អាជ្ញាធរខណ្ឌដូនពេញរៀបចំមណ្ឌលចត្តាឡីស័ក វិទ្យាល័យវត្តភ្នំ សម្រាប់ពលករមកពីប្រទេសថៃ

​អាជ្ញាធរ​ខណ្ឌដូនពេញ​ក្រោយពី​ទទួលបាន​នូវ​បទបញ្ជា​របស់លោក ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ លោក សុខ ពេញ​វុ​ធ អភិបាល​នៃ​គណៈ​អភិបាល​ខណ្ឌដូនពេញ បាន​បញ្ជា​ឲ្យ​កម្លាំង​រៀបចំ​បន្ទប់ និង​ត្រៀម​អាហារ​ទុកជា​ស្រេច​សម្រាប់​បងប្អូន​ពលករ​មកពី​ប្រទេសថៃ​នៅក្នុង​មណ្ឌល​ចត្តា​ឡី​ស័ក​វិទ្យាល័យ ប៊ុនរ៉ានី ហ៊ុន សែន វត្តភ្នំ ។​

ទីតាំង​ដែល​បានរៀបចំ​នោះ​ គឺ​សម្រាប់​ឲ្យ​បងប្អូន​ពលករមក​ប្រទេសថៃ​ធ្វើ​ច​ត្តា​ឡេ​ស័ក ក្រោយពី​សំណាក់​នៅ​តំបន់​ជួរមុខ​និងបាន​បញ្ជូនមក​រាជធានី​។​

សូមបញ្ជាក់ថា មណ្ឌល​ច​ត្តា​ឡី​ស័ក​នៅ​វិទ្យាល័យ ប៊ុនរ៉ានី ហ៊ុនសែន វត្តភ្នំ ដែលមាន​ទីតាំង​ក្បែរ​គល់ស្ពាន​ជ្រោយចង្វារ​ត្រង់​ផ្លូវ​៤៧​ក្នុង​សង្កាត់​ស្រះចក ​ខណ្ឌដូនពេញ​រាជធានី​ភ្នំពេញ​ បានទទួល​បងប្អូន​ពល​ករ​មកពី​ថៃ​សរុប​ចំនួន១៤នាក់​ហើយ ដោយ​គិត​មកដល់​ព្រឹក​ថ្ងៃទី​០៩​ ខែសីហា​ ឆ្នាំ​២០២១​នេះ​៕​

អត្ថបទ ៖ រស្មី​