KPT+

៨ យ៉ាងដែលមនុស្សជោគជ័យនិយមធ្វើដូចគ្នាៗ

បានផុស

៤ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

គ្នាយើងកំពុងតែអាន អាចធុញនឹងលឺពាក្យថាមនុស្សជោគជ័យដដែលៗ សាំៗមែនអត់? តែកុំទាន់អាលធុញថប់ សាកមកអានអត្ថបទនេះសិន អាចមានអ្វីដែលភ្ញាក់ផ្អើលជាងធុញក៏ថាបាន។

តើអ្វីដែលបុគ្គលជោគជ័យចូលចិត្តធ្វើ ហើយអាចឲ្យយើងភ្ញាក់ផ្អើល ៖

១. ជួយអ្នកដែលត្រូវការសមនឹងទទួលបាន

អ្នកជំនួញដែលទទួលបានជោគជ័យជាទូទៅមានចិត្តទូលាយជាមួយពេលវេលានិងលុយកាក់របស់ពួកគេ នៅពេលនិយាយដល់អ្នកដែលត្រូវការជំនួយនិងសក្ដិសមទទួលបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. ដេកនៅលើគ្រែខ្លួនឯងទើបមានក្ដីសុខ

ការហោះហើរលើអាកាសទៅទូទាំងពិភពលោក ស្នាក់នៅក្នុងសណ្ឋាគារទំនើបៗ គឺជារឿងមួយធម្មតា មិនមែនអស្ចារ្យសម្រាប់ពួកគេឡើយ។ Glinda បាននិយាយថា មិនថាយើងនៅទីក្រុងឬប្រទេសណាទេ គ្មានទីណាដូចផ្ទះរបស់យើងឡើយ។

៣. ចំណូលចិត្តពេលទំនេរធម្មតាៗ

អ្នកខ្លះសាងសង់គំរូ ឬលេងឧបករណ៍តន្ត្រី ខណៈពេលដែលអ្នកផ្សេងទៀតចូលចិត្តដុតនំទៅតាមទម្លាប់ពីមុន។ ចំណែកអ្នកខ្លះទៀតចូលចិត្តថែសួន ឬពុះអុស ចម្អិនម្ហូបតាមចំណង់ចំណូលចិត្ត។

៤. ធ្វើការដែលខ្លួនចូលចិត្ត

មនុស្សជោគជ័យចូលចិត្តធ្វើ មិនមែនអ្វីដែលពួកគេចូលចិត្តធ្វើដើម្បីតែភាពសប្បាយរីករាយតែមួយមុខទេ។ ហើយអ្វីដែលពួកគេភាគច្រើនធ្វើ គឺធ្វើការការងារដែលចូលចិត្តដើម្បីបង្កើតទម្លាប់និងចំណង់ចំណូលចិត្ត។

៥. ពេលវេលាស្ងប់ស្ងាត់

មនុស្សទាំងនោះរីករាយជាមួយនឹងពេលវេលាស្ងាត់ស្ងៀមតែម្នាក់ឯង ឬជាមួយមិត្តភ័ក្ដិនិងក្រុមគ្រួសារពួកគេតែប៉ុណ្ណោះ។

៦. ត្រួតពិនិត្យល្អិតល្អន់

មិនមែននាយកប្រតិបត្តិទាំងអស់សុទ្ធតែគ្រប់គ្រងភាពមិនស្មោះត្រង់ ឬខ្លាចភាពមិនស្មោះត្រង់កើតឡើងនៅកន្លែងពួកគេឡើយ។ ប៉ុន្តែនេះជាលក្ខណៈទូទៅក្នុងស្ថាប័ន ជាពិសេសក្នុងចំណោមស្ថាបនិកនៃក្រុមហ៊ុនធំៗ គេតែងទម្លាប់ធ្វើបែបនេះ។

៧. ផ្ដល់ដំបូន្មាន

អ្នកដឹកនាំអាជីវកម្មដែលជោគជ័យភាគច្រើន មានចិត្តសប្បុរសគួរឲ្យភ្ញាក់ផ្អើល ក្នុងការចែករំលែកចំណេះដឹងនិងបទពិសោធន៍។ សូម្បីតែពួកគេរកប្រាក់បានច្រើន ក៏ពួកគេនៅតែចូលចិត្តនិយាយពីការសរសេរសៀវភៅ ឬអត្ថបទនិងផ្ដល់ដំបូន្មានបន្តិចបន្តួចដល់អ្នកដែលត្រូវការ។

៨. ធ្វើល្អចំពោះបុគ្គលិកពួកគេ

ពួកគេតែងមានមេត្តា មិនអាត្មានិយម និងលោភលន់នោះទេ។ ហើយស្ទើរតែគ្រប់នាយកប្រតិបត្តិក្រុមហ៊ុនដែលទាំងអស់ តែងនិយាយថាធនធានមនុស្សដែលពួកគេកំពុងតែកាន់កាប់ គឺសំខាន់បំផុតសម្រាប់ពួកគេ៕

ប្រែសម្រួល៖ សាង ស្រីល័ក្ខ

ប្រភព៖ entrepreneur

ចុចអាន៖ ជីវិតលឿនណាស់ រស់នៅឲ្យបានពេញលេញទើបមិនសោកស្ដាយ