អាវុធហត្ថស្រុកស្អាងឃាត់ខ្លួនស្ត្រីម្នាក់តាមដីកាសាលាដំបូងខេត្តកណ្តាល

ស្ត្រីសង្ស័យម្នាក់ ត្រូវបានកងរាជអាវុធហត្ថស្រុកស្អាង ខេត្តកណ្ដាល ដឹកនាំដោយលោកវរសេនីយ៍ត្រី អ៊ូ ផល្លី ធ្វើការឃាត់ខ្លួនតាមអំណាចដីកា បង្គាប់ឲ្យនាំខ្លួនរបស់សាលាដំបូងខេត្តកណ្តាល ពីបទរំលោភលើលំនៅដ្ឋាន និងបរិហារកេរ្តិ៍ជាធារណៈ ។

ការឃាត់ខ្លួនបានធ្វើឡើង កាលពីវេលាម៉ោង៧ព្រឹក ថ្ងៃទី១៣ ខែវិច្ឆិកា ឆ្នាំ២០២០នៅចំណុចភូមិព្រែកខ្សេវ សង្កាត់រការខ្ពស់ ក្រុងតាខ្មៅ ខេត្តកណ្តាល ។

ស្ត្រីសង្ស័យឈ្មោះ ហុក ស្រីណុច អាយុ២៦ឆ្នាំ រស់នៅភូមិទួលក្តី ឃុំត្រើយស្លា ស្រុកស្អាង ខេត្តកណ្តាល ។

លោកវរសេនីយ៍ត្រី អ៊ូ ផល្លី មេបញ្ជាការកងរាជអាវុធហត្ថស្រុកស្អាង បានឲ្យដឹងថា ការឃាត់ខ្លួនស្ត្រីសង្ស័យខាងលើ ធ្វើឡើងតាមអំណាចដីកា ឲ្យនាំខ្លួនលេខ ៨០២ ដប.នខ ចុះថ្ងៃទី១២ខែវិច្ឆិកា ឆ្នាំ២០២០ របស់លោក ជួន វណ្ណះ ចៅក្រមស៊ើបសួរសាលាដំបូងខេត្តកណ្តាល ដោយជាប់ចោទពីបទ រំលោភលើលំនៅដ្ឋាន និងបរិហារកេរ្តិ៍ជាសាធារណៈ ប្រព្រឹត្តទៅកាលពីថ្ងៃទី៦ខែកុម្ភះ ឆ្នាំ២០២០ នៅចំណុចភូមិទួលក្រសាំង ក្រុងតាខ្មៅ ខេត្តកណ្តាល ។

លោកបន្តថា ស្ត្រីសង្ស័យ នឹងត្រូវបញ្ជូនទៅសាលាដំបូង ខេត្តកណ្ដាលដើម្បីចាត់ការតាមនីតិវិធី ៕

អត្ថបទ ៖ ឌីរៀ