ព័ត៌មានជាតិ
គម្រោងកែច្នៃផ្លែមៀនទៅជាដំណាប់ និងភេសជ្ជៈ របស់ស្ថាបនិកមីល្ពៅ ត្រូវការទុនចន្លោះពី ៣ម៉ឺនដុល្លារទៅ ៥០ម៉ឺនដុល្លារ
ស្ថាបនិកសិប្បកម្មផលិតមីល្ពៅខ្មែរបាត់ដំបង កាលពីពេលថ្មីៗ នេះ បានប្រកាសស្វែងរកអ្នកបណ្ដាក់ទុន ដើម្បីកែច្នៃផ្លែមៀនទៅជាដំណាប់ និងភេសជ្ជៈសម្រាប់លក់ចេញនៅលើទីផ្សារ ខណៈគម្រោងគឺត្រូវការដើមទុនប្រមាណ ៣ ម៉ឺនដុល្លារ ប៉ុន្តែបើទៅជារោងចក្រធំប្រមាណ ៥០ ម៉ឺនដុល្លារ ។
លោក វ៉ាន់ គិមវ៉ាង អាយុ ២៦ ឆ្នាំ ជាម្ចាស់សិប្បកម្មមីល្ពៅខ្មែរបាត់ដំបង បានប្រាប់កម្ពុជាថ្មី នៅថ្ងៃទី ២៧ ខែសីហានេះថា ក្រោយពីការបង្ហើបពីគម្រោងច្នៃផ្លែមៀន ក្នុងពេលដែលផ្លែមៀនកំពុងកកស្ទះ មានការគាំទ្រ ពីប្រជាពលរដ្ឋភាគច្រើន ជំរុញឱ្យរូបលោក បង្កើតចេញជារូបរាង ដោយពួកគាត់ព្យាយាមជំរុញការចែករំលែក (Share) ឱ្យបានច្រើន ដើម្បីគេបានឃើញ ដើម្បីឱ្យមានការចាប់អារម្មណ៍ច្រើន ហើយបើវាផុសផុលច្រើនគេចាប់ផ្ដើមគិតឡើងវិញដើម្បីពិចារណាក្នុងការដាក់ទុន។
លោក វ៉ាន់ គិមវ៉ាង បញ្ជាក់ថា លោកក៏មិនជំរុញឱ្យអ្នកដាក់ទុនដាក់មកតែជាមួយរូបលោកដែរ សំខាន់ឱ្យតែបានជួយដោះសម្រាយបញ្ហាកកស្ទះមៀនរបស់កសិករ។ ហើយថា ប្រសិនបើមានការគាំទ្រផុសផុល នឹងឭដល់អ្នកដែលមានទុន នឹងតាមស្វែងរកលោកធ្វើគម្រោងនេះឱ្យដើរទៅមុខ។
លោកបង្ហើបប្រាប់ថា បច្ចុប្បមានអ្នកចង់ចូលដាក់ទុនខ្លះៗ ហើយ ប៉ុន្តែអ្នកចូលទាំងនោះ មិនទាន់ពិតប្រាដកជាមួយលោកទេ។
បើតាមយុវជនរូបនេះ ដើម្បីអាចសម្រេចគម្រោងកែច្នៃផ្លែមៀនបានទៅជាសហគ្រាសធុនតូច គឺត្រូវការដើមទុនប្រមាណ ៣ ម៉ឺនដុល្លារ ប៉ុន្តែបើទៅជារោងចក្រធំប្រមាណ ៥០ ម៉ឺនដុល្លារ ខណៈដែលោកបានចេះ ដឹង នឹងអាចកែច្នៃបានទៅជាផលិតផល ៤ ប្រភេទចេញពីមៀន ដូចជាទាក់ទង នឹងមៀនសម្ងួត ដែលគ្មានសំបក ទីពីរ មៀនសម្ងួតមានសំបកផង មានគ្រាប់ផង ទី៣ បែបជាភេសជ្ជៈ ដោយយកផ្លែទៅកិនឱ្យម៉ដ្ឋ ហើយប្រភេទមួយទៀត គឺមៀនដែលមានសាច់ យើងទទួលទានខាងក្រៅ។
លោកថា គម្រោងផលិតនេះ មិនទាន់ឈានដល់ដំណាក់កាលរក្សាទុកឱ្យបានយូរទេ គឺធ្វើបែបលក្ខណៈធម្មជាតិសិន ដើម្បីចេញជារូបរាងឱ្យគេមើលសិន នៅពេលដែលមានគេចាប់អារម្មណ៍ បង្កើតចេញជារោងចក្រខ្នាតតូចមួយហើយនោះយើងចាប់ផ្ដើមដំណើរការទើបធ្វើសម្រេចជាក់ស្ដែង៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ