ព័ត៌មានជាតិ

តាមប្រមាញ់ជាង១ខែ ទើបចាប់ខ្លួនបានមុខសញ្ញាស្ពាយថ្នាំញៀនដើរលក់

បានផុស

៤ years មុន

នៅ

ថ្ងៃពុធ ៧ កក្កដា ២០២១

ដោយ

បាត់ដំបង ៖ នេះជាលើកទី ២ហើយ ដែលកម្លាំងសមត្ថកិច្ចមូលដ្ឋានបានតាមប្រមាញ់មុខសញ្ញាជួញដូរថ្នាំងញៀនដ៏សកម្មម្នាក់ ទម្រាំចាប់ខ្លួនបាន បន្ទាប់ពីលើកទី១ត្រូវបរាជ័យ។

លោក កែវ វិបុល មេប៉ុស្តិ៍នគរបាលរដ្ឋបាលស៊ុង បានបញ្ជាក់ថា ការតាមប្រមាញ់រហូតឃាត់ខ្លួនបានមុខសញ្ញាជួញដូរដ៏សកម្មនេះគឺបានធ្វើឡើងកាលពីវេលាម៉ោង៧ និង៣០ នាទីយប់ ថ្ងៃទី៦ ខែកក្កដា ឆ្នាំ២០២១ ត្រង់ចំណុចភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង។

លោកមេប៉ុស្តិ៍បានបន្តថា ជនសង្ស័យដែលឃាត់ខ្លួនបានមានចំនួន២នាក់ ដែលមានឈ្មោះ តាំង ធានសេង ភេទប្រុស អាយុ ៤២ ឆ្នាំ រស់នៅភូមិឆករកា ឃុំសំឡូត និងឈ្មោះ អឿន សុខ ភេទប្រុស អាយុ ៣២ ឆ្នាំ រស់នៅភូមិកញ្ចាំង ឃុំស៊ុង។

នៅក្នុងកិច្ចប្រតិបត្តិការនេះសមត្ថកិច្ចបានដកហូតវត្ថុតាងមួយចំនួនរួមមាន ថ្នាំញៀនប្រភេទម៉ាទឹកកកចំនួន៣ថង់ មានទម្ងន់ ៧៥ ក្រាម ទូរស័ព្ទដៃ១គ្រឿង និងម៉ូតូ១គ្រឿង។ បច្ចុប្បន្ននេះសមត្ថកិច្ចនៃអធិការដ្ឋាននគរបាលស្រុកសំឡូតកំពុងបញ្ជូលទៅកាន់ការិយាល័យជំនាញនៃស្នងការដ្ឋាននគរបាលខេត្តហើយ ដើម្បីចាត់ការបន្ត៕

ដោយ ៖ សោ និយមរ័ត្ន