KPT+
ការស្រាវជ្រាវ៖ ក្មេងជំទង់ដែលអសកម្មភាពរាងកាយងាយនឹងមានបញ្ហាធ្លាក់ទឹកចិត្ត
ក្មេងជំទង់ដែលមិនសូវមានសកម្មភាពរាងកាយងាយរងជំងឺធ្លាក់ទឹកចិត្តជាងក្មេងដទៃដែលមានសកម្មភាពច្រើន។ ប៉ុន្តែការស្រាវជ្រាវថ្មីមួយបានបង្ហាញថា ការធ្វើលំហាត់ប្រាណស្រាលៗដូចជាការដើរអាចជួយកាត់បន្ថយហានិភ័យនេះបាន។
យោងតាមការសិក្សាស្រាវជ្រាវលើយុវជនជាង ៤ ពាន់នាក់ដែលមានអាយុចាប់ពី ១២ ឆ្នាំដល់ ១៨ ឆ្នាំបានរកឃើញថា ក្មេងជំទង់ដែលមានកម្រិតសកម្មភាពរាងកាយច្រើននឹងថយចុះបញ្ហាធ្លាក់ទឹកចិត្តនៅពេលពួកគេមានវ័យកាន់តែច្រើន។ ប៉ុន្តែយុវវ័យដែលនៅស្ងៀមមិនសូវធ្វើសកម្មភាពអ្វីក្នុងចន្លោះអាយុ ១២ ទៅ ១៦ ឆ្នាំនឹងមានរោគសញ្ញានៃជំងឺធ្លាក់ទឹកចិត្តពេលពួកគេមានអាយុ ១៨ ឆ្នាំឡើង។ ផ្ទុយទៅវិញក្មេងដែលរក្សាឬបង្កើនសកម្មភាពរាងកាយស្រាលៗរៀងរាល់ថ្ងៃពេញមួយឆ្នាំ ហានិភ័យនៃជំងឺនឹងធ្លាក់ចុះទាបបំផុតពេលអាយុ ១៨ ឆ្នាំ។
ការសិក្សារបស់អ្នកនិពន្ធ Aaron Aaron Kandola នៃមហាវិទ្យាល័យ University London នៅចក្រភពអង់គ្លេសបាននិយាយថា ពួកជំទង់គួរតែបង្កើនសកម្មភាពប្រចាំថ្ងៃស្រាលៗចំនួន ៦០នាទី ដើម្បីកាត់បន្ថយហានិភ័យជំងឺធ្លាក់ទឹកចិត្តនាពេលអនាគត។
រីឯការសិក្សាមុនៗក៏បាននិយាយដែរថា ការធ្វើលំហាត់ប្រាណដូចជា រត់ ឬជិះកង់ មិនត្រឹមតែជួយសុខភាពរាងកាយប៉ុណ្ណោះទេ តែវាក៏បានជួយកាត់បន្ថយបញ្ហាផ្លូវចិត្តផ្សេងទៀតរបស់មនុស្សបានផងដែរ។
ការសិក្សាដដែលរកឃើញថា ពួកជំទង់ដែលមានម៉ោងសម្រាកកាន់តែច្រើន និងចំណាយពេលលេងហ្គេមនៅផ្ទះក្នុងចន្លោះអាយុ ១២ និង ១៤ ឆ្នាំនឹងមានហានិភ័យខ្ពស់នៃរោគសញ្ញាជំងឺធ្លាក់ទឹកចិត្តពី ៨% ទៅ ១១% នៅអាយុ ១៨ ឆ្នាំ។ ផ្ទុយពីនេះមកវិញ បើសិនពួកគេចំណាយពល ៦០ នាទីក្នុងមួយថ្ងៃដើម្បីធ្វើសកម្មភាពមានប្រយោជន៍ផ្សេងៗ វានឹងជួយបន្ថយឱកាសនៃការធ្លាក់ទឹកចិត្តនៅអាយុ ១៨ ពី ៨% ទៅ ១១%។ មិនតែប៉ុណ្ណោះវាក៏អាចជួយឲ្យបញ្ហាផ្លូវចិត្តផ្សេងទៀតថយចុះបានទៀតផង។
អ្នកស្រាវជ្រាវអ្នកស្រី Karmel Choi មានប្រសាសន៍ថា ការធ្វើលំហាត់ប្រាណត្រូវបានផ្សារភ្ជាប់ទៅនឹងប្រព័ន្ធប្រសាទសាស្រ្ត វាជួយការបង្កើតកោសិកាខួរក្បាលថ្មី និងសមត្ថភាពសម្រាប់ខួរក្បាលដើម្បីបង្កើតទំនាក់ទំនង ដែលអាចការពារសុខភាពផ្លូវចិត្តមានប្រសិទ្ធិភាព៕
ប្រែសម្រួល៖ សន្យា
ចុចអាន៖ ជំនួយសម្រាប់ឪពុកម្ដាយពេលមានកូនៗវ័យជំទង់ដែលមានបញ្ហា
ចុចអាន៖ មានកូនវ័យចាប់ពី១២ឡើង ឳពុកម្តាយគួរចេះរឿងទំាងនេះ…..
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)