ព័ត៌មានជាតិ
ខេត្តកោះកុងធ្វើតេស្តរកជំងឺកូវីដ-១៩ទ្រង់ទ្រាយធំដល់ថ្នាក់ដឹកនាំ និងមន្ត្រីរាជការ
រដ្ឋបាលខេត្តកោះកុងបានចាប់ផ្តើមធ្វើតេស្តរកមេរោគកូវីដ-១៩ ទ្រង់ទ្រាយធំដល់ថ្នាក់ដឹកនាំ និងមន្ត្រីរាជការតាមបណ្តាមន្ទីរ អង្គភាព ជុំវិញខេត្តសរុបចំនួន៣១អង្គភាព ចាប់ពីថ្ងៃទី១៩ ខែកក្កដា ឆ្នាំ២០២១នេះតទៅ ដើម្បីចូលរួមទប់ស្កាត់ការឆ្កងរីករាលដាលជំងឺកូវីដ-១៩។
លោកស្រី មិថុនា ភូថង អភិបាលខេត្តកោះកុង បានឱ្យដឹងនៅក្នុងសេចក្តីជូនដំណឹងថា ដើម្បីចូលរួមចំណែកក្នុងការទប់ស្កាត់ការឆ្លងរីករាលដាលជំងឺកូវីដ-១៩ រដ្ឋបាលខេត្តកោះកុងសុំស្នើដល់លោកលោកស្រីប្រធានមន្ទីរ អង្គភាពជុំវិញខេត្ត និងមន្ត្រីក្រោមឱវាទអញ្ជើញទៅធ្វើតេស្តរករោគកូវីដ-១៩ តាមការបរិច្ឆេទ និងទីតាំងដែលបានកំណត់ លើកលែងតែមន្ទីរអប់រំយុវជន និងកីឡាខេត្ត មន្ទីរសុខាភិបាលនៃរដ្ឋបាលខេត្ត និងសាលាខេត្តត្រូវយកសំណាកនៅអង្គភាពផ្ទាល់។
លោក ស្រី អភិបាលខេត្តបានបន្តថា ការធ្វើតេស្តរកមេរោគកូវីដ-១៩ នេះចាប់ពីវេលាម៉ោង៨ព្រឹករហូតដល់ម៉ោង៣ រសៀលរៀងរាល់ថ្ងៃ នៅទីតាំងវិទ្យាល័យចំណេះទូទៅ និងបច្ចេកវិទ្យាសាស្រ្តតេជោសែន កោះកុង និងកន្លែងរៀបអាពាហ៍ពិពាហ៍តារីតុការ ដែលមានទីតាំងនៅខាងនៅក្រោយវត្តទេពនិមិត្តហៅវត្តថ្មី។
គួរបញ្ជាក់ថាការធ្វើតេស្តលើមន្ត្រីរាជការនេះ អគ្គស្នងការដ្ឋាននគរបាលជាតិក្នុង១សប្តាហ៍ធ្វើតេស្តម្តង ជាមួយគ្នានេះស្នងការរាជធានីខេត្ត និងមន្ត្រីរាជការក្រសួងមហាផ្ទៃជាដើម ក៏តម្រូវឱ្យមន្ត្រីរាជការស្ថាប័នរបស់ខ្លួនតាមដាន និងធ្វើតេស្តរកមេរោគកូវីដនេះផងដែរ៕
អត្ថបទ៖ សំអឿន
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)