ព័ត៌មានជាតិ
ប្រធានមន្ទីរសុខាភិបាលខេត្តស្វាយរៀង ប្រាប់ពីមូលហេតុនាំឱ្យខេត្តឆ្លងជំងឺកូវីដ១៩ កើនឡើង
គិតត្រឹមព្រឹកថ្ងៃទី២៦ ខែមិថុនា នេះ ខេត្តស្វាយរៀងមានអ្នកឆ្លងជំងឺកូវីដ១៩បានកើនឡើងជិត២ពាន់នាក់ហើយ និងមានអ្នកស្លាប់ជិត២០នាក់ ដែលជាតួលេខមួយខ្ពស់បើធៀបទៅនឹងបណ្តាខេត្តផ្សេងៗទៀតនៃប្រទេសកម្ពុជា។
លោកបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានមានប្រសាសន៍នៅរសៀលថ្ងៃទី២៦ ខែមិថុនា ថា មានកត្តាមួយចំនួនដែលនាំឱ្យស្ថានភាពការឆ្លងរាលដាលជំងឺកូវីដ១៩នៅខេត្តស្វាយរៀងមិនមានការថមថយនៅឡើយ ហើយកក្តាដែលចម្បងជាងគេ គឺមានក្រុមកម្មកររោងចក្រមួយចំនួនមិនព្រមយកសំណាកនៅតាមរោងចក្រ និងមិនព្រមធ្វើចត្តាឡីស័កនៅក្នុងរោងចក្រដោយពួកគាត់ ចេញពីរោងចក្រធ្វើដំណើរទៅផ្ទះ ហើយបានចម្លងជំងឺកូវីដ-១៩ ចូលក្នុងក្រុមគ្រួសារនិងសហគមន៍។
លោកបណ្ឌិតបានបន្តថា«ការកើនឡើងនៃអ្នកជំងឺកូវីដ១៩ គឺបណ្តាលមកពីក្រុមកម្មករដែលគាត់មិនបានធ្វើចត្តាឡីស័កនៅតាមរោងចក្រទេ ដោយមកធ្វើនៅតាមផ្ទះហើយការធ្វើរបស់គាត់មិនបានល្អត្រឹមត្រូវតាមការណែនាំរបស់ក្រសួងសុខាភិបាល ទើបបណ្តាលឱ្យចម្លងចូលដល់សហគមន៍ជាបន្តបន្ទាប់ ឥឡូវចំនួនជំងឺកូវីដកាន់តែច្រើននៅគ្រប់ស្រុកក្រុងទាំងអស់នៅក្នុងខេត្តស្វាយរៀង»។
លោកបណ្ឌិតបានបន្តទៀតថា ក្រៅពីនេះការអនុវត្តរក្សាគម្លាតសុវត្តិភាពនៅមិនទាន់បានត្រឹមត្រូវតាមគោលការណ៍ណែនាំនៅឡើយទេ ដោយបងប្អូនកម្មករកម្មការិនីយើងតែងតែធ្វើដំណើរទៅមករោងចក្រ សហគ្រាសដោយប្រើមធ្យោបាយរួមគ្នា ជិះប្រមូលផ្ដុំរួមគ្នាច្រើន ។ កត្តាពលករខ្មែរមួយចំនួនបានវិលត្រឡប់មកពីប្រទេសថៃ ដោយពួកគាត់យកជំងឺកូវីដ-១៩ មកជាមួយ និងកត្តាការមិន គោរពតាមវិធានការសុខាភិបាល និងវិធានការ ៣កុំ ៣ការពារ របស់សម្តេចតេជោ ហ៊ុន សែន ជាដើម។
លោកបណ្ឌិត កែរ រដ្ឋា បានបានធ្វើការអំពាវនាវដល់ប្រជាពលរដ្ឋពិសេសបងប្អូនកម្មករកម្មការិនីរោងចក្រសូមយកសំណាកនិងធ្វើចត្តាឡីស័កនៅក្នុងរោងចក្រផ្ទាល់ ជាជាងទៅធ្វើនៅតាមផ្ទះដែលនាំឱ្យមានការឆ្លងរាលដាលជំងឺកូវីដកាន់តែខ្លាំងដោយសារការធ្វើចត្តាឡីស័ករបស់បងប្អូនមិនបានល្អ។
លោកបណ្ឌិតបានបញ្ជាក់ថា «បើបងប្អូនធ្វើចត្តាឡីស័កនៅក្នុងរោងចក្រ បងប្អូនអាចមានការលំបាកតែម្នាក់ឯងក្នុងរយៈពេលខ្លី ដោយមិននាំទុក្ខដល់ក្រុមគ្រួសារឪពុកម្តាយប្តីប្រពន្ធ និងកូនចៅព្រមទាំងសហគមន៍ទាំងមូលនោះឡើយ តែបើបងប្អូនទៅធ្វើនៅផ្ទះមិនបានត្រឹមត្រូវ នឹងនាំមេរោគទៅចម្លងក្នុងក្រុមគ្រួសារនាំលំបាកទាំងអស់គ្នា»៕
អត្ថបទ ៖ សំអឿន
-
ព័ត៌មានអន្ដរជាតិ៦ ថ្ងៃ agoលោក Vance ថា ការចរចាជាមួយអ៊ីរ៉ង់ រីកចម្រើនខ្លះៗហើយ
-
ព័ត៌មានអន្ដរជាតិ៦ ថ្ងៃ agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ៧ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
សន្តិសុខសង្គម៥ ថ្ងៃ agoសង្ស័យភ្លើងប្រច័ណ្ឌ ស្រីស្រលាញ់ស្រីយកកាំបិតចុងស្រួចអារកជនរងគ្រោះបណ្ដាលឲ្យស្លាប់ រួចរត់គេចខ្លួនបានជាង៧ម៉ាង
-
កីឡា៣ ថ្ងៃ agoក្រុមកីឡាបាល់បោះ បាល់ទាត់លើតុ រីករាយចំពោះការចូលរួមកាន់តែច្រើនពីវិស័យឯកជនមកលើកីឡានៅកម្ពុជា
-
ព័ត៌មានអន្ដរជាតិ៧ ថ្ងៃ agoកាតព្វកិច្ចយោធានៅវៀតណាម៖ វិន័យដែក និងទណ្ឌកម្មធ្ងន់ធ្ងរ សម្រាប់អ្នកគេចវេះ
-
ព័ត៌មានជាតិ៣ ថ្ងៃ agoផ្លូវបុរាណចំនួន ៧ ខ្សែ អ្នកស្រាវជ្រាវរកឃើញសាងសង់ភ្ជាប់ពីរាជធានីអង្គរទៅតំបន់ឆ្ងាយៗដែនដីអាណាចក្រខ្មែរ
-
ព័ត៌មានជាតិ៧ ថ្ងៃ agoក្រសួងសាធារណការ ផាកពិន័យរថយន្ដដឹកទំនិញ២គ្រឿងចំនួន ៣១លានរៀល ក្រោយរកឃើញការដឹកលើសទម្ងន់កំណត់