ព្រឹកនេះ​ប្រកាស​បិទ​កំណាត់ផ្លូវ ១១៣ ក្នុង​ខណ្ឌ​៧មករា​ មានពាក់ព័ន្ធអ្នក​ឆ្លង​កូវីដ​ដែល​តា

អាជ្ញាធរ​រាជធានី​ភ្នំពេញ បាន​ចេញ​សេចក្តីជូនដំណឹង​ពីការ​បិទ​ខ្ទប់​កំណាត់​ផ្លូវ​លេខ ១១៣​ ចន្លោះ​ផ្លូវ​លេខ ២៣២ និង​ផ្លូវ​លេខ ២៤២ ស្ថិតនៅ​ភូមិ ២ សង្កាត់បឹងព្រលិត ខណ្ឌ៧មករា​រយៈ​ពេល ១៤ ថ្ងៃ ចាប់ពីថ្ងៃ ០៥ សីហា​ដល់​ថ្ងៃ ១៨ សីហា​ឆ្នាំ​២០២១ ដែល​មាន​ការ​ឆ្លង​រាលដាល​​មេរោគ​បំប្លែង​ខ្លួន​ថ្មី​ដែល​តា (Delta)។

ក្នុងអំឡុងពេលនៃការអនុវត្តវិធានការបិទខ្ទប់ ត្រូវបានហាមឃាត់រាល់ការចេញ-ចូល និងរាល់ការជួបជុំ ឬ ការប្រមូលផ្តុំមនុស្ស ក្នុងទីតាំងខាងលើ លើកលែងតែករណីចំបាច់ ដូចខាងក្រោម ៖

– ការចេញ-ចូល ដោយមូលហេតុសុខភាពបន្ទាន់
– ការចេញ-ចូល ដើម្បីផ្តល់វត្ថុសំណាកធ្វើតេស្ដរកជំងឺកូវីដ-១៩ តាមការណែនាំរបស់អាជ្ញាធរមូលដ្ឋាន
– ការវិលត្រឡប់ទៅលំនៅឋាន ឬ ទីសំណាក់របស់ខ្លួនវិញរបស់បុគ្គលដែលបានបញ្ចប់ការធ្វើចត្តាឡីស័ក និង អ្នកជំងឺចេញពីមន្ទីរពេទ្យ ឬ កន្លែងសម្រាកព្យាបាល ចូលក្នុងទីតាំងបិទខ្ទប់ ដោយមានការសម្របសម្រួល របស់អាជ្ញាធរមានសមត្ថកិច្ច
– ការចេញ-ចូល និងការជួបជុំរបស់បុគ្គលិកសុខាភិបាល និងអាជ្ញាធរមានសមត្ថកិច្ច ដើម្បីអនុវត្តវិធានការ សុខាភិបាល ក្នុងការស្រាវជ្រាវ ទប់ស្កាត់ និងកាត់ផ្ដាច់ការឆ្លងរាលដាលនូវមេរោគបំប្លែងខ្លួនថ្មី ប្រភេទដែលតា (Delta) នៅក្នុងសហគមន៍
– ការចេញ-ចូល និងការជួបជុំរបស់អាជ្ញាធរមានសមត្ថកិច្ច ដើម្បីផ្គត់ផ្គត់គ្រឿងឧបភោគ-បរិភោគចាំបាច់ក្នុងអំឡុងពេលបិទខ្ទប់
– ការចេញ-ចូល និងការជួបជុំរបស់អាជ្ញាធរមានសមត្ថកិច្ច និងកងកម្លាំងដើម្បី​ថែរក្សា សន្តិសុខ សណ្តាប់ធ្នាប់​ផ្សេងៗ៕