ព័ត៌មានជាតិ
ដឹកប្រពន្ធចេញពីតំបន់ក្រហមទៅមន្ទីរពេទ្យ បែរជាដាច់ខ្យល់ស្លាប់តាមផ្លូវ
ភ្នំពេញ៖ ស្ត្រីម្នាក់ដែលប្រាប់ក្រុមគ្រួសារថា ចេះតែចុកចង្កេះខ្លាំងហើយក្រុមគ្រួសារព្យាយាមដឹកចេញពីផ្ទះបំរុងយកទៅមន្ទីរពេទ្យតែអកុសល បានដាច់ខ្យល់ស្លាប់តាមផ្លូវតែម្តង។
យោងតាមសេចក្តីរាយការណ៍ពីលោកសេង វ៉ាន់ថា ចៅរងទី១សង្កាត់ស្ទឹងមានជ័យទី៣បានឲ្យដឹងថា កាលពីវេលាម៉ោង៦ព្រឹកថ្ងៃទី៥ខែឧសភានេះ មានការភ្ញាក់ផ្អើលដោយសារតែមានស្ត្ត្រីម្នាក់ បានប្រកាច់ដាច់ខ្យល់ស្លាប់ស្ថិតនៅមុខវត្តនន្នមុនី ក្នុងក្រុមទី១ភូមិដំណាក់ធំ១សង្កាត់ស្ទឹងមានជ័យ៣ខណ្ឌមានជ័យរាជធានីភ្នំពេញ។ យោងតាមការរៀបរាប់ពីប្តីនៃសពបានដឹងថាជនរងគ្រោះឈ្មោះស៊ុន ម៉ានី អាយុ៣០ឆ្នាំមុខរបរលក់ពោតស្ងោរស្នាក់នៅបន្ទប់ជួលភូមិទ្រា៤សង្កាត់ស្ទឹងមានជ័យ៣ខណ្ឌមានជ័យ(ក្នុងតំបន់ក្រហម)។
ប្តីសពបានបញ្ជាក់ថា កាលពី២ថ្ងៃមុនប្រពន្ធរបស់គាត់ជួបគ្រោះថ្នាក់ចរាចរណ៍ ហើយបានយកទៅព្យាបាលនៅមន្ទីរពេទ្យ ហើយគ្រូពេទ្យបានឲ្យថ្នាំមកលេបនៅផ្ទះ។ លុះដល់ផ្ទះស្ត្រីរងគ្រោះចេះតែត្អូញថាចុកចង្កេះរួចនាំគ្នាយកទឹកក្តៅច្រកដបហើយមកស្ងំនៅចង្កេះ។ តែដល់វេលាជិតភ្លឺថ្ងៃទី៥ខែឧសភានេះ ជនរងគ្រោះបានត្អូញថាចុកខ្លាំងក៏សម្រេចដឹកយកទៅមន្ទីរពេទ្យមិត្តភាពខ្មែរ សូវៀត ប៉ុន្តែពេលដឹកចេញពីបន្ទប់ជួលដល់មុខវត្តនន្នមុនីដែលជាតំបន់ក្រហមដែរនោះស្ត្រីរងគ្រោះបានដាច់ខ្យល់ស្លាប់ទៅ។
លោក សេង វ៉ាន់ថា ចៅរងទី១សង្កាត់ស្ទឹងមានជ័យ៣បានបញ្ជាក់បន្ទាប់ពីដាច់ខ្យល់ស្លាប់ភ្លាមៗអាជ្ញាធរបានចុះមកពិនិត្យសពស្ត្ត្រីខាងលើដែលដាក់តំកល់នៅតាមចិញ្ចើមផ្លូវមុខវត្តនន្នមុនីហើយក្នុងនោះរងចាំឲ្យគ្រូពេទ្យមកពិនិត្យសំណាកសពសិនព្រោះជាតំបន់ក្រហមខ្លាចក្រែងមានផ្ទុកជំងឺកូវីដ១៩ដែលបង្កឲ្យឆ្លងដល់ក្រុមគ្រួសារដែលចង់យកសពទៅធ្វើបុណ្យតាមប្រពៃណីយ៍នោះ៕
អត្ថបទ៖ នរា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ