ព័ត៌មានជាតិ
សង្ស័យប្រពន្ធមានសហាយ លួចដាក់ GPS ក្នុងរថយន្ត តាមទាន់នៅផ្ទះសំណាក់កំពុងឡើងឋានសួគ៌
រឿងរ៉ាវអំពើផិតក្បត់មួយបានកើតឡើង បន្ទាប់ពីបុរសម្នាក់ដាក់ការសង្ស័យលើប្រពន្ធថា លួចលាក់មានសហាយ ក៏លួចដាក់ប្រព័ន្ធ GPS តាមរថយន្តរបស់ស្ត្រីជាប្រពន្ធ លុះចុងក្រោយក៏ទាន់កំពុងឡើងឋានសួគ៌ជាមួយបុរសជាសហាយស្មន់នៅផ្ទះសំណាក់មួយកន្លែង យីហោ « សេងឆេង » ស្ថិតក្នុងភូមិកំពង់សំណាញ់ ១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល បង្កការភ្ញាក់ផ្អើលកាលពីវេលាល្ងាចថ្ងៃទី ២៩ ខែឧសភា ឆ្នាំ ២០២១។
ជនរងគ្រោះជាប្តីមានឈ្មោះ សេង ឈិន ភេទប្រុស អាយុ ៤១ ឆ្នាំ ទីលំនៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល មុខរបរលក់គ្រឿងសំណង់។ ចំណែកស្ត្រីជាប្រពន្ធ មានឈ្មោះ ជសៀកមួយ ភេទស្រី អាយុ ៣១ ឆ្នាំ ស្នាក់នៅរួមរស់ជាមួយបុរសជាប្តី មានមុខរបរលក់គ្រឿងសំណង់។ ដោយឡែក បុរសជាសហាយមានឈ្មោះ ជា ជំនិត ភេទប្រុស អាយុ ៤២ ឆ្នាំ ទីលំនៅភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ មុខរបរលក់គ្រឿងសំណង់។
យោងតាមប្រភពព័ត៌មានឲ្យដឹងថា បុរសជាប្តីបានរួមរស់នៅជាមួយស្ត្រីជាប្រពន្ធអស់រយៈពេល ១២ ឆ្នាំកន្លងទៅហើយ ដោយបានរៀបការតាមប្រពៃណីពេញច្បាប់ និងបានបន្សល់នូវកូនប្រុស-ស្រី ៣ នាក់ ។ លុះមួយរយៈកាលក្រោយទៅនេះ ចំណងប្តីប្រពន្ធអ្នកទាំង ២ ចេះតែឧស្សាហ៍រកាំរកុះ ពោលគឺឈ្លោះប្រកែកគ្នាញឹកញ៉ាប់ ជាហេតុធ្វើឲ្យបុរសជាប្តីកើតចិត្តសង្ស័យថា ប្រពន្ធមានសហាយស្មន់ ព្រោះការរស់នៅជាមួយគ្នាប្រមាណ ១២ ឆ្នាំកន្លងទៅ ពុំសូវមានរឿងរ៉ាវឈ្លោះប្រកែក និងមានអ្វីខុសប្លែកនឹងគ្នាឡើយ ប៉ុន្តែមួយរយៈក្រោយបែរជាមានញឹកញ៉ាប់រហូត។
ដោយកើតមាននូវចិត្តសង្ស័យ មិនទុកចិត្តលើស្ត្រីជាប្រពន្ធ បុរសជាប្តីបានយករថយន្តរបស់ស្ត្រីជាប្រពន្ធម៉ាក ford ពណ៌ស ស៊េរីឆ្នាំ ២០២១ ពាក់ស្លាកលេខ កម្ពុជា CHSM7798 យកទៅដាក់ប្រព័ន្ធ GPS ដោយពុំប្រាប់ស្ត្រីជាប្រពន្ធឲ្យបានដឹងខ្លួនមុនឡើយ។
ប្រភពបន្តឲ្យដឹងថា នៅថ្ងៃកើតហេតុខាងលើ គឺថ្ងៃទី ២៩ ស្ត្រីជាប្រពន្ធបានប្រាប់ប្តីថា ជូនម្តាយទៅលេងស្រុកកំណើត។ លុះពេលនោះ បុរសជាប្តីក៏បានបើករថយន្តតាមរថយន្តស្ត្រីជាប្រពន្ធ តាមរយៈប្រព័ន្ធ GPS ក៏តាមទាន់ស្ត្រីជាប្រពន្ធកំពុងដេកក្នុងបន្ទប់ផ្ទះសំណាក់ជាមួយសហាយស្មន់ នៅក្រុងតាខ្មៅតែម្តងទៅ។
ភ្លាមៗបន្ទាប់ពីតាមទាន់ស្ត្រីជាប្រពន្ធហើយនោះ បុរសជាប្តីបានទំនាក់ទំនងទៅកាន់សមត្ថកិច្ចមូលដ្ឋានឲ្យចុះមកធ្វើការឃាត់ខ្លួនអ្នកទាំង ២ ពាក់ព័ន្ធនឹងអំពើផិតក្បត់។ ក្នុងការឃាត់ខ្លួនអ្នកទាំង ២ សមត្ថកិច្ចដកហូតរថយន្តម៉ាកហ្វតមួយគ្រឿងរបស់ស្ត្រីជាប្រពន្ធ និងទូរសព្ទដៃ ២ គ្រឿង ដែលជាទូរសព្ទអ្នកទាំង ២ ប្រើសម្រាប់ទាក់ទងស្នេហាគ្នាកន្លងទៅ។
យ៉ាងណាមិញ ក្រោយពីបញ្ជូនខ្លួនមកដល់អធិការដ្ឋាននគរបាលក្រុងតាខ្មៅ ប្ដីប្រពន្ធទាំងពីរសម្រេចធ្វើការលែងលះគ្នា ដោយចែកទ្រព្យសម្បត្តិ និងកូនដោយមិនមានការប្ដឹងផ្ដល់គ្នានោះទេ៕
អត្ថបទ ៖ លីហេង
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)