ព័ត៌មានជាតិ

ប្រជាពលរដ្ឋដើរឃ្វាលគោ ប្រទះឃើញសពអណ្ដែតទឹក

បានផុស

៤ years មុន

នៅ

ថ្ងៃអង្គារ ២៤ វិច្ឆិកា ២០២០

ដោយ

បន្ទាយមានជ័យ ៖ ប្រជាពលរដ្ឋដើរឃ្វាលគោស្រាប់តែ ប្រទះឃើញសពអណ្ដែតក្នុងទឹក តែបើតាមការអះអាងរបស់ម្តាយសពថាសពនេះជាមនុស្សញៀនស្រាប្រជាពលរដ្ឋប្រទះឃើញសពនៅវេលា ម៉ោង ៤រសៀល ថ្ងៃទី ២៤ ខែ វិច្ឆិកា ឆ្នាំ ២០២០ នៅចំណុចខាងជើង វត្តបឹងត្រកួន ស្ថិតក្នុងភូមិត្រពាំងសំរោង ឃុំគោករមៀត ស្រុកថ្មពួក ខេត្តបន្ទាយមានជ័យ។

សមត្ថកិច្ចបានប្រាប់អ្នកយកព័ត៌មានឲ្យដឹងបន្តទៀតថា សពជនរងគ្រោះមានឈ្មោះចាន់ កំសាន ភេទប្រុស អាយុ៤០ឆ្នាំ រស់នៅភូមិត្រពាំងសំរោង ឃុំគោករមៀត ស្រុកថ្មពួក ខេត្តបន្ទាយមានជ័យ។

សមត្ថកិច្ចបានបញ្ជាក់ទៀតថា តាមការបំភ្លឺពីម្ដាយសពបានឲ្យដឹងថា សពជាមនុស្សញៀនស្រា ផឹកជាប្រចាំ មិនហូបបាយ មុនពេលស្លាប់ ដើរបាត់ពីផ្ទះ៤ថ្ងៃទើប ប្រជាពលរដ្ឋដើរឃ្វាលគោប្រទះឃើញសពអណ្ដែតក្នុងទឹកហើយបានរាយការណ៍ជូនសមត្ថកិច្ចឲ្យចុះមកពិនិត្យសពក្រោយពីទទួលបានព័ត៌មានភ្លាមកម្លាំងជំនាញ និងកម្លាំងប៉ុស្តិ៍ សហការជាមួយគ្រូពេទ្យ ភូមិ ឃុំ ចុះដល់កន្លែងកើតហេតុ ធ្វើការត្រួតពិនិត្យសព ហើយបានធ្វើការសន្និដ្ឋានថា សពនេះស្លាប់ដោយសារលង់ទឹកពិតប្រាកដគ្មានជាប់ពាក់ព័ន្ធនិងអំពើឃាតកម្មទេព្រោះសំអាងថា នៅលើខ្លួនសព ពុំមានស្លាកស្នាមអ្វីគួរឲ្យកត់សម្គាល់ឡើយ ក្រោយពីពិនិត្យរួចសមត្ថកិច្ចបានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
ដោយ ៖ វ៉ាន់ ណាង

Related Topics: