ព័ត៌មានជាតិ

សង្ស័យឆ្លងចរន្តអគ្គិសនីបង្កជាអគ្គិភ័យឆេះផ្ទះប្រជាពលរដ្ឋមួយខ្នង

បានផុស

៣ years មុន

នៅ

ថ្ងៃសុក្រ ៤ មិថុនា ២០២១

ដោយ

អគ្គិភ័យបានលេបត្របាក់លំនៅឋានពលរដ្ឋមួយខ្នងត្រឹមតែមួយប៉ព្រិចភ្នែកប៉ុណ្ណោះ ក៏ក្លាយជាផេះហើយទ្រព្យសម្បត្តិរងការបំផ្លិចបំផ្លាញទាំងស្រុង ។

ករណីគ្រោះអគ្គិភ័យខាងលើ កើតមានឡើងនៅរសៀលថៃ្ងទី៤ ខែមិថុនា ឆ្នាំ២០២១នេះ នៅភូមិត្បូងភ្នំ ឃុំវាល ស្រុកគងពិសី ខេត្តកំពង់ស្ពឺ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលបានឱ្យដឹងថា ជនរងគ្រោះមានឈ្មោះ ស៊ូ សិត ភេទប្រុស អាយុ៣៣ឆ្នាំ មានទីលំនៅភូមិ-ឃុំខាងលើ ត្រូវគ្រោះអគ្គិភ័យ ឆាបឆេះផ្ទះមួយខ្នង ទំហំ៦ម៉ែត្រគុណ៨ម៉ែត្រ ធ្វើអំពីឈើប្រក់ក្បឿងទ្រព្យសម្បត្តិមានក្នុងផ្ទះទាំងអស់បានក្លាយជាផេះ ។

តាមការសន្និដ្ឋានបឋមពីសមត្ថកិច្ចជំនាញសន្និដ្ឋានថា អាចបណ្តាលមកពីឆ្លងចរន្ដអគ្គីសនី ព្រោះការរៀបចំតបណ្ដាញខ្សែភ្លើងមានតំណរច្រើនខុសបច្ចេកទេស។ បន្ទាប់ពីទទួលបាលព័ត៌មានកើតមានអគ្គិភ័យកម្លាំងនគរបាលបានចេញអន្តរាគមន៍ពន្លត់ ប៉ុន្តែមិនអាចទប់ស្កាត់ទាន់ពេលទើបបណ្តាលឱ្យឆេះអស់គ្មានសល់ និងបាញ់ទឹកស្កាត់ដើម្បីកុំរាលដាលទៅផ្ទះក្បែរៗនោះទៀត ។

បច្ចុប្បន្ន អាជ្ញារមូលដ្ឋានបានចុះសាកសួរសុខទុក្ខ និងចូលរួមការសោកស្តាយចំពោះហេតុការណ៍ដ៏អាក្រក់ដែលកើតឡើងក្នុងអំឡុងពេលកើតមានការរីករាលដាលជំងឺកូវីដ-១៩ តែម្តង ។

អត្ថបទ ៖ ភួង រដ្ឋា