ខេត្តព្រៃវែងបន្តរកឃើញអ្នកឆ្លងកូវីដថ្មី ៤៥នាក់ បន្ថែម

អាជ្ញាធរខេត្តព្រៃវែងនៅថ្ងៃទី២៨ ខែមិថុនា នេះ បានប្រកាសរកឃើញអ្នកឆ្លងជំងឺកូវីដ-១៩ ថ្មីចំនួន​៤៥នាក់ បន្ថែម ដែលជាករណីឆ្លងក្នុងព្រឹត្តិការណ៍សហគមន៍២០កុម្ភៈ ក្នុងស្រុកចំនួន៨ និង​មកពី​បណ្ដាខេត្តផ្សេងចំនួន២ករណី។

រដ្ឋបាលខេត្តបញ្ជាក់ថា ស្រុកទាំង៨ដែលរកឃើញករណីឆ្លងជំងឺកូវីដទាំងនេះមាន ស្រុកស្វាយអន្ទរ ១៤នាក់ ស្រុកពាមរក៍ ៩នាក់ ស្រុកមេសាង៨នាក់ ស្រុកព្រះស្ដេច៥នាក់ ស្រុកកញ្ចៀច៣នាក់ ស្រុក​ពារាំង២នាក់ កំពង់ត្របែក១នាក់ ខេត្តស្វាយរៀង១នាក់ មកពីខេត្តកណ្ដាល១នាក់។

អ្នកជំងឺទាំង៤៥នាក់ ត្រូវបានក្រុមគ្រូពេទ្យដាក់ឲ្យសម្រាកព្យាបាលនៅមន្ទីរពេទ្យបង្អែកខេត្ត និងនៅ​តាម​មន្ទីរពេទ្យស្រុក​របស់​ពួកគេនីមួយៗ។

គិតត្រឹមថ្ងៃទី២៨ ខែមិថុនា ឆ្នាំ២០២១ ខេត្តព្រៃវែងមានឆ្លងជំងឺកូវីដ-១៩ សរុប១,៤៨៨នាក់ ព្យាបាល​ជា​សះស្បើយចំនួន៩៨១នាក់ កំពុងសម្រាកព្យាបាលចំនួន៤៨៣នាក់ និងស្លាប់២៤នាក់៕

អត្ថបទ ៖ សុខុម

​​