Connect with us

ព័ត៌មានជាតិ

ប្រទះឃើញ​កងជើង​ទេវរូប​វត្ថុ​សម័យ​ក្រោយ​អង្គរ ក្នុង​កម្ទេច​ភ្លើង​ឆេះ​ផ្ទះ ​ស្លាប់​មនុស្ស​៥​នាក់​នៅកំពង់ឆ្នាំង

បានផុស

នៅ

​មន្ត្រី​ការិយាល័យ​ការពារ​បដិកពាន់​ជាតិ​នៃ​ស្នងការដ្ឋាន​នគរបាល​ខេត្តកំពង់ឆ្នាំង នៅ​ព្រឹក​ថ្ងៃទី​១៣ ខែឧសភា ឆ្នាំ​២០២១​នេះ បានប្រគល់​វត្ថុ​បុរាណ​ដែល​មាន​តម្លៃ​ប្រភេទ​កងជើង ជូន​មន្ទីរ​វប្បធម៌ និង​វិចិត្រសិល្បៈ​ខេត្ត​កំពង់ ឆ្នាំង​រក្សាទុក​ក្នុង​សារមន្ទីរ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក សុខ ធួ​ក ប្រធាន​មន្ទីរ​វប្បធម៌​និង​វិចិត្រសិល្បៈ​ខេត្ត​កំពង់ឆ្នាំង​បានបញ្ជាក់​ឲ្យ​ដឹង នៅ​ព្រឹក​ថ្ងៃទី​១៣ ខែ​ឧសភា​នេះ​ថា វត្ថុ​បុរាណ​ដែល​លោក​ទទួល​បាន​ពី​ស្នងការដ្ឋាន​នគរបាល​ខេត្ត​កំពង់ឆ្នាំង គឺជា​ប្រភេទ​កងជើង​របស់​ទេវរូប​ភេទ​ស្រី ធ្វើ​ពី​លោហធាតុ (​មាន​ស្ពាន់​និង​ដែក​បញ្ចូល​គ្នា​)​ទម្ងន់​១.៦​គីឡូ​ក្រាម រចនាបថ​សម័យ​កណ្ដា​ល ឬ (​សម័យ​ក្រោយ​អង្គរ​)​ត្រូវ​បាន​ស្នង ការដ្ឋាន​នគរបាល​ខេត្តកំពង់ឆ្នាំង​ ប្រគល់​ជូន​មន្ទីរ​វប្បធម៌​និង​វិចិត្រសិល្បៈ​ខេត្ត ដើម្បី​រក្សាទុក​ក្នុង​សារមន្ទីរ​។ លោក​បន្តថា កងជើង​បុរាណ​ខាង លើ​នេះ​គឺមាន​តម្លៃ​ជា​ប្រវត្តិសាស្ត្រ ដែល​មិនអាច​កាត់ថ្លៃ​បាន ។ វត្ថុ​បុរាណ​មួយ​នេះ​លោក​នឹង​យកទៅ​រក្សា ទុក​នៅក្នុង​សារៈមន្ទីរ​ខេត្ត តែ​បច្ចុប្បន្ន​គឺ​ទុក​នៅក្នុង​ឃ្លាំង​សិន ដើម្បី​យកទៅ​សំអាត​តាម​បច្ចេកទេស​របស់បុរាណ​វិទ្យា ដោយសារតែ​ត្រូវ​ភ្លើង​ឆេះ​ប្រឡាក់​មើល​មិន​ដឹ​ង​ធាតុ​ដើម គឺ​មិនទាន់​អាច​ដាក់​តាំង​ឲ្យ​មើល​បាន​នៅឡើយ​ទេ​។​

​លោក ជីវ ចាន់​លី ប្រធាន​ការិយាល័យ​នគរបាល​ការពារ​បេតិកភណ្ឌ នៃ​ស្នងការដ្ឋាន​នគរបាល​ខេត្ត​កំ​ពង់​ឆ្នាំង​បាន​ឲ្យ​ដឹង​ថា វត្ថុ​បុរាណ​ប្រភេទ​កងជើង​នេះ អង្គភាព​របស់​លោក​បានទទួល​ពី​ក្រុមបច្ចេកទេស​នៃ​ស្នងការដ្ឋាន​នគរបាល​ខេត្ត ដោយ​ធ្វើ​ពិធី​ប្រគល់​ទៅឲ្យមន្ទីរ​វប្បធម៌ និង​វិចិត្រសិល្បៈ​ខេត្ត ដើម្បី​រក្សាទុក​នៅក្​នុង​សារមន្ទីរ ហើយ​ការ​ប្រគល់​វត្ថុ​បុរាណ​នេះ ក៏មាន​ការ​អញ្ជើញ​ចូលរួម​ពី​ការិយាល័យ​បច្ចេកទេស និង​វិទ្យាសាស្ត្រ​នៃ​ស្នងការដ្ឋាន​នគរបាល​ខេត្ត​ផងដែរ​។​

​លោក​ឧត្ដម សេនីយ៍​ត្រី ប្រាក់ វុ​ឌ្ឍី ស្នងការរង​នគរបាល​ខេត្ត​កំពង់ឆ្នាំង ទទួល​ផ្នែក​ព្រហ្មទណ្ឌ បាន​ឲ្យ​ដឹង​តាម​ទូរសព្ទ​ថា នៅ​ព្រឹក​ថ្ងៃ​ទី១១ ខែ​ឧសភា លោក​បាន​ដឹកនាំ​ក្រុម​បច្ចេកទេស ចុះ​ពិនិត្យ​និង​ស្រាវ ជ្រាវ​ករណី​ភ្លើង​ឆេះ​ផ្ទះ បណ្ដាល​ឲ្យ​មនុស្ស​ស្លាប់​ចំនួន​៥​នាក់​កាលពី​យប់​ថ្ងៃ​ទី​៩ ខែ​ឧសភា នៅក្នុង​ឃុំ​ខុន​រ៉ង ស្រុក​បរិបូណ៌​កន្លងទៅ​។ ហើយ​នៅ​ព្រឹក​នោះ​មន្ត្រី​ក្រុម​បច្ចេក​ទេស​ក៏​រើស​បាន​កងជើង​ជាវ​ត្ថុ​បុរាណ​មួយ​ ដែល​ត្រូវ​បាន​ភ្លើង​ឆេះ​រោល​ប្រ ឡាក់​ស្ទើរ​មើល​មិន​យល់​។​

បន្ទាប់មក​លោក​ក៏​បាន​យក​វត្ថុ​នេះ ទៅ​ប្រគល់​ជូន​លោក អ៊ិត សុធា​ព្រះរាជអាជ្ញា​អម​សាលាដំបូង​ខេត្ត​កំពង់ ឆ្នាំង ដើម្បី​ទុកជា​វត្ថុតាង​។ ខណៈ​នោះ​លោក​ព្រះរាជអាជ្ញា​យល់ឃើញថា កងជើង​នេះ​គឺអាច​មាន​សារៈ​ប្រ យោជន៍​ជា​របស់​វត្ថុ​បុរាណ​លោក​ក៏​ឲ្យ​យក​វត្ថុ​បុរាណ​នេះ ទៅ​ពិភាក្សា​ជាមួយ​មន្ទីរ​វប្បធម៌​និង​វិចិត្រសិល្បៈ​ខេត្ត ។ បន្ទាប់ពី​លោក សុខ ធួ​ក ប្រ ធាន​មន្ទីរ​វប្បធម៌​និង​វិចិត្រសិល្បៈ​បាន​បញ្ជាក់​ថា កងជើង​នេះ​ គឺជា​វត្ថុ​បុរាណសម័យ​កណ្ដាល​ឬ​(​សម័​យ​ក្រោយ​អង្គរ ) ដែល​មាន​តម្លៃ​ជា​ប្រវត្តិសាស្ត្រ លោក​ព្រះរាជអាជ្ញា​ក៏បាន​ឲ្យ​ធ្វើ​កំណត់ហេតុ ប្រគល់​វត្ថុ​បុរាណ​ខាងលើនេះ ​ជូនទៅ​មន្ទីរ​វប្បធម៌​និង​វិចិត្រសិល្បៈ នៅ​ព្រឹក​ថ្ងៃ​ទី​១៣ ខែ​ឧសភា​នេះ ដើម្បី​រក្សា ទុកជា​សម្បត្តិ​វប្បធម៌​ជាតិ​នៅក្នុង​សារមន្ទីរ​ខេត្ត​កំពង់ឆ្នាំង​៕

​អត្ថបទ៖ ឈៀង​ថា​រិ​ទ្ធ

សូមចុចអាន៖ ​ព័ត៌មាន​ច្បាស់ការ ប្តី​បាន​ចាក់​ទ្រូង​ប្រពន្ធ ៣កន្ត្រៃ​ស្លាប់​ហើយ​ ទើប​ដុត​ផ្ទះ​សម្លាប់​កូន​ទាំងអស់​បំបិទមាត់​

​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣១ នាទី មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ២ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៣ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៤ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម