KPT+
៧ យ៉ាង គួរធ្វើ ដើម្បីមានអាយុវែង គ្មានជំងឺដំកាត់ មកយាយី
មនុស្សជាច្រើនប្រហែលជាចង់បានជីវិតមានសុខភាពល្អ និងអាយុវែង គ្មានជំងឺដំកាត់មកយាយី។ យ៉ាងណាមិញ យើងក៏មានវិធីជាច្រើន ជួយឲ្យរាងកាយស្រស់ស្រាយ និងរស់នៅបានយូរ មិនមានអ្វីមកឲ្យជីវិតកាន់តែស្មុគស្មាញ។
នេះគឺជារឿង ៧ យ៉ាង ដែលអាចធ្វើបាន ដើម្បីអាយុវែង ឬយ៉ាងហោចណាស់ វាធ្វើឲ្យយើងស្រស់ស្រាយ គ្មានទុក្ខកង្វល់ចូលមកក្នុងជីវិត។
១ តុល្យភាពការងារ និងជីវិត
ចូរស្វែងរកតុល្យភាពរវាងជីវិត និងការងារក្នុងពេលនេះ មិនថារវល់យ៉ាងណា។ ក្នុងសម័យនេះ គេអាចនិយាយបានថា ការងារលំបាក នឹងសម្លាប់មនុស្សបាន។ ការងារជាមូលហេតុចម្បង ដែលធ្វើឲ្យមនុស្សធុញថប់ និងមានអារម្មណ៍មិនសប្បាយចិត្តជាមួយជីវិត។ ដូច្នេះ ចូររក្សាតុល្យភាពការងារឲ្យមានលំនឹង នៅក្នុងជីវិត។
២ ធ្វើរឿងដែលធ្វើឲ្យយើងសប្បាយចិត្ត
រឿងរ៉ាវបច្ចុប្បន្ននេះ បានធ្វើឲ្យយើងមានភាពតានតឹងក្នុងជីវិត បើដូច្នេះ ចូរស្វែងរកពេលវេលាសមស្របណាមួយ ដើម្បីធ្វើរឿងដែលអ្នកចូលចិត្ត។ ធ្វើអ្វីមួយដែលធ្វើឲ្យអ្នកសប្បាយចិត្ត មិនថាដេកលើគ្រែ អានសៀវភៅ មើលកុន ឬដើរលេងទេ នឹងជួយឲ្យអ្នកកាន់តែសប្បាយចិត្ត និងអាយុវែង។
៣ ជួបមិត្តជិតស្និទ្ធជាញឹកញាប់
មានការស្រាវជ្រាវគួរឲ្យចាប់អារម្មណ៍មួយចំនួន ដែលបង្ហាញថា មនុស្សដែលមិនបានជួបអ្នកដទៃ មនុស្សដែលគ្មានទំនាក់ទំនងសង្គមគឺ ៥០ភាគរយ ងាយស្លាប់ ជាងអ្នកដែលជួបមិត្តភក្តិ។
៤ ធ្វើសមាធិ ៥ នាទីក្នុងមួយថ្ងៃ
មានការស្រាវជ្រាវជាច្រើន ដែលបង្ហាញថា ការធ្វើសមាធិ ល្អសម្រាប់សុខភាពទាំងផ្លូវកាយ និងផ្លូវចិត្ត។ កុំគិតវែងឆ្ងាយថាយើងអង្គុយរាប់ម៉ោង គ្រាន់តែ ៥ នាទីក្នុងមួយថ្ងៃ គឺគ្រប់គ្រាន់ហើយ។
៥ ផឹកស្រាក្នុងកម្រិតមធ្យម
ការផឹកស្រាក្នុងកម្រិតមធ្យម អាចមានឥទ្ធិពល និងប្រយោជន៍លើរាងកាយរបស់អ្នក ដូចជាកាត់បន្ថយហានិភ័យនៃជំងឺបេះដូង និងជំងឺដាច់សរសៃឈាមខួរក្បាល ហើយវាក៏ត្រូវបានគេរាយការណ៍ថា ជួយកាត់បន្ថយជំងឺវង្វេងផងដែរ។តែបើផឹកលើសនោះ អាចជាហានិភ័យនៃជាតិអាកុលច្រើនលើរាងកាយវិញទេ។
៦ ធ្វើលំហាត់ប្រាណ ៣០នាទីក្នុងមួយថ្ងៃ
ការធ្វើលំហាត់ប្រាណ យ៉ាងហោចណាស់ ៣០ នាទីក្នុងមួយថ្ងៃ មានអត្ថប្រយោជន៍យ៉ាងធំធេងចំពោះសុខភាព។ ជាពិសេស អាចកាត់បន្ថយហានិភ័យនៃជំងឺផ្សេងៗ ជួយឲ្យគេងលក់ស្រួល អារម្មណ៍ល្អ រាងស្អាត។
៧ ចេញទៅទទួលពន្លឺថ្ងៃ ប៉ុន្តែកុំភ្លេចឡេការពារកម្តៅថ្ងៃ
ពន្លឺព្រះអាទិត្យ ផ្តល់វីតាមីនឌី D ដល់រាងកាយ នេះជួយធ្វើមានតុល្យភាពសារធាតុរ៉ែដូចជាកាល់ស្យូម និងផូស្វ័រ រួមចំណែកដល់ការពង្រឹងប្រព័ន្ធភាពស៊ាំនៃរាងកាយ និងពង្រឹងឆ្អឹង។
ផ្អែកតាមការបញ្ចាក់ខាងលើ តាមពិតទៅរឿង ៧ យ៉ាងនេះ មិនពិបាកធ្វើទេ តែណាស់តែយើងម្នាក់ៗខ្ចិល ឬមិនបង្កើតទម្លាប់ធ្វើឲ្យលឿន។ ដូច្នេះគួរកាត់រឿងដែលបំផ្លាញសុខភាពរាងកាយចេញ ឲ្យកាន់តែលឿន ហើយដាក់តែរឿងណាធ្វើឲ្យសុខភាពរាងកាយ មានសភាពរឹងមាំ ទើបជីវិតអាចរស់នៅដោយផាសុកភាព និងអាយុវែង៕
ប្រែសម្រួល៖ សាង ស្រីល័ក្ខ
ចុចអាន៖វប្បធម៌តឹងរ៉ឹងទាំង ១០ នៅឥណ្ឌា ត្រូវដឹងមុនធ្វើដំណើរទៅ ប្រយ័ត្នមានបញ្ហាពិបាកនៅស្រុកគេ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ