ាក់សាំងកុមារតូចៗ គឺត្រូវធ្វើនៅក្របខណ្ឌទូទាំងប្រទេស ដែលសម្ដេចតេជោ ហ៊ុន សែន នឹងចូលរួមបើកនៅឯវិមានសន្តិភាព នៅថ្ងៃសុក្រសប្តាហ៍នេះ ដូចដែលចាក់ឲ្យកុមារ និងយុវវ័យកាលពីពេលមុន។
ស្របការលើកឡើងរបស់សម្ដេច ឪពុកម្ដាយគ្រប់គ្នាគួរតែដឹងមុនខ្លះៗ ពីរបៀបរបបនិងត្រូវណែនាំកូនតូចៗ មុននិងក្រោយចាក់វ៉ាក់សាំងកូវីដ។
មុនចាក់វ៉ាក់សាំងកុមារត្រូវ៖
–ត្រូវដឹងថា វ៉ាក់សាំងដែលក្មេងអាយុពី ៦ ទៅ ១២ ឆ្នាំចាក់ គឺជាវ៉ាក់សាំងរបស់ប្រទេសចិន ប្រភេទ Sinovac ។
– រយៈពេលត្រូវចាក់ បន្ទាប់ពីចាក់ដូសទីមួយ ត្រូវរង់ចាំរយៈពេល ២១ ថ្ងៃ ទើបអាចចាក់ដូសទីពីរបានចំណែកដូសទី ៣ អាចពី ៦ ទៅ ៨ ខែ។
-មុនទៅដល់កន្លែងចាក់ ប្រាប់កូនមុនឲ្យហើយ រឿងរក្សាគំលាតពីក្មេងៗដទៃ ជាពិសេសរឿងអនាម័យ ហើយចៀសវាងប៉ះដៃទ្វារ និងរបស់ដែលមិនទាន់បាញ់អាកុល និងស្ដាប់តាមការណែនាំរបស់គ្រូពេទ្យជានិច្ច។
– ដាក់ទឹកអាកុលឬជែលលាងដៃ ក្នុងកាតាបតូចមួយឲ្យកូនស្ពាយជាប់ ហើយឲ្យកូនពាក់ម៉ាសជាប់ជានិច្ច។ បើសិនកូនបានប៉ះឬអង្គុយកៅអី ត្រូវបង្រៀនគេឲ្យទម្លាប់បាញ់អាកុលគ្រប់កន្លែងគេអង្គុយ ( ប្រការនេះ ត្រូវមើលកូនឲ្យជាប់ក្រសែភ្នែក និងផ្ដល់កម្លាំងចិត្តឲ្យកូនរឹងមាំ ) ។
– ឲ្យកូនតូចៗរបស់យើងត្រៀមខ្លួនទុកមុន និងកុំភ័យ ហើយត្រូវជួយលើកទឹកចិត្តគាំទ្រដល់កូន ក្នុងពេលទទួលថ្នាំបង្ការនេះ។ ជាពិសេសត្រូវពន្យល់កូនថា វ៉ាក់សាំងប្រឆាំងកូវីដ គឺមានសារៈសំខាន់ខ្លាំងណាស់ សម្រាប់ជីវិតកូន ( ពន្យល់កូនដោយរូបភាពសប្បាយៗ កុំតឹងតែងដាក់កូន )។
– បង្រៀនកូនឲ្យប្រាប់ពេទ្យតាមត្រង់ នូវបញ្ហាសុខភាពបច្ចុប្បន្ន ឬសូម្បីតែបញ្ហាសុខភាពដែលមានស្រាប់ឬឪពុកម្ដាយ ត្រូវប្រាប់គ្រូពេទ្យមុន នូវបញ្ហាកូន ប្រសិនបើកូនមានអាឡ័កស៊ីទៅនឹងថ្នាំណាមួយ។
ក្រោយចាក់វ៉ាក់សាំងរួច ពុកម៉ែគួរឧស្សាហ៍សង្កេតមើលកូនជានិច្ច ដោយសារក្មេងមិនអាចដឹងពីរោគសញ្ញាដែលកើតឡើង លើរាងកាយខ្លួនគេនោះទេ។
– ពន្យល់ប្រាប់កូនថា ការចាក់ថ្នាំនឹងកន្ត្រាក់ ឈឺសាច់ដុំបន្តិច ឬហើមដៃត្រង់កន្លែងចាក់ ហត់ អស់កម្លាំង ឈឺក្បាល ក្ដៅខ្លួន និងក្អួតចង្អោរ ហើយការឈឺចាប់មិនមានរយៈពេលយូរទេ។ អាការនេះគ្រាន់តែជាប្រតិកម្មពីវ៉ាក់សាំង វាកំពុងបង្កើតភាពស៊ាំដល់រាងកាយកូន។ ប្រាប់បន្ថែមទៀតថា ផលប៉ះពាល់ដែលអាចកើតមានចំពោះកុមារ គឺដូចគ្នានឹងមនុស្សពេញវ័យដែរ ។
ប្រសិនបើអាការក្រោយចាក់រួចមិនព្រមបាត់ គួរពិគ្រោះជាមួយគ្រូពេទ្យសិន មិនត្រូវប្រើថ្នាំលើកុមារតូចៗដោយចិត្តឯងឡើយ។
ត្រូវចងចាំថា វ៉ាក់សាំងដែលទទួលស្គាល់ដោយអង្គការសុខភាពពិភពលោក (WHO) គឺជាមធ្យោបាយដ៏មានប្រសិទ្ធិភាពមួយ ដើម្បីការពារការរីករាលដាលនៃជំងឺ ដែលគំរាមកំហែងដល់អាយុជីវិត ក្នុងចំណោមកុមារនិងមនុស្សពេញវ័យ។ ការចាក់ថ្នាំបង្ការធ្វើឲ្យប្រព័ន្ធភាពស៊ាំរបស់ក្មេងកាន់តែរឹងមាំ និងផលិតអង្គទីគ័រដែលការពារពួកគេ ពីជំងឺដែលអាចសម្លាប់មនុស្សបាន៕
អត្ថបទ៖ សាង ស្រីល័ក្ខ
ចុចអាន៖នេះ ផលរំខានពីវ៉ាក់សាំង Sinovac លើក្មេងអាយុ ៦ ទៅ ១២ ឆ្នាំ ពុកម៉ែត្រូវដឹង និងត្រៀមខ្លួន
ចុចអាន៖មកដឹង អ្វីគួរ និងមិនគួរធ្វើ មុន-ក្រោយពេលកូនចាក់វ៉ាក់សាំងកូវីដ
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)