ព័ត៌មានជាតិ

លោកជំទាវ ឱ វណ្ណឌីន ៖ បើមិនចង់ឲ្យជួបព្រឹត្តិការណ៍ដូចឥណ្ឌា យើងត្រូវរួមគ្នាឆ្លងកាត់ការលំបាកពេលនេះឲ្យបាន

បានផុស

៥ years មុន

នៅ

ថ្ងៃសុក្រ ៣០ មេសា ២០២១

ដោយ

ភ្នំពេញ ៖ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យនៃក្រសួងសុខាភិបាល តាមរយៈបណ្តាញសង្គមតេឡេក្រាម បានសរសេរថា បើយើងមិនចង់ជួបនូវករណីឆ្លងរីករាលដាលកូវីដ១៩ ដូចប្រទេសឥណ្ឌាយើងត្រូវរួមគ្នាឆ្លងកាត់ការលំបាកនៅពេលនេះឲ្យបាន។ បើបុគ្គលម្នាក់ៗមិនបានអនុវត្តវិធានការ៣កុំ ៣ការពារត្រឹមត្រូវទេនោះ ការចម្លងនៅតែមាន ហើយខ្សែចម្លងនៅតែវែងអន្លាយឆ្ងាយទៅៗ រហូតដល់ថ្ងៃណាមួយនឹងហួសពីសមត្ថភាពហើយ។ នៅប្រទេសឥណ្ឌា យើងឃើញស្រាប់ហើយ យើងក៏មិនចង់ជួបព្រឹត្តិការណ៍បែបនេះនោះដែរ មែនទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើមែន ត្រូវតែរួមគ្នាឆ្លងកាត់ការលំបាកពេលនេះឲ្យបាន ហើយគ្មានអ្វីដែលអាចការពារខ្លួនយើងបានក្រៅតែពី ៣ការពារ + ៣កុំ + ចាក់វ៉ាក់សាំង + នៅផ្ទះ (ប្រសិនបើមិនមានការចាំបាច់ទេនោះ ព្យាយាមកុំចេញក្រៅផ្ទះ)។

លោកជំទាវបានសរសេរបន្តថា សុំជួយអប់រំគ្នាឲ្យបានច្រើនបំផុតដែលអាចធ្វើទៅបាន ហើយសង្ឃឹមថា យើងនៅមានពេលដែលអាចទាញសភាពឆ្លងរាតត្បាតឱ្យថយចុះវិញ ដោយទាំងអស់គ្នាត្រូវចូលរួមអនុវត្តវិធានការខាងលើឲ្យបានគ្រប់ៗគ្នា៕

ប្រភព ៖ តេឡេក្រាមលោកជំទាវ ឱ វណ្ណឌីន

កែសម្រួលដោយ ៖ នាគព័ន្ធ