យុវជនម្នាក់បញ្ចប់ជីវិត ប្អូនប្រុសបង្កើត​អះអាង​ដោយសារមាន​ជំងឺរុាំរ៉ៃ

នៅវេលាម៉ោង ១៨:២២នាទី យប់ថ្ងៃទី១៣ ខែកុម្ភៈ ឆ្នាំ២០២៤ យុវជនម្នាក់បានធ្វើអត្តឃាត អា-ក-សម្លាប់ខ្លួន នៅក្នុងបន្ទុប់​ផ្ទះរបស់ខ្លួន នៅចំណុចភូមិអូរឬស្សី២ សង្កាត់អូរឫស្សី ក្រុងក្រចេះ ខេត្តក្រចេះ។

ហេតុការណ៍នេះបង្កការភ្ញាក់ផ្អើលដល់ប្រជាពរដ្ឋរស់នៅជុំវិញ និងបានរាយការជូនសមត្ថកិច្ចចុះទៅដល់កន្លែងកើតហេតុភ្លាមៗតែម្តង។

ប្រភពពីសាក្សីនៅកន្លែងកើតហេតុបានឲ្យដឹងថា ជនរងគ្រោះមានឈ្មោះ តែ រតនា ភេទប្រុស អាយុ២៨ឆ្នាំ មានបងប្អូន ២នាក់ រស់នៅជាមួយម្តាយជាជាស្ត្រីមេម៉ាយ ស្នាក់នៅទីតាំងកន្លែងកើតហេតុខាងលើ។

យោងតាមប្រភពពីសមត្ថកិច្ច បានឲ្យដឹងថា តាមការឆ្លេីយបំភ្លឺឈ្មោះ តែ វណ្ណរិទ្ធ ភេទប្រុស អាយុ២៧ឆ្នាំ ត្រូវជាប្អូនប្រុសបង្កេីតរបស់ជនរងគ្រោះ បានឆ្លេីយបំភ្លឺថា ឈ្មោះ តែ រតនា (សព) កន្លងមកធ្លាប់មានជម្ងឺប្រចាំកាយតាំងពីឆ្នាំ​២០១៦ និងបានប្រេីប្រាស់ថ្នាំជំនួយខួរក្បាលជាប្រចាំ។ លុះនៅថ្ងៃទី១៣ ខែកុម្ភៈ ឆ្នាំ២០២៤ វេលាម៉ោងជាង១១ថ្ងៃត្រង់ ឈ្មោះ តែ រតនា មានជម្ងឺរេីឡេីងវិញ បានចូលក្នុងបន្ទប់ និងចាក់គន្លឹះទ្វារបន្ទប់របស់ខ្លួន លុះដល់វេលាម៉ោង១៨ និង ២២នាទី ឈ្មោះ តែ រតនា (សព) បានយកកូនកាំបិតអា-ក-សម្លាប់ខ្លួនឯង នៅក្នុងបន្ទប់បណ្ដាលឲ្យស្លាប់នៅហ្នឹងកន្លែង។

បន្ទាប់ពីទទួលបានព័ត៌មាន នៅវេលាម៉ោង ១៨:៥០ នាទី ថ្ងៃខែ ឆ្នាំ ដដែល សមត្ថកិច្ចជំនាញអធិការក្រុងក្រចេះ សហការជាមួយកម្លាំងការិយាល័យបច្ចេកទេសខេត្ត មន្រ្តីមន្ទីរពេទ្យបង្អែកខេត្ដក្រចេះ មេភូមិអូរស្សី២ ប៉ុស្តិ៍នគរបាលរដ្ឋបាលអូរឬស្សី បានចុះទៅដល់កន្លែងកេីតហេតុធ្វេីការពិនិត្យកោសល្យវិច័យសាកសព សមត្ថកិច្ចអាចសន្និដ្ឋានបានថា ជនរងគ្រោះពិតជាបានស្លាប់ដោយសារ អា-ក-ធ្វេីអត្តឃាត សម្លាប់ខ្លួនឯងពិតប្រាកដមែន។
ក្រោយពីបានធ្វើការពិនិត្យសពរួចរាល់ សមត្ថកិច្ចយើង បានប្រគល់សពអោយទៅក្រុមគ្រួសារយកធ្វើបុណ្យតាមប្រពៃណី៕

អត្ថបទ៖ ប្រុញ វិធិន