ព័ត៌មានជាតិ

ពលរដ្ឋ ៩០គ្រួសារ មកពីស្រុកជីក្រែងនិងសូទ្រនិគម ទទួលពូជមាន់ ពីអង្គការGIZ

បានផុស

៥ years មុន

នៅ

ថ្ងៃសុក្រ ២៧ សីហា ២០២១

ដោយ

លោក ពៅ ពិសិដ្ឋ អភិបាលរងខេត្ត និងជាប្រធានគម្រោងធានាជីវភាពរស់នៅរបស់ប្រជាពលករមាតុភូមិនិវត្តដែលគ្មានការងារធ្វើ និងគ្រួសារងាយរងគ្រោះដែលរងផលប៉ះពាល់ដោយវិបត្តិកូវីដ១៩ នៅក្នុងខេត្តសៀមរាប តំណាង លោក ទៀ សីហា អភិបាល នៃគណៈអភិបាលខេត្តសៀមរាប បានប្រគល់ពូជមាន់ ដល់ប្រជាពលរដ្ឋដែលជួបការលំបាក រងផលប៉ះពាល់ដោយវិបត្តិកូវីដ ៩០គ្រួសារ នៅស្រុកជីក្រែង និងស្រុកសូទ្រនិគម កាលពីថ្ងៃទី២៦ ខែសីហា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលរងខេត្តបានបញ្ជាក់ដែរថា សម្រាប់គម្រោងនេះ ត្រូវអនុវត្តនៅស្រុកគោលដៅចំនួន ៣ គឺស្រុកសូទ្រនិគម ស្រុកជីក្រែង និងស្រុកស្វាយលើ លើការផ្គត់ផ្គង់ជូនដល់ប្រជាពលរដ្ឋចំនួន ៦០០ គ្រួសារ ដែរជួបការលំបាក និងរងផលប៉ះពាល់ដូចជាការចិញ្ចឹមត្រី ចិញ្ចឹមមាន់ កង្កែប និងដាំបន្លែ។

លោកបានបន្តទៀតថា គម្រោងនេះមានរយៈពេលអនុវត្តត្រឹមតែរយៈពេល៤ខែ ចាប់ពីខែសីហា ដល់ខែវិច្ចិកា ឆ្នាំ២០២១ ក្រោមជំនួយរបស់សាធារណរដ្ឋសហព័ន្ធអាល្លឺម៉ង់ តាមរយៈអង្គការGIZ ៕