ព័ត៌មានជាតិ

ពលករចំនួន៧នាក់ រួមនឹងមេខ្យល់ម្នាក់ ត្រូវបានសមត្ថកិច្ចឃាត់ជាប់នៅក្បែរអូរព្រំដែន

បានផុស

៥ years មុន

នៅ

ថ្ងៃចន្ទ ២៣ សីហា ២០២១

ដោយ

បាត់ដំបង ៖ មេខ្យល់ម្នាក់ត្រូវបានកម្លាំងវរការពារព្រំដែនឃាត់ខ្លួន ខណៈមេខ្យល់រូបនេះកំពុងនាំពលករខ្មែរបម្រុងឆ្លងដែនចូលទៅក្នុងទឹកដីថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី២៣ ខែសីហា ឆ្នាំ២០២១ វេលាម៉ោង១១ និង ៣០ នាទីថ្ងៃត្រង់ កម្លាំងនគរបាលវរសេនាតូចការពារព្រំដែនគោក៨១៧ប្រចាំប៉ុស្តិ៍ព្រំដែនគីឡូ១៣ បានសហការទប់ស្កាត់ពលករខ្មែរបំរុងឆ្លងដែនចូលទឹកដីថៃ តាមបន្ទាត់ព្រំដែន ក្រោមការដឹកនាំពីលោកវរសេនីយ៍ឯក ប្រាក់ សាយ មេបញ្ជាការវរសេនាតូចនគរបាលការពារព្រំដែនលេខ៨១៧បានដាក់បទបញ្ជាដល់កម្លាំងសហការជាមួយកម្លាំងយោធាផ្នែកសឹករងសំពៅលូន និង កម្លាំងយោធាវរសេនាតូច៥៣៣ បានធ្វើសកម្មភាពទប់ស្កាត់ពលករខ្មែរបំរុងលួចឆ្លងដែនចូលទឹកដីថៃ។

សមត្ថកិច្ចបានឲ្យដឹងថា ការឃាត់ខ្លួននេះគឺមានពលករខ្មែរចំនួន០៧នាក់ ក្នុងនោះស្រី០៤នាក់ និងឃាត់មុខសញ្ញានាំមនុស្សឆ្លងដែនដែន(មេខ្យល់)ចំនួន០១នាក់ ឈ្មោះ យឹម-ជឿន ភេទប្រុសអាយុ៣០ឆ្នាំមានទីលំនៅ ក្រុមទី០១ភូមិពោធិ៍ជ្រៃ ឃុំសេរីមានជ័យ ស្រុកសំពៅលូន ខេត្តបាត់ដំបង។

សមត្ថកិច្ចបានបញ្ជាក់បន្ថែមថា បន្ទាប់ពីកម្លាំងបានសាកសួរ និងធ្វើការអប់រំណែនាំរួច កម្លាំងបានប្រគល់ពលករខ្មែរទាំងអស់រួមទាំងមេខ្យល់ឲ្យទៅកម្លាំងនៃអធិការដ្ឋាននគរបាលស្រុកសំពៅលូនដើម្បីចាត់ការតាមនីតិវិធីបន្ត ដើម្បីបញ្ជូនខ្លួនមេខ្យល់ទៅកាន់តុលាការ៕

អត្ថបទ ៖ សោ និយមរ័ត្ន

Related Topics:ពលករខ្មែរ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា