ព័ត៌មានជាតិ

ខេត្តស្ទឹងត្រែង រកឃើញអ្នកឆ្លងកូវីដ១៩ ចំនួន១៥នាក់ និងមានអ្នកជាសះស្បើយ៥៥នាក់

បានផុស

៥ years មុន

នៅ

ថ្ងៃចន្ទ ១២ កក្កដា ២០២១

ដោយ

រដ្ឋបាលខេត្តស្ទឹងត្រែង ចេញសេចក្តីប្រកាសព័ត៌មានស្តីពីករណីរកឃើញអ្នកវិជ្ជមានជំងឺកូវីដ-១៩ ចំនួន១៥នាក់បន្ថែមទៀត ពាក់ព័ន្ធព្រឹត្តិការណ៍២០កុម្ភៈ គិតត្រឹមម៉ោង ៥:០០ នាទីរសៀលថ្ងៃទី ១១ខែកក្កដានេះ និងមានអ្នកជាសះស្បើយចំនួន ៥៥នាក់។

ក្រុមគ្រូពេទ្យបញ្ជាក់ថា អ្នកវិជ្ជមានកូវីដ១៩ ខាងលើ ធ្លាប់បានប៉ះផ្ទាល់ជាមួយអ្នកវិជ្ជមាន ដែលក្រុមគ្រូពេទ្យរកឃើញកន្លងមក រហូតមកដល់ថ្ងៃទី១១កក្កដានេះ បានធ្វើតេស្តសំណាក រកឃើញវិជ្ជមានកូវីដ១៩ ចំនួន១៥នាក់។

រដ្ឋបាលខេត្តស្ទឹងត្រែងសង្ឃឹមយ៉ាងមុតមាំ ចំពោះបងប្អូនប្រជាពលរដ្ឋទាំងអស់ត្រូវ ចូលរួមអនុវត្តវិធានការសុខាភិបាល ៣ការពារ ៣កុំ ឲ្យបានខ្ជាប់ខ្ជួនគ្រប់ៗគ្នាជាពិសេស គឺការពាក់ម៉ាស និងលាងសំអាតដៃនិងអាកុល ឬសាប៊ូជាប់ជាប្រចាំ និងរក្សាគម្លាតសុវត្ថិភាព។ គ្រូពេទ្យជំនាញបញ្ជាក់ថា:អ្នកជាសះស្បើយទាំង៥៥នាក់ ត្រូវបានអនុញ្ញាតឲ្យចេញពីមណ្ឌលព្យាបាលចត្តាឡីស័កថ្នាក់ខេត្ត និងត្រូវបន្ដធ្វើចត្តាឡីស័កនៅផ្ទះដោយខ្លួនឯងរយៈពេល១៤ថ្ងៃ បន្ថែមទៀត។

គិតត្រឹមម៉ោង ៥:០០នាទីរសៀលថ្ងៃទី១១ខែកក្កដា ឆ្នាំ ២០២១ នេះ នៅក្នុងខេត្តស្ទឹងត្រែង រកឃើញអ្នកវិជ្ជមានជំងឺកូវីដ-១៩ សរុបចំនួន៤២០ នាក់ ព្យាបាលជាសះស្បើយ សរុបចំនួន១១២នាក់ ស្លាប់គ្មាន និងកំពុងសម្រាកព្យាបាល ៣០៨នាក់៕

អត្ថបទ៖ ងិនលីម