ព័ត៌មានជាតិ

ថ្ងៃបើកយុទ្ធនាការថ្ងៃដំបូង ខេត្តព្រះសីហនុចាក់វ៉ាក់សាំងដល់កុមារបានជិត៥ពាន់នាក់

បានផុស

៥ years មុន

នៅ

ថ្ងៃចន្ទ ២ សីហា ២០២១

ដោយ

លោក ឃាង ភារម្យ អ្នកនាំពាក្យសាលាខេត្តព្រះសីហនុ មានប្រសាសន៍នៅរសៀលថ្ងៃទី ០២ ខែសីហានេះថា នៅក្នុងថ្ងៃបើកយុទ្ធនាការ ក្រុមគ្រូពេទ្យបានចាក់វ៉ាក់សាំងចាក់វ៉ាក់សាំងជូនកុមារ និងយុវវ័យ ដែលមានអាយុចាប់ពី១២ឆ្នាំ រហូតដល់ក្រោម១៨ឆ្នាំនៅតាមមណ្ឌលចាក់វ៉ាក់សាំងទាំង០៩ទីតាំងនៅក្នុងស្រុកចំនួន៥បានចំនួន៤,៧១៦នាក់ស្រី២,៤៥០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ក្នុងចំណោម៤,៧១៦នាក់ ក្នុងនោះស្រុកកំពង់សិលាមាន២ទីតាំងចាក់បានចំនួន៧៣០នាក់ស្រី៣៦៧នាក់ ស្រុកស្ទឹងហាវមាន១ទីតាំងចាក់បាន៨៧០នាក់ ស្រី៤៣៤នាក់ ស្រុកព្រៃនប់ មាន៣ទីតាំងចាក់បាន១,២០២នាក់ ស្រី៦២១នាក់ ក្រុងកោះរុង មាន១ទីតាំងចាក់បាន៣៣៥នាក់ ស្រី១៤៩នាក់និងក្រុងព្រះសីហនុមាន២ទីតាំង ចាក់បាន១,៥៧៩នាក់ស្រី៨៧៩នាក់។

លោកបានបន្តថា មាតាបិតា អាណាព្យាបាល និងយុវវ័យទាំងឡាយបានបង្ហាញភាពកក់ក្តៅ និងថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់លើសុខទុក្ខរបស់ប្រជាជន ពីសំណាក់សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជាដែលបានស្វែងរកវ៉ាក់សាំងចាក់ជូនប្រជាពលរដ្ឋដោយមិនគិតថ្លៃ ដើម្បីបង្កើនភាពស៊ាំទប់ទល់នឹងការឆ្លងរាលដាលជំងឺកូវីដ-១៩។

លោក គួច ចំរើន អភិបាលនៃគណៈអភិបាលខេត្តព្រះសីហនុ បានអំពានាវដល់មាតាបិតា និងអ្នកអាណាព្យាបាលកុមារ និងយុវវ័យដែលមានអាយុចាប់ពី១២ឆ្នាំ ដល់ក្រោម១៨ឆ្នាំសូមនាំកូនចៅរបស់ខ្លួនមកទទួលវ៉ាក់សាំងការពារជំងឺកូវីដ-១៩ ឱ្យបានគ្រប់គ្នាៗ។

ទន្ទឹមនេះលោកអភិបាលខេត្ត ក៏បានក្រើនរំលឹកដល់បងប្អូនប្រជាពលរដ្ឋគ្រប់គ្នា ត្រូវចូលរួមអនុវត្តឱ្យបានខ្ចប់ខ្ជួន នូវវិធានការនានារបស់ក្រសួងសុខាភិបាល និងគោលការណ៍ ៣.ការពារ ៣.កុំ របស់សម្តេចតេជោ ហ៊ុនសែន ដើម្បីកាត់ផ្តាច់ការឆ្លងរាលដាលជំងឺកូវីដ-១៩ ក្នុងសហគមន៍របស់យើង។

យុទ្ធនាការចាក់វ៉ាក់សាំងជូនកុមារ និងយុវវ័យ ដែលមានអាយុចាប់ពី១២ឆ្នាំរហូតដល់ក្រោម១៨ឆ្នាំនៅខេត្តព្រះសីហនុមានរយៈពេល១០ថ្ងៃ គឺចាប់ពីថ្ងៃទី០១រហូតដល់ថ្ងៃទី១០ខែសីហា ឆ្នាំ២០២១ ដែលបានដំណើរការព្រមគ្នាទាំង០៩ទីតាំង ក្នុងក្រុងស្រុកទាំង០៥ នៃខេត្តព្រះសីហនុ។

គួរបញ្ជាក់ថា រដ្ឋាភិបាលបានបើកយុទ្ធនាការចាក់វ៉ាក់សាំងជូនកុមារ និងយុវវ័យដែលមានអាយុចាប់ពី១២ឆ្នាំ រហូតដល់ក្រោម១៨ឆ្នាំ ដល់រាជធានីខេត្តចំនួន៤រួមមានរាជធានីភ្នំពេញ ខេត្តកណ្តាល ព្រះសីហនុនិងខេត្តកោះកុង៕

អត្ថបទ ៖ សំអឿន

Related Topics:រដ្ឋបាលខេត្តព្រះសីហនុ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា