ព័ត៌មានជាតិ
រដ្ឋបាលខេត្តប៉ៃលិន ប្រកាស ទិញផ្លែមៀន ឬតាង៉ែន ពីកសិករទូទាំងខេត្តប៉ៃលិន ក្នុងតម្លៃទីផ្សារសមរម្យ
រដ្ឋបាលខេត្តប៉ៃលិន បានប្រកាសទិញផ្លែមៀន ឬតាង៉ែន ពីប្រជាកសិករទូទាំងខេត្តប៉ៃលិន ក្នុងតម្លៃទីផ្សារសមរម្យ ចាប់ពីថ្ងៃនេះតទៅ។ នេះបើតាមការប្រកាស របស់លោកស្រី បាន ស្រីមុំ អភិបាល នៃគណៈអភិបាលខេត្តប៉ៃលិន។
លោកស្រី បាន ស្រីមុំ បានសរសេរនៅលើទំព័រហ្វេសប៊ុក នៅយប់ថ្ងៃទី១៧ ខែសីហាថា អនុសាសន៍ណែនាំដ៏ខ្ពង់ខ្ពស់ របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធ បណ្ឌិត ប៊ុនរ៉ានី ហ៊ុនសែន ក្នុងការប្រមូលទិញ នូវកសិផលរបស់ប្រជាកសិករ គឺផ្លែមៀន, តាង៉ែន នៅតាមបណ្តាខេត្តជាប់ព្រំដែន កម្ពុជា-ថៃ ដែលកំពុងជួបបញ្ហាប្រឈម ក្នុងការនាំចេញទៅលក់នៅក្រៅប្រទេស ដែលបណ្តាលមកពីការ ឆ្លងរីករាលដាលនៃជំងឺកូវីដ-១៩ នៅតាមព្រំដែប្រទេសជិតខាង។
អភិបាលខេត្តប៉ៃលិន បានសរសេរបន្តថា សម្តេចទាំងទ្វេរ តែងតែគិតគូរដល់ជីវភាពរស់នៅ គួបផ្សំនិង វិធានការទប់ស្កាត់ការពារ សុខភាពកូនចៅរបស់សម្តេច ជាង១៦លាននាក់ គិតគ្រប់សព្វបែបយ៉ាងធ្វើម៉េចឲ្យតែកូនចៅ រស់នៅមានសេចក្តីសុខគ្រប់ៗគ្នា។
លោកស្រី បាន ស្រីមុំ បានសរសេរដោយជូនដំណឹងថា «រដ្ឋបាលខេត្តប៉ៃលិន សូមជម្រាបជូនដំណឹងដល់ប្រជាកសិករទូទាំងខេត្តប៉ៃលិន(កសិករដាំផ្ទាល់ មិនមែនឈ្មួញកណ្តាល) ឲ្យបានជ្រាបថា រដ្ឋបាលខេត្ត នឹងប្រកាសទិញផ្លែមៀន ឬតាង៉ែន ដោយតម្លៃមួយសមរម្យទីផ្សារ ចាប់ពីថ្ងៃជូនដំណឹងនេះតទៅ»។
ព័ត៌មានលំអិត សូមទំនាក់ទំនង តាមរយៈទូរស័ព្ទលេខ៖ 097 7821 268 / 097 7333 143
សូមជម្រាបថា សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា កាលពីថ្ងៃទី១៧ ខែសីហាម្សិលមិញ បានបញ្ជាឲ្យលោកនាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការបញ្ជាការដ្ឋានអង្គរក្ស និងជានាយករងខុទ្ទកាល័យ សម្តេចតេជោនាយករដ្ឋមន្ត្រី ប្រមូលទិញផ្លែមៀនរបស់កសិករ នៅតាមបណ្ដាខេត្ត ជាប់ព្រំដែនកម្ពុជា-ថៃ ដែលជួបបញ្ហានាំចេញទៅក្រៅប្រទេស។
ប្រជាកសិករដែលមាន ផល្លានុផល ផ្លែមៀន ឬតាង៉ែន សូមទាក់ទងមក ក្រុមការងាររបស់លោកនាយឧត្តមសេនីយ៍ ហ៊ីង ប៊ុនហៀង ចាប់ពីថ្ងៃទី១៨ ខែសីហា។ ទីកន្លែងទទួលទិញ ក្នុងសាលាខេត្តបាត់ដំបង ឬទំនាក់ទំនង តាមរយៈទូរស័ព្ទលេខ៖ទី១៖ លោក សេង ឌីលីន សមាជិកក្រុមលេខា របស់សម្ដេចតេជោ ហ៊ុន សែន ទូរស័ព្ទលេខ៖ 097 777 3737, ទី២៖ លោក ស៊ុន ម៉េងហៃ ទូរស័ព្ទលេខ៖ 088 903 7777៕ (ដោយ)៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង