KPT+
ផ្ដល់សំណើមដល់ស្បែក តាមតិចនិកនេះ ជួយបង្ការ បញ្ហាស្បែកស្ងួត
កត្តាអាកាសធាតុ វ័យ ទម្លាប់មិនល្អ និងបញ្ហាសុខភាពមួយចំនួន អាចបណ្ដាលឲ្យយើងមានបញ្ហាស្បែកស្ងួត។ ត្បិតស្បែកស្ងួត ជាបញ្ហាតូចមួយដែលគ្នាយើងមិនសូវខ្វាយខ្វល់ក៏ពិតមែន តែស្បែកស្ងួតអាចបង្កជាប្រេះបែកស្រកា រមាស់ អេះយូរៗអាចរហែកស្បែកចេញឈាមក៏មាន។ ប៉ុន្តែគ្នាយើងមិនចាំបាច់ចំណាយច្រើនដើម្បីការពារស្បែកទេ គ្រូពេទ្យជំនាញខាងសើស្បែកណែនាំវិធីមួយចំនួនជួយដោះស្រាយ និងការពារបញ្ហាស្បែកស្ងួត បែបសាមញ្ញៗ ដូចខាងក្រោមនេះ។
១. ងូតទឹក
នៅពេលដែលសំណើមក្នុងអាកាសធាតុធ្លាក់ចុះ ហើយយើងមានស្បែកស្ងួត ត្រូវប្រាកដថា៖
- ងូតទឹកក្ដៅឧណ្ហៗ
- កាត់បន្ថយពេលងូតទឹកមកត្រឹម ៥-១០នាទី
- ចៀសវាងប្រើសាប៊ូសម្អាតខ្លួនច្រើន
- ជូតសម្អាតខ្លួនថ្នមៗ កុំអូសចុះឡើងខ្លាំងៗ
២. លាបគ្រីម ឬឡេផ្ដល់សំណើមភ្លាមៗ បន្ទាប់ពីងូតទឹករួច
ដើម្បីរក្សាសំណើមនៅលើស្បែកបានល្អ យើងត្រូវប្រើគ្រីម ឬឡេផ្ដល់សំណើមស្បែកដែលមានផ្ទុកជាតិប្រេងល្អសម្រាប់ស្បែកច្រើន និងផ្សំឡើងដោយសារធាតុ Occlusives (មានមុខងារជួយរក្សាសំណើមក្នុងស្បែក) Humectants (ជួយទាញសំណើមចូលទៅក្នុងស្បែក) និងសារធាតុ Emollients (ជួសជុលស្នាមប្រេះក្នុងស្បែក)។
គ្រីម ឬឡេផ្ដល់សំណើមដែលផ្សំឡើងដោយសារធាតុរៀបរាប់ខាងលើ ជួយផ្ដល់សំណើមដល់ស្បែកបានយូរ និងផ្ដល់ភាពត្រជាក់ សម្រួលភាពតានតឹងរបស់ស្បែកយើងបានល្អ។ ដូចនេះ ដើម្បីចៀសវាងបញ្ហាស្បែកស្ងួត យើងគួរប្រើគ្រីម ឬឡេផ្ដល់សំណើមក្នុងរយៈ ២-៣នាទី៖
- បន្ទាប់ពីជូតខ្លួនស្ងួតក្រោយងូតទឹក ឬត្រាំទឹក
- លាងសម្អាតមុខ ឬដៃ។
៣. បង្កើតទម្លាប់ថែទាំស្បែកទៅតាមរដូវកាល
រដូវរងា អាចនាំមកនូវបញ្ហាស្បែកជាច្រើន ដែលទាមទារឲ្យយើងត្រូវស្វែងរកដំណោះស្រាយសមស្របឲ្យបានទាន់ពេលវេលា។ ដូចនេះ យើងគួរតែបង្កើតទម្លាប់ថែទាំស្បែកសម្រាប់រដូវរងានេះ ដែលអាចការពារស្បែកពីបញ្ហាស្បែកស្ងួត គ្រើម និងមិនភ្លឺថ្លា។ ជាមួយគ្នានេះដែរ ការជ្រើសរើស ផលិតផលថែទាំស្បែកដែលមានជាតិសំណើមខ្ពស់ គឺជារឿងចាំបាច់បំផុតដែលយើងមិនគួរមើលរំលងឡើយ។
៤. បន្ថែមសំណើមក្នុងខ្យល់
ដើម្បីបង្ការបញ្ហាស្បែកស្ងួត យើងអាចបន្ថែមសំណើមក្នុងខ្យល់ដោយប្រើម៉ាស៊ីនបន្សុទ្ធខ្យល់នៅក្នុងផ្ទះ ឬបន្ទប់គេងក៏បាន។
ចំណាំ៖ បើស្បែករមាស់ មិនត្រូវអេះ គួរប្រើរបស់ត្រជាក់ៗស្អំ ហើយ មិនត្រូវចោលឡេការពារកម្ដៅថ្ងៃទាំងលើផ្ទៃមុខ និងដងខ្លួន និងគួរលាបឡេផ្ដល់សំណើមទាំងព្រឹក និងយប់ ហើយអ្វីកាន់តែសំខាន់ គឺត្រូវញ៉ាំទឹកឲ្យបានគ្រប់គ្រាន់៕
ចុចអាន៖
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៥ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ