វត្ថុធាតុដើមចម្លែកៗ ៩ ប្រភេទ ប្រើសម្រាប់ផ្សំធ្វើជាទឹកអប់ ឲ្យម៉ាក់យីហោល្បីៗ

ទឹកអប់ជាវត្ថុប្រើប្រាស់ដ៏ពេញនិយមមួយ នៅគ្រប់សម័យកាលមិនថាប្រុសឬស្រី ភាគច្រើនចូលចិត្តប្រើប្រាស់ទឹកអប់ ខណៈអ្នកខ្លះ ថែមទាំងព្យាយាមប្រមូលធ្វើជា Collection ទៀតផង។

យើង​ដឹងរួចមកហើយថា ទឹកអប់គឺជាទឹកបាញ់មានក្លិនក្រអូបជាប់ប្រាណ ហេតុនេះ​វា​សម​តែ​ធ្វើ​អំពី​វត្ថុ​ក្រអូបៗ​ដូចជា​ផ្កា​ជាដើម ផ្ទុយទៅវិញ​ គ្រឿងផ្សំ​ទឹកអប់​មិនមែន​សុទ្ធ​តែ​ជា​វត្ថុ​ក្រអូប​ល្អៗ​ទាំងអស់​នោះ​ទេ ក្នុង​នោះ​គេ​ក៏​ប្រើប្រាស់​គ្រឿងផ្សំ​ប្លែកៗ​ដូចជា៖

១. Ambergris

ជាសារធាតុក្រមួនដែលមានក្នុងផ្លូវ​រំលាយ​អាហាររបស់សត្វ Sperm whale គេប្រើវា​ក្នុង​ទឹក​អប់​ល្បី​មួយ​គឺ Chanel No.5 ។ Ambergris មានក្នុងទឹកអប់កម្រៗ​ នឹង​ជា​សារធាតុ​ផ្សំ​មួយ​ក្នុង​ចំណោម​សារធាតុ​ផ្សំ​ដ៏​ថ្លៃខ្លាំងបំផុតលើពិភពលោក។

២. សាច់ជ្រូក

ដោយសារតែក្លិន​ប្រៃ និងស្អុយតិចៗរបស់សាច់ជ្រូក​ គេប្រើវាបង្កើតទឹកអប់ Bacon Classic ដែល​ចេញ​ឲ្យ​ប្រើប្រាស់​នៅ​ឆ្នាំ២០១០។

៣. ដើម​ដំបង​យក្ស

ដើមនេះវា​បញ្ចេញ​ក្លិនស្មៅ និងបៃតង ដែល​ជួយ​ឲ្យ​ទឹក​អប់​មាន​ក្លិន​ក្រអូប​ ប្រើ​បាន​ទាំង​ប្រុស​ទាំង​ស្រី គេ​ប្រើ​វា​នៅក្នុងទឹកអប់ល្បីៗដូចជា Givenchy’s Xeryus Rouge និង Demeter Prickly Pear Perfume។

៤. កញ្ឆា

កញ្ឆា​ធ្វើឲ្យក្លិនផ្កានិង​គ្រឿងទេស​មាន​តុល្យភាព ដូច្នេះ​វាក៏​ជា​គ្រឿងផ្សំ​ដ៏​អស្ចារ្យ​ ក្នុង​ប្រើ​ជា​ក្លិន​ទឹក​អប់​បាន​ដែរ។

៥. លាមកសត្វកាស្ទ័រ

ក្លិនវ៉ានីឡាបានមកពីលាមក​របស់សត្វនេះឯង សូម្បីតែ​រន្ធគូថ​របស់​វា​ក៏​មាន​ក្លិន​ក្រអូប​វ៉ានីឡា​ដែរ។

៦. ពងត្រី Caviar

ក្លិន​របស់វាធ្វើឲ្យអ្នកមានអារម្មណ៍ប្រណិត ឆើតឆាយ និងទាន់សម័យ គេប្រើវាក្នុងទឹកអប់ Thierry Mugler’s Womanity Perfume ។

៧. ប្រេង​សំពោច

ទឹកអប់ Calvin Klein Obsession for Men គឺផ្សំចេញពីប្រេងរបស់សំពោច គេយកវាពីទឹករំអិលរន្ធគូតសត្វសំពោចមកលាយជាមួយអាល់កុល។

៨. កាកសំណល់​របស់មនុស្ស

មានដូចជា ឈាម ញើស កំហាក និងទឹកនោម គេជឿថាទឹកអាចទាក់ទាញមនុស្សដោយសារតែក្លិនរបស់មនុស្ស ទឹកអប់ដែលមានឈាម ញើស កំហាក និងទឹកនោមគឺមានដូចជា Etat Libre d’Orange  ជាដើម។

៩. Labdanum

វាបានមកពីការសិតភ្លៅពពែដែលបានប៉ះដើមឈើ rockrose។ គេប្រើវាក្នុងទឹកអប់ Bleu de Chanel និង Herod  Cologne ៕

ប្រែសម្រួលដោយ៖ វារី

ចុចអាន៖សត្វសមុទ្រដ៏ចម្លែក មានរូបរាងស្រស់ស្អាត តែអាចបង្កគ្រោះថ្នាក់ខ្លាំង

ចុចអាន៖១០ កន្លែងគ្រោះថ្នាក់បំផុតលើពិភពលោក ស្ទើរតែមិនមានអ្នកទៅដល់