ព័ត៌មានជាតិ
ពលរដ្ឋប្រមាណ៤៧០គ្រួសារនៅសហគមន៍បឹងត្របែកទទួលអត្ថប្រយោជន៍ពី«គម្រោងសុខភាពសហគមន៍ខ្ញុំ»
ពលរដ្ឋប្រមាណ៤៧០គ្រួសារដែលរស់នៅសហគមន៍បឹងត្របែក រាជធានីភ្នំពេញ ទទួលបានអត្ថប្រយោជន៍ពីយុទ្ធនាការមនុស្សធម៌ និងគម្រោងសុខភាពសហគមន៍ខ្ញុំ ដែលរៀបចំដោយសភាយុវពាណិជ្ជករអន្តរជាតិកម្ពុជា សាខាទួលគោក។ គម្រោងនេះបានបញ្ចប់ដោយជោគជ័យកាលពីថ្ងៃទី២៨ ខែមិថុនា ឆ្នាំ២០២៦។
តាមការឱ្យដឹងពីសភាយុវពាណិជ្ជករអន្តរជាតិកម្ពុជា គម្រោងនេះបានលើកកម្ពស់ការយល់ដឹងអំពីទឹកស្អាត អនាម័យ និងសុខភាព ដល់សហគមន៍ ផ្ដល់ការផ្គត់ផ្គង់ទឹកស្អាតនិងដំឡើងទូចម្រោះទឹកស្អាត១ក្នុងសហគមន៍ ព្រមទាំងចែកជូនសាប៊ូ ថ្នាំដុសធ្មេញ ច្រាសដុសធ្មេញ និងដបទឹកស្អាតដល់គ្រួសារនីមួយៗផងដែរ។
ការលើកគម្រោងខាងលើនេះគឺបន្ទាប់ពីក្រុមការងារសភាយុវពាណិជករអន្តរជាតិ សាខាទួលគោក បានចុះសិក្សាជាក់ស្ដែង និងបានរកឃើញថា ប្រជាពលរដ្ឋក្នុងសហគមន៍បឹងត្របែកកំពុងប្រឈមនឹងបញ្ហាកង្វះទឹកស្អាតសម្រាប់បរិភោគ កង្វះការយល់ដឹងពីការទុកដាក់ទឹក និងអនាម័យ ដែលជាប្រភពនៃកកើតសត្វល្អិត និងជំងឺតម្កាត់ផ្សេងៗ រួមទាងបន្ទុកចំណាយខ្ពស់លើការប្រើប្រាស់ទឹកប្រចាំថ្ងៃ។
ប្រធានគម្រោងនេះ កញ្ញា អាន ស្រីនិច្ច បានបញ្ជាក់ថា៖ «តាមរយៈការចាប់ផ្ដើមអនុវត្តគម្រោងក្នុងឆ្នាំដំបូងនេះ សភាយុវពាណិជ្ជករអន្តរជាតិ សាខាទួលគោកមានក្ដីរំពឹងយ៉ាងមុតមាំថា ពួកយើងបានជួយលើកកម្ពស់គុណភាពជីវិតរបស់ក្រុមគ្រួសារប្រមាណ៤៧០គ្រួសារឱ្យកាន់តែមានភាពល្អប្រសើរឡើង។ សកម្មភាព និងជោគជ័យដែលកើតចេញពីគម្រោងនេះគឺពិតជាបានឆ្លុះបញ្ចាំងយ៉ាងច្បាស់ពីទស្សនវិជ្ជារបស់យើងនោះគឺ អ្នកដឹកនាំវ័យក្មេងបង្កើតប្រវត្តិសាស្ត្រ»។
គួរឱ្យដឹងផងដែរថាគម្រោង សុខភាពសហគមន៍ខ្ញុំ នេះត្រូវបានបង្កើតឡើងក្នុងគោលបំណងចូលរួមចំណែកជំរុញដល់ គោលដៅអភិវឌ្ឍន៍ប្រកបដោយចីរភាពទី៦ របស់អង្គការសហប្រជាជាតិ ដែលផ្ដោតលើ ទឹកស្អាត និងអនាម័យ ដើម្បីលើកកម្ពស់សុខមាលភាពប្រជាពលរដ្ឋក្នុងសហគមន៍៕
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ