KPT+
ក្មេងៗស្អប់មនុស្សចាស់ចរិត ៥ ប្រភេទនេះបំផុត
ចាស់ព្រឹទ្ធាចារ្យមានតួនាទីប្រៀនប្រដៅក្មេងៗជំនាន់ក្រោយ ឲ្យដើរតាមគន្លងធម៌ ប្រព្រឹត្តអំពើល្អ ត្រៀមខ្លួនជាទំពាំងស្នងឫស្សី និងចៀសវាងពីអំពើអបាយមុខដែលជាបញ្ហានាំឲ្យខូចអនាគត។ ចៃដន្យអីមនុស្សចាស់មួយចំនួនបែរជាមិនទទួលបានការគោរពពីក្មេងៗទៅវិញមិនថាគាត់ប្រឹងប្រែងប្រដៅប៉ុណ្ណាក៏ដោយ។ មនុស្សចាស់ដែលមានអាកប្បកិរិយាដូចខាងក្រោមនេះហើយ ដែលក្មេងមិនចូលចិត្ត និងមិនគួរឲ្យគោរពទាល់តែសោះ៖
១. មនុស្សចាស់គ្មានហេតុផល
ចាស់ៗដែលចូលចិត្តអាងអាយុ និយាយជេរប្រមាថគេដោយគ្មានហេតុផលត្រូវក្មេងៗចោមរោមស្អប់ មិនមែនខ្លាចនោះទេ។ កុំថាឡើងក្មេងៗ សូម្បីតែមនុស្សពេញវ័យក៏គេមិនចូលចិត្តចាស់ៗបែបនេះដែរ។ ការជេរស្ដីគ្មានហេតុផលមិនត្រឹមតែធ្វើឲ្យក្មេងៗមិនពេញចិត្តតែប៉ុណ្ណឹងទេ ថែមទាំងធ្វើឲ្យខ្លួនបាត់បង់តម្លៃជាចាស់ព្រឹទ្ធាចារ្យទៀត។
២. មនុស្សចាស់យកវ័យជាធំ
មនុស្សចាស់ប្រភេទនេះចូលចិត្តប្រើពាក្យថា “អញឃើញពន្លឺព្រះអាទិត្យមុន” ឬ “អញធ្លាប់ឆ្លងកាត់ហើយ” ទាំងដែលការពិតមនុស្សមានជីវិតមិនដូចគ្នាទេ ទោះបីជាស្រដៀងខ្លះៗក៏ដោយ។
៣. មនុស្សចាស់រអ៊ូជ្រុល
យើងទទួលស្គាល់ថាមនុស្សចាស់ចូលចិត្តរអ៊ូ ទើបពេលខ្លះគ្មានអ្នកតមាត់ ដែលទង្វើនេះនាំឲ្យគាត់កាន់តែបានចិត្ត និងរអ៊ូលើសដើម ជួនកាលអាចនិយាយពាក្យមិនគប្បីថែមទៀតផង។
៤. មនុស្សចាស់ទាមទារចំណាប់អារម្មណ៍
ដោយសារតែកូនៗត្រូវចេញទៅធ្វើការ ចៅត្រូវចេញទៅសាលា ទើបមនុស្សចាស់កើតមានចិត្តឯកាបណ្ដាលឲ្យគាត់រកនឹងសម្ដែង ឬធ្វើរឿងទាក់ទាញចំណាប់អារម្មណ៍ដូចជា ធ្វើពុតជាឈឺយូរថ្ងៃ ដែលនេះធ្វើឲ្យកូនៗធុញថប់ទៅវិញទេ។
៥. មនុស្សចាស់មិនព្រមចាស់
ចាស់ៗមិនមែនថាគួរតែចូលវត្តទាំងអស់ទេ ប៉ុន្តែអ្នកគួរធ្វើខ្លួនជាម្លប់ដល់កូនចៅ មិនគួរប្រព្រឹត្តអំពើអបាយមុខដូចជា ស្ររឹងអួរប៉ាណួ លេងល្បែងស៊ីសង ជាពិសេសមិនឲ្យតម្លៃញើសឈាមកូនអាងថាខ្លួនជាអ្នកមានគុណសងមិនអស់។
ការគោរពឲ្យតម្លៃគ្នា មិនអាស្រ័យទៅលើអាយុទាំងស្រុងទេ គ្រាន់តែថាមនុស្សចាស់មានអាទិភាពជាងតែប៉ុណ្ណោះ។ ទោះបីជាអ្នកមានវ័យប៉ុណ្ណា ការឲ្យតម្លៃគ្នាទៅវិញទៅមក គឺសំខាន់ណាស់មិនគួរមើលរំលងទេ៕
អត្ថបទ៖ វារី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង