KPT+

រឿង ៦ យ៉ាង អ្នកគួរធ្វើឲ្យបានម្ដង ក្នុងមួយជីវិតនេះ

បានផុស

៤ years មុន

នៅ

ថ្ងៃសុក្រ ១៣ ឧសភា ២០២២

ដោយ

ការរស់នៅសព្វថ្ងៃនេះ មិនមែនរស់ដើម្បីផ្គាប់អ្នកដទៃទេ សូមគិតពីសេចក្ដីសុខខ្លួនឯងផង ទោះជារវល់ ឬមានសម្ពាធខ្លាំងប៉ុណ្ណាក៏ដោយ។ នៅពេលដែលយើងមើលថែខ្លួនឯងឲ្យបានល្អ សុខភាពផ្លូវចិត្ត និងសម្រស់ក៏ល្អទៅតាមនឹងដែរ។ ជីវិតដែលរស់នៅតាមកាលវិភាគដដែលៗ គ្មានអ្វីល្អគួរឲ្យចងចាំទេ អ្នកគួរតែស្វែងរកអ្វីល្អផ្ដល់រសជាតិដល់ជីវិតខ្លះ។

ខាងក្រោមនេះជាអ្វីដែលអ្នកគួរផ្ដល់ឲ្យខ្លួនឯងបានយ៉ាងតិចម្ដងក្នុងជីវិត៖

១. ទៅធ្វើសេវាកម្មថែសម្រស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដែលទៅម៉ាស្សាខ្លួន មុខ នៅកន្លែងថ្លៃៗមិនមែនជារឿងខ្ជះខ្ជាយទេ នេះគឺជាការផ្ដល់ក្ដីស្រលាញ់ឲ្យខ្លួនឯងទៅវិញទេ។ កុំគិតច្រើនសាំញ៉ាំអី កុំស្ដាយលុយដែលចំណាយលើខ្លួនឯងសោះ។

២. ញ៉ាំអាហារនៅហាងថ្លៃៗម្នាក់ឯង

អ្នកប្រាកដជាគិតថា បែបនេះមានអារម្មណ៍ឯកាណាស់ មិនសូវហ៊ានដើរម្នាក់ឯងទេខ្លាចៗគេ។ ប៉ាវខ្លួនឯងចូលហាងម្ហូបអឺរ៉ុបម្ដងមើល ធ្លាប់តែទៅមានគ្នា ទៅម្នាក់ឯងទើបដឹងថាប្លែកយ៉ាងណា។

៣. ដើរទិញអីវ៉ាន់ថ្លៃៗម្នាក់ឯង

ចង់បានអាវនោះណាស់មែនទេ? ថ្លៃពេកមិនហ៊ានទិញទេ បើទិញអានោះបានច្រើនជាង។ ការគិតបែបនេះនឹងបញ្ចប់ដោយមិនស្ងប់ចិត្ត គឺអ្នកនៅតែពិបាកចិត្តចង់បានវាដដែល។ សន្សំលុយទៅទិញតែម្ដងទៅ!

៤. ធ្វើម្ហូបហូបខ្លួបឯង

ញ៉ាំតែស្នាដៃគេ និងធ្វើតាមគេ ដែរគិតថាបង្កើតរសជាតិថ្មីខ្លួនឯងម្ដងអត់? ធ្វើលេងៗសិនមក បើមិនឆ្ងាញ់ចាំកែតាមក្រោយ។នេះជាការសាកល្បងលើស្នាដៃខ្លួនឯងថាតើបានកម្រិតណាផងដែរ។

៥. ទៅមើលកុនម្នាក់ឯង

ទៅរាល់ដងមានគ្នារហូត ចុះបើទៅម្នាក់ឯងមានអារម្មណ៍បែបណាទៅ។ សាកមើលបានដឹងថាជក់ចិត្ត។

៦.ប្ដូរម៉ូតសក់

សក់នឹងឃើញមកមួយជីវិតហើយ ពេលណាប្ដូរចេញ? ការផ្លាស់ប្ដូរស្ទាយធ្វើឲ្យជីវិតអ្នកក៏ផ្លាស់ប្ដូរមួយជំហានដែរ។ អ្នកធ្លាប់តែស្ពឹកស្រពន់ខ្ចិលៗ តែក្រោយពេលបានឃើញខ្លួនឯងស្អាត អ្នកណាក៏ដូចអ្នកណាដែរ ប្រាកដជាសប្បាយចិត្តជីវិតនឹងរស់រវើកមិនខាន។

អ្នកមិនចាំបាច់ធ្វើតាមទាំងអស់ទេ អ្វីដែលអ្នកចង់សាកធ្វើក៏ធ្វើទៅ កុំគិតច្រើននាំស្មុគស្មាញអី។ ជីវិតរបស់យើង យើងជាអ្នកគ្រប់គ្រងហ្នឹងឯង៕

អត្ថបទ៖ វារី

ចុចអាន៖៧ យ៉ាង គួរធ្វើ ដើម្បីមានអាយុវែង គ្មានជំងឺដំកាត់ មកយាយី

ចុចអាន៖កុំទាន់ថាជីវិតជោគជ័យ ប្រសិនបើមិនទាន់ធ្វើចំណុចទាំងនេះនូវឡើយ