Connect with us

KPT+

អត្ថន័យនៃការជូនកាដូក្នុងពិធីបុណ្យ Christmas និងទម្លាប់គ្រីស្ទាននិយមធ្វើ

បានផុស

នៅ

ខែធ្នូ ជារដូវកាលបុណ្យ Christmas សម្រាប់គ្រីស្ទបរិស័ទ គ្រប់និកាយទាំងអស់។ តាមពិតទៅ បុណ្យនេះពុំចាំបាច់ទាល់ដល់ថ្ងៃទី២៥ ទើបប្រារព្ធនោះទេ ពោលកំលុងខែធ្នូ នារដូវត្រជាក់ គ្រីស្ទានអាចប្រារព្ធពិធីនៅឯព្រះវិហាររៀងខ្លួនបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះអ្នកមិនមែនជាគ្រីស្ទានរមែងយល់ច្រឡំថា ពិធីបុណ្យ Christmas ត្រូវតែធ្វើឡើងនៅទី២៥ ខែធ្នូ ជាកំហិត និងមានការយល់ច្រឡំធំមួយទៀត គឺតែងចាត់ទុកបុណ្យនេះ ជាថ្ងៃនៃការជូនកាដូ ឬទទួលកាដូពីគ្នា។

អត្ថន័យពិតនៃពិធីបុណ្យ Christmas ពុំផ្ដោតលើកាដូមួយមុខឡើយ ហើយចំពោះអំណោយរបស់លោកតា Santa Claus ក៏ពុំពាក់ព័ន្ធនឹងជំនឿគ្រីស្ទសាសនាដែរ។ បុណ្យ Christmas គឺជាការអបអរថ្ងៃកំណើតរបស់ព្រះយេស៊ូវ ចំណែកឯការជូនកាដូ ការទទួលកាដូ និងការប្ដូរកាដូគ្នា គ្រាន់តែជាផ្នែកមួយប៉ុណ្ណោះ។

2019 Christmas Eve and Christmas Day church services in Corpus Christi

ការពិតនៃបុណ្យ Christmas គ្រីស្ទានតែងនិយមធ្វើនោះគឺ ការប្រកបគ្នា។ ក្នុងជំនឿគ្រីស្ទសាសនា មិនថាពួកគេមាននិកាយណាទេ ​ការប្រកប ជួបគ្នាដើម្បីទទួលទានអាហារជុំគ្នា ជាសកម្មភាពដែលកម្ររំលងណាស់។

ជាទូទៅ គ្រីស្ទានតែងពិភាក្សាជាមុន រើសថ្ងៃមួយ ដើម្បីរៀបចំពិធីនៅព្រះវិហាររបស់ខ្លួន និងអញ្ជើញអ្នកមិនមែនជាគ្រីស្ទបរិស័ទចូលរួមផងដែរ។ ការជួបជុំធ្វើឡើងដោយមានកម្មវិធីមួយចំនួនក្នុងនោះដូចជា ចម្រៀង លេងតន្ត្រី ការសម្ដែងរឿងខ្លី និងការលេងល្បែងកម្សាន្តជាដើម។ ក្រៅពីហូបអាហាររួមគ្នា ពួកគេតែងត្រៀមកាដូរៀងខ្លួន សម្រាប់ប្ដូរគ្នាទៅវិញទៅមក។

Should you visit your family this Christmas? Three experts weigh in

ជាធម្មតា ក្រុមជំនុំ ដែលយើងតែងហៅថា គ្រីស្ទាន មិនមានទម្លាប់ជូនកាដូមនុស្សវ័យក្មេងជាង ឬកូនចៅ ដូចជនជាតិចិនតែងឱ្យអាំងប៉ាវ កំលុងចូលឆ្នាំថ្មីឡើយ។ ក្រៅពីប្ដូរកាដូគ្នា គ្រីស្ទានតែងតែរៃអង្គាសប្រាក់ (ដង្វាយ) ដើម្បីទិញម្ហូបម្ហា និងសម្ភារប្រើប្រាស់ជូនអ្នកទីទ័លក្រ ជនអនាថា ជនពិការ ចាស់ជរា និងក្មេងកំព្រា។ល។

នៅអាមេរិក អឺរ៉ុប និងប្រទេសមួយចំនួនទៀត គេចាត់ទុកថ្ងៃទី២៥ ខែធ្នូ ជាថ្ងៃឈប់សម្រាក ដូច្នេះក្រៅពីជួបជុំគ្រួសារ ពួកគេតែងមូលគ្នាធ្វើសកម្មភាពមនុស្សធម៌តាមលទ្ធភាពរបស់ព្រះវិហារ។ ចំពោះប្រទេសផ្សេងៗ ដែលមិនចាត់ទុកបុណ្យនេះ ជាថ្ងៃឈប់សម្រាក ក្រុមជំនុំរមែងប្រមូលគ្នា នៅថ្ងៃអាទិត្យណាមួយ កំលុងខែ១២ ដើម្បីជូនអំណោយដល់មនុស្សទ័លអត់។

48,339 Christmas Atmosphere Stock Photos, Pictures & Royalty-Free Images -  iStock

ការជូនកាដូ ឬប្ដូរកាដូគ្នា មិនជាប្រពៃណី ក្នុងព្រះគម្ពីរប៊ីបឡើយ។ ការជូនកាដូ ឬប្ដូរកាដូគ្នា ធ្វើឡើងតាមលទ្ធភាពបុគ្គល ហើយយើងចង់ធ្វើក៏បាន មិនធ្វើក៏បាន ខណៈអត្ថន័យពិតប្រាកដនៃការជូនកាដូ គឺការចែករំលែកក្ដីស្រឡាញ់ទៅកាន់មនុស្សជុំវិញខ្លួន៕

អត្ថបទ៖ សន្យា

ចុចអាន៖ បុណ្យ Christmas មានប្រភពមកពីណា? មានន័យដូចម្ដេច?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម