ចំណុច​ធំៗ​ក្នុងបទទូន្មាន​របស់​នាយក​ប្រតិបត្តិ​ក្រុមហ៊ុន Heavy Sound Labs – Kampuchea Thmey Daily
Connect with us
Helistar Cambodia - Helicopter Charter Services

KPT+

ចំណុច​ធំៗ​ក្នុងបទទូន្មាន​របស់​នាយក​ប្រតិបត្តិ​ក្រុមហ៊ុន Heavy Sound Labs

Published

on

Jason Geter ជា​ស្ថាបនិក​និង​ជា​នាយក​ប្រតិបត្តិ​នៃ​ក្រុមហ៊ុន Heavy Sound Labs ក៏​ជា​អ្នក​បង្កើត​បទភ្លេងឱ្យ​ក្រុម​តន្ត្រីម្នាក់ដែរ។​ អនុសាសន៍របស់លោកបាន​ផ្ដល់​គំរូតស៊ូ​ទៅកាន់ពិភពលោក ហើយលើកទឹកចិត្ត​មនុស្សពេល​ជីវិត​ជួប​នឹង​ការ​លំបាកខ្លាំង ​មានជាអាទិ៍ ៖

១. ​កម្លាំង​ចិត្ត​

«ថាមពល​វិជ្ជមាន​​ជា​កត្តា​ចាំបាច់ពេលជីវិតជួបការលំបាក នោះ​រួម​បញ្ចូល​ទាំង​ការ​ភ្ញាក់​ពី​គេងពាំនាំ​​សុខភាព​ល្អ​ ​អារម្មណ៍​រីករាយ​ និង​បានឃើញ​មនុស្សជា​ទី​ស្រឡាញ់​របស់​ខ្ញុំ​នៅ​ពេល​ព្រឹក។ ខ្ញុំ​លូតលាស់​ចេញ​ពី​ថាមពលដែលស្រូបមក​ពី​មនុស្ស​ជុំវិញ​ខ្លួន​ ព្រោះ​វាជា​ការ​ឆ្លង​ចរន្ត​ជំរុញ​និង​លើក​ទឹកចិត្ត​ខ្ញុំបានពិតមែន! »

២. ដំបូន្មានជំរុញការផ្លាស់ប្ដូរ

«នៅ​ពេល​យើង​ឃើញ​អ្វីៗ​កំពុង​ផ្លាស់ប្ដូរ ​ខ្ញុំ​គិត​ថា​ យើង​គ្រប់គ្នា​គួរ​តែ​ដោះស្រាយ​ ជា​ជាង​ប្រយុទ្ធប្រឆាំង។ ខ្ញុំ​ក៏​សូម​ណែនាំ​អ្នកដែលកំពុង​លំបាក ​ធ្វើការស្រាវជ្រាវ​ សិក្សា ​និង​ស្វែងយល់​អំពី​អ្វី​ដែល​កំពុង​កើតឡើង​ពិតនៅ​ជុំវិញខ្លួនសិន មុនពេលសម្រេចចិត្ត​ថា ​គួរប្តូរឬយ៉ាងណា និងដោយវិធីណា»

៣. សម្រង់​សម្តីដែលលោកចូលចិត្ត​បំផុត​

«ខ្ញុំ​ធ្លាប់បាន​អានប៉ះ​Quote​​មួយ​ ហើយវា​​​ធ្វើ​ឲ្យ​ខ្ញុំ​មាន​អារម្មណ៍​ថា ខ្លួនឯងមាន​តម្លៃនៅ​ក្នុង​ពិភពលោក​នេះ។ នោះគឺពាក្យថា គ្រប់​គ្នា​កើត​មក​មិនអាច​រើស​ស្ថានភាព​ដែលចង់បានទេ ប៉ុន្តែ​យើង​អាច​​គ្រប់គ្រង​ជីវិតដើម្បី​ក្លាយ​ខ្លួន​ជា​អ្វី​ដែល​យើង​ចង់​បាន​»

៤. សេចក្តី​សង្ឃឹម​

«ខ្ញុំក្លាយ​ជា​វិនិយោគិន​ដែលចាប់ផ្តើមពីបាតដៃខ្លួនឯង ដោយ​សារ​ហ៊ាន​វិនិយោគ​ដ៏​អស្ចារ្យ ​ក្នុង​ការ​កសាង​ក្រុមហ៊ុន​ដ៏​មាន​ឥទ្ធិពល​​។ ​នៅ​ទីបំផុតខ្ញុំ​អាច​កែច្នៃ​ប្រាក់ឱ្យ​ត្រឡប់​មក​​វិញ ព្រោះខ្ញុំមានសង្ឃឹមជានិច្ច!​»

៥. នៅ​ពេល​ដែលការសង្ស័យ​មក​រារាំង​

«អ្វី​ដែល​ខ្ញុំតែង​ធ្វើ ​ព្រមទាំងជឿជាក់ពេលជួបបញ្ហា​ គឺខ្ញុំ​ដោះស្រាយ​​ដោយការ​ជជែក និងសួរនាំ​បញ្ជាក់។ ខ្ញុំ​តែងតែ​ចាត់​ទុក​ខ្លួនឯង​ជា​ជើងឯក ហើយពេលខ្លះទោះមិនមែនជា​ម្ចាស់​ជើងឯកពិតមែន ​វាមានន័យថា យើងនឹង​មិនអាច​​ឈ្នះ​រាល់​ការ​ប្រកួតឡើយ។ នោះ​ជា​អ្វី​ដែល​ខ្ញុំ​តែងតែ​រំលឹក​ខ្លួនឯង ​ពេល​ខ្ញុំ​ជួបរឿងមិនសមបំណង។ »

៦. ​កំណត់​សេរីភាព​ហិរញ្ញវត្ថុ

«យើង​មិន​ចាំបាច់​ធ្វើអ្វី​គ្រប់យ៉ាងដើម្បី​លុយ​ទេ។ យើង​អាច​ជ្រើសរើសធ្វើ​​នូវ​អ្វី​ដែល​ខ្លួនឯងចង់​ធ្វើ​ ព្រោះ​យើង​​មាន​លទ្ធភាព​គ្រប់គ្រង​លុយ​ មិនមែនឱ្យលុយជា​ឧបករណ៍​ដឹកនាំទេ។ ចូរ​ជួយ​អ្នក​ដទៃ​។ ប្រើហិរញ្ញវត្ថុដែលមានចែករំលែកដល់អ្ន​កខ្សត់ខ្សោយជាង»៕

ប្រែសម្រួល៖ សាង ស្រីល័ក្ខ

ប្រភព៖ Success

ចុចអាន៖ រីករាយថ្ងៃបុណ្យក្តីស្រលាញ់ មកអានជីវិតស្នេហាមហាសេដ្ឋី Jeff Bezos

ចុចអាន៖ សម្រង់ទស្សន​នៃបុគ្គលល្បីៗ​លើ​ពិភពលោក​ទាំង៩ដែលមិនគួររំលង​អាន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services