ព័ត៌មានជាតិ
អាជ្ញាធរខណ្ឌពោធិ៍សែនជ័យបិទផ្សារមួយបន្ថែមទៀតទាំងយប់ បន្ទាប់ពីមានអាជីវករឆ្លងកូវីដ១៩
រដ្ឋបាលខណ្ឌពោធិ៍សែនជ័យបានសម្រេចផ្អាកដំណើរការបណ្ដោះអាសន្នផ្សារពោធិចិនតុង រយៈពេល១៤ថ្ងៃ ក្រោយមានអាជីវករឆ្លងជំងឺកូវីដ១៩។
តាមសេចក្តីជូនដំណឹងរបស់រដ្ឋបាលខណ្ឌពោធិសែនជ័យ ចេញផ្សាយកាលពីយប់ថ្ងៃទី១៩ ខែមេសាបានឲ្យដឹងថា អាស្រ័យដោយស្ថានភាពនៃការរីករាលដាលនៃជំងឺកូវីដ១៩ក្នុងរយៈពេលប៉ុន្មានថ្ងៃចុងក្រោយនេះ មានបងប្អូនអាជីវករនិងប្រជាពលរដ្ឋបានឆ្លងជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈ ដែលស្ថានភាពនេះបានឆ្លងរាលដាលយ៉ាងឆាប់រហ័សគួរឲ្យព្រួយបារម្ភ និងចាំបាច់ត្រូវមានវិធានការសុខាភិបាល។
តាមសេចក្តីជូនដំណឹងដដែលបានបន្តថា ដើម្បីទប់ស្កាត់ជាបន្ទាន់ចំពោះមុខនេះ រដ្ឋបាលខណ្ឌពោធិ៍សែនជ័យសូមផ្អាកដំណើរការជាបណ្ដោះអាសន្នផ្សារពោធិ៍ចិនតុង ក្នុងសង្កាត់កាកាបទី១ រយៈពេល១៤ថ្ងៃ ដោយគិតចាប់ពីម៉ោងសូន្យនាទីថ្ងៃទី២០ ខែមេសា ឆ្នាំ២០២១ រហូតដល់ថ្ងៃទី០៣ ខែឧសភាឆ្នាំ២០២១ ដើម្បីបង្ការនិងទប់ស្កាត់ការឆ្លងរាលដាលវីរុសកូវីដ១៩ដល់បងប្អូនអាជីវករអតិថិជនក៏ដូចជាប្រជាពលរដ្ឋដែលចេញចូលក្នុងទីតាំងផ្សារខាងលើ។
រដ្ឋបាលខណ្ឌសូមអំពាវនាវដល់បងប្អូនប្រជាអាជីវករ សន្តិសុខ បុគ្គលិក កម្មករបម្រើការងារក្នុងផ្សារនិងក្រុមគ្រួសារអាជីវករពាក់ព័ន្ធ ព្រមទាំងប្រជាពលរដ្ឋដែលកន្លងមកធ្លាប់ចេញចូលផ្សារខាងលើនៅថ្ងៃទី១៥ ខែមេសា ដល់ថ្ងៃទី១៩ ខែមេសា ឆ្នាំ២០២១ បើមានអាការៈក្តៅខ្លួន ក្អក ពិបាកដកដង្ហើមនិងមានការសង្ស័យថាឆ្លងមេរោគវីរុសកូវីដ១៩ សូមអញ្ជើញមកយកសំណាកធ្វើតេស្តរកកូវីដ១៩ជាបន្ទាន់ នៅផ្សារពោធិចិនតុងព្រមទាំងអនុវត្តវិធានការចត្តាឡីស័ក ស្របតាមការណែនាំរបស់ក្រសួងសុខាភិបាល ឲ្យបានត្រឹមត្រូវ។
នៅថ្ងៃទី១៩ ខែមេសា ម្សិលមិញនេះដែរ អាជ្ញាធរខណ្ឌពោធិសែនជ័យ បានបិទបិទផ្សារចំនួន៤ផងដែររួមមានផ្សារ សេនជូរី ផ្សារត្រពាំងថ្លឹង ផ្សារទួលពង្រ និងផ្សារេករាជ១ដោយសារផ្សារទាំងនោះមានអាជីវករ និងប្រជាពលរដ្ឋមានឆ្លងជំងឺកូវីដ១៩៕
អត្ថបទ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ