Connect with us

KPT+

ដើមកំណើតជាង ៥០០ឆ្នាំនៃថ្ងៃ «April Fools’ Day» ដែលយុវវ័យខ្មែរមិនទាន់បានដឹង

បានផុស

នៅ

នៅ​ថ្ងៃ​ទី០១ ខែ​មេសា ជារៀងរាល់ឆ្នាំ ប្រជាជនបច្ចឹមប្រទេស និងប្រជាជនផ្សេងទៀតដែលទទួលឥទ្ធិពលពីលោកខាងលិច តែងតែប្រារព្ធថ្ងៃ «April Fools’ Day» ទៅ​តាម​​ទំនៀមទម្លាប់​ផ្សេងៗ​គ្នា ដើម្បី​លេង​សើច​ ឬ Prank ជាមួយ​នរណា​ម្នាក់។

In Scandinavia April's Fool is harmless fun but in Thailand it may land you  in jail - Scandasia
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្ងៃ «April Fools’ Day» បច្ចុប្បន្ននេះ ក៏ពេញនិយមផងដែរ ក្នុងចំណោមយុវវ័យខ្មែរ ប៉ុន្តែជឿថាយុវវ័យខ្លះ និងប្រិយមិត្តមួយចំនួន ទំនងមិនទាន់ដឹងពីប្រវត្តិនៃការលេងនេះនៅឡើយទេ។

April Fools’ Day គឺជាទំនៀមទម្លាប់លលេងជាមួយគ្នា អស់ពេលរាប់រយឆ្នាំមកហើយពោលគឺប្រមាណជាង ៥០០ឆ្នាំមុន ។ ពាក្យនេះត្រូវបានរកឃើញដំបូងបំផុត ចន្លោះឆ្នាំ ១៣៨៧-១៤០០ នៅក្នុងសៀវភៅព្រេងនិទានមួយឈ្មោះថា The Canterbury Tales របស់អ្នកនិពន្ធកំណាព្យលោក Geoffrey Chaucer។ ក្នុងសៀវភៅនេះ មាននិទានរឿងមួយនិយាយពីស្ត្រីចំណាស់ម្នាក់​បានចាញ់បោកសត្វកញ្រ្ជោង នៅថ្ងៃទី០១ នៃខែមេសា។ ប៉ុន្តែរឿងនេះ មិនមានលក្ខណៈទូលំទូលាយ រហូតឱ្យប្រជាជនធ្វើតាមឡើយ។

Facts About April Fools' Day - The Fact Site

លុះមកដល់ឆ្នាំ ១៥០៨ ពាក្យ April Fool ក៏ត្រូវបានប្រើដំបូងបំផុត នៅប្រទេសបារាំង ប៉ុន្តែវានៅមិនទាន់ផ្លូវការនោះទេ។ កាលណោះកវីជនជាតិបារាំង Eloy d’Amerval មិនបានប្រើពាក្យ April Fool ចំអញ្ចឹងទេ ដោយលោកប្រើជាភាសាបារាំងថា poisson d’avril ដែលលោកចង់សម្ដៅលើពាក្យ April Fool ហ្នឹងឯង។

យោងតាមឯកសារបញ្ជាក់ថា April Fool ប្រើជាផ្លូវការយ៉ាងទូលំទូលាយ នៅឆ្នាំ ១៥៦៤ ក្រោយពេលមនុស្សមួយចំនួនភ័ន្តច្រឡំលើថ្ងៃចូលឆ្នាំថ្មី។ រឿងហេតុគឺថា កំលុងឆ្នាំ ១៥០៨ បារាំងបានប្ដូរប្រតិទិនពី Julian ទៅ Gregorian ដោយលើកថ្ងៃចូលឆ្នាំថ្មី ពីថ្ងៃទី០១ ខែមេសា ទៅថ្ងៃទី០១ ខែមករាវិញ។ ប៉ុន្តែទោះជា​មានសេចក្ដីប្រកាសពីការកែប្រែប្រតិទិនយ៉ាងនេះអស់ពេលជាច្រើនឆ្នាំហើយក្ដី មនុស្សមួយចំនួន នៅតែប្រារព្ធបុណ្យចូលឆ្នាំនៅថ្ងៃទី០១ ខែមេសាដដែល ទើបបានជាគេនាំលេងសើចថា April Fool  ឬ April Fish។​ ជាធម្មតាក្រៅពីហៅអ្នកទាំងនោះថា April Fool ពួកគេក៏តែងតែបិទរូបត្រីពីក្រោយខ្នង ដើម្បីចំអកឡកឡឺយ ព្រោះត្រីតំណាងឱ្យភាពឆោតល្ងង់។

Happy April Fools' Day 2020! Here's why we prank each other every year |  London Evening Standard | Evening Standard

យ៉ាងណាមិញ នៅប្រទេសអង់គ្លេស ពាក្យ April Fool បានប្រើនៅឆ្នាំ ១៥៦៣ ចំណែកនៅហូឡង់ចាប់ផ្ដើមប្រើនៅឆ្នាំ ១៥៧២ និងក្រោយមកពាក្យនេះបានសាយភាយតាមបណ្ដាប្រទេសផ្សេងៗជាបន្តបន្ទាប់។

ដោយឡែកការលេងសើចនៅ​ថ្ងៃទី០១ មេសា ឬ «April Fools’ Day» ពុំមានទំនៀមទម្លាប់ដូចគ្នាឡើយ។ ប្រទេសខ្លះលលេងជាមួយមិត្តភក្តិ បងប្អូន គ្រួសារ ធម្មតាៗ ខណៈប្រទេសខ្លះលេងសើចបែបចំអក និងមានខ្លះទៀតគេគ្រាន់តែ Prank គ្នាលេងប៉ុណ្ណោះ៕

ប្រែសម្រួល៖ សន្យា

ចុចអាន៖ ប្រពៃណីចងជើងឲ្យតូច របស់ស្ត្រីជនជាតិ ចិន គឺជាទារុណកម្មចារក្នុងប្រវត្តិសាស្ត្រ

ចុចអាន៖ រឿងពិតនៃថ្ងៃសុក្រពណ៌ខ្មៅ ​ឬ Black Friday ចាប់ផ្ដើមឡើងបែបនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម