ព័ត៌មានជាតិ

ឃាត់ខ្លួនអ្នកជួញដូរនិងប្រើប្រាស់គ្រឿងញៀន៣នាក់ ក្នុងក្រុងបាត់ដំបង

បានផុស

៥ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

មុខសញ្ញាជួញដូរថ្នាំញៀន រួមទាំងអ្នកទិញសរុបចំនួន៣នាក់ ត្រូវបានកម្លាំងជំនាញនៃអធិការក្រុងបាត់ដំបង ចូលក្រសោបបានក្នុងពេលតែមួយ ខណ:ពួកគេកំពុងលក់-ទិញ ដូចទិញត្រី។

កិច្ចប្រតិបត្តិការដែលដឹកនាំដោយវរសេនីយ៍ឯក ពេជ្រ សារ៉ែន បានប្រព្រឹត្តឡើងកាលពីថ្ងៃទី១៨ ខែសីហា ឆ្នាំ២០២១ វេលាម៉ោង៥និង២០នាទីល្ងាច នៅចំណុចភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាលទ្ធផលនៅក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យចំនួន៣នាក់ ទី១.ឈ្មោះ ស៊ឹម ចាន់ធី ហៅ លី ភេទស្រី អាយុ៤០ឆ្នាំ ស្នាក់នៅក្នុង ភូមិវត្តគរ សង្កាត់វត្តគរ ក្រុងបាត់ដំបង (អ្នកលក់ថ្នាំញៀន) ។ ២.ឈ្មោះ ពិន រ័ត្នធានី ហៅ ធំ ភេទប្រុស អាយុ ២៨ឆ្នាំ រស់នៅភូមិដំណាក់ហ្លួង សង្កាត់វត្តគរ ក្រុងបាត់ដំបង (អ្នកទិញថ្នាំញៀន) និង ៣.ឈ្មោះ ចាន់ សៅ ភេទប្រុស អាយុ ២២ឆ្នាំ រស់នៅភូមិអន្លង់ពួក ឃុំតាសាញ ស្រុកសំឡូត (អ្នកទិញថ្នាំញៀន) ។

សមត្ថកិច្ចបានដកហូតវត្ថុតាង រួមមាន គ្រឿងញៀនប្រភេទម៉ាទឹកកកចំនួន០៥កញ្ចប់ ទូរស័ព្ទដៃចំនួន៣ គ្រឿង កូនជញ្ជីងសម្រាប់ថ្លឹងថ្នាំញៀនលក់ចំនួន១ ថង់ប្លាស្ទិកសម្រាប់រំលែកច្រកថ្នាំញៀនលក់មួយចំនួន ។

ជនសង្ស័យខាងលើត្រូវបានកម្លាំងជំនាញ នៃអធិការដ្ឋាននគរបាលក្រុងបាត់ដំបង រៀបចំសំណុំរឿងដើម្បីបញ្ជូនទៅតាមនីតិវិធី ៕

អត្ថបទ ៖ សោ និយមរ័ត្ន

Related Topics: