ព័ត៌មានជាតិ
សមត្ថកិច្ចលែងមានការយោគយល់ចំពោះអ្នកល្មើសនឹងបម្រាមគោចរទៀតហើយ
លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានឲ្យដឹងនៅព្រឹកថ្ងៃទី២០ ខែឧសភានេះថា ចាប់ពីថ្ងៃទី២០ ខែឧសភា ឆ្នាំ២០២១នេះតទៅ សមត្ថកិច្ចលែងមានការយោគយល់ដូចមុនទៀតហើយ ដោយធ្វើការពិន័យហើយដាក់ទោសទៅតាមច្បាប់ថែមទៀត ចំពោះអ្នកល្មើសដែលលួចចេញពីតំបន់លឿងទុំ និងបម្រាមគោចរ។
លោកវរសេនីយ៍ឯក សាន សុខសីហា បានបន្តថា ការពង្រឹងអនុវត្តច្បាប់តឹងតែងជាងមុននេះ បន្ទាប់ពីរយៈពេល១៤ថ្ងៃមកនេះ មានប្រជាពលរដ្ឋរាប់ពាន់នាក់ នៅតែបំពានទៅនឹងបម្រាមគោចររបស់សាលារាជធានីភ្នំពេញដដែល។
លោកសង្ឃឹមថា បងប្អូនប្រជាពលរដ្ឋ នឹងចូលរួមសហការឲ្យបានសកម្មថែមទៀត ដើម្បីកាត់ផ្តាច់ព្រឹត្តិការណ៍សហគមន៍២០កុម្ភៈក្នុងពេលឆាប់ៗខាងមុខនេះ។
លោក ឃួង ស្រេង អភិបាលរាជធានីភ្នំពេញ បានលើកឡើងថា ១សប្តាហ៍ទៀត គឺចាប់ពីថ្ងៃទី២០ដល់ថ្ងៃទី២៦ ខែឧសភានេះ គឺជាទឹកចុងក្រោយហើយ អាជ្ញាធរកម្លាំងមានសមត្ថកិច្ច ត្រូវតែម៉ឺងម៉ាត់ចំពោះបម្រាមគោចរ ត្រូវឃាត់យានយន្តដែលធ្វើចរាចរណ៍ ល្មើសចាប់ពី៨យប់ដល់ម៉ោង៣ទៀបភ្លឺទាំងអស់ មករក្សាទុក និងធ្វើការផាកពិន័យ ដោយមិនមានការអប់រំទៀតទេ។
លោកអភិបាលបានបញ្ជាក់ថា «បើយើងគ្រប់គ្រងមិនបានទេវានឹងវិលមករកចំណុចដើមវិញ នោះគឺចប់ហើយ»។
បើតាមលោកវរសេនីយ៍ឯក សាន សុខសីហា ចាប់ពីថ្ងៃទី៦ដល់ថ្ងៃទី១៩ ខែឧសភា ឆ្នាំ២០២១សមត្ថកិច្ចបានធ្វើការឃាត់ខ្លួនប្រជាពលរដ្ឋ ដែលបានល្មើសនឹងបម្រាមគោចររបស់រដ្ឋបាលរាជធានីភ្នំពេញសរុប១៦៧២នាក់ ក្នុងនោះបានបញ្ជូនមនុស្ស២នាក់ទៅតុលាការ ណែនាំអប់រំឲ្យវិលត្រឡប់ទៅលំនៅដ្ឋានវិញចំនួន១៣៤៦នាក់ បញ្ជូនទៅធ្វើចត្តាឡីស័កចំនួន២៨១នាក់ បញ្ជូនទៅព្យាបាលចំនួន២នាក់ និងពិន័យអន្តរការណ៍នួន៤១នាក់៕
អត្ថបទ ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)