ព័ត៌មានជាតិ
ពលរដ្ឋនៅឃុំអណ្តូងទឹកជាច្រើនគ្រួសារ បន្តចិញ្ចឹមត្រីឆ្ពង់សមុទ្រដោយសារតែជាមុខរបរបន្សល់ទុកពីដូនតា
ប្រជាពលរដ្ឋជាច្រើនគ្រួសារ នៅឃុំអណ្តូងទឹក ស្រុកបូទូមសាគរ ខេត្តកោះកុង បានបន្តនាំគ្នាចិញ្ចឹមឆ្ពង់សមុទ្រ ដោយ សារតែជាមុខរបរបន្សល់ទុកពីដូនតា ហើយបានផ្ដល់ប្រាក់ចំណូលច្រើនគួរសមដល់ពួកគាត់។
កសិករជាអ្នកចិញ្ចឹមត្រីឆ្ពង់ នៅក្នុងភូមិអណ្តូងទឹក ២រូប គឺលោក សាត សាខន និងលោក ហៃ លឹមហុង បានឲ្យដឹងថា ពួកគាត់បានចាប់ត្រីឆ្ពង់លក់ទៅឲ្យឈ្នួញជាបន្តបន្ទាប់ ក្រោយពីចិញ្ចឹមរយៈពេលជិត ១ឆ្នាំមកនេះ បន្ទាប់ពីពួកគាត់មាន បទពិសោធន៍ចិញ្ចឹម តាំងពីឆ្នាំ ២០១៧។
លោក សាត សាខន និងលោក លឹមហុង បានឲ្យដឹងទៀតថា ពួកគាត់ជ្រើសរើសចិញ្ចឹមតែប្រភេទត្រីឆ្ពង់មួយប៉ុណ្ណោះ មិនចិញ្ចឹមត្រីតុកែ ឬត្រីផ្សេងទេ ដោយសារតែត្រីឆ្ពង់ ធននឹងអាកាសធាតុងាយស្រួលថែទាំ។ ពួកគាត់ទាំងពីរ បានបន្ថែម ថា «សព្វថ្ងៃចំណាយតែលើការទិញត្រីចំណីមកឲ្យវាស៊ី ខ្លះទិញពីនេសាទដ៏ទៃ ខ្លះបានទៅនេសាទដោយខ្លួនឯង»។
សព្វថ្ងៃត្រីឆ្ពង់ក្នុងបែររបស់លោក សាខន និងលោក លឹមហុង មានចាប់ពី ១គីឡូកន្លះឡើងទៅដល់ ៤គីឡូក្រាម ដោយក្នុង ១គីឡូក្រាម តម្លៃ ២១,០០០ ដល់ ២៤,០០០រៀល ហើយភាគច្រើនចាប់យកទៅលក់នោផ្សារអណ្តូងទឹក ដែលជាទីប្រជុំជន នៃស្រុកបូទូមសាគរ។
បើធៀបនឹងអំឡុងពេលជំងឺកូវីដ-១៩ គឺពួកគាត់លក់បានក្នុងបរិមាណច្រើន ព្រោះមិនមានការនាំចូលត្រីពីប្រទេសជិតខាង។ ថ្វីត្បិតមិនសូវមានអ្នកទិញច្រើនក៏ដោយ ក៏ប្រជាកសិករជាអ្នកចិញ្ចឹមត្រីឆ្ពង់សមុទ្រ បន្តប្រកាន់ភ្ជាប់ការមុខរបរចិញ្ចឹមនេះដដែល ដោយសារតែជាមុខរបរបន្សល់ទុកពីដូនតារបស់ពួកគាត់ អាចរកចំណូលដោះស្រាយជីវភាពគ្រួសារប្រចាំថ្ងៃ ក្រៅពីចេញទូកនេសាទៅនេសាទ នៅឯសមុទ្រ។
គេនៅចាំបានថា កន្លងទៅ ទាំងរដ្ឋបាលខេត្តកោះកុង ទាំងមន្ទីរជំនាញពាក់ព័ន្ធជុំវិញខេត្ត ធ្លាប់ដាក់ចេញគោលការណ៍ជាច្រើន លើយន្តការចុះស្រង់ពិនិត្យស្ថិតិអំពីកសិករ ដែលកំពុងបង្កង្កើនផលិតផលដំណាំកសិកម្ម ឬសត្វចិញ្ចឹមក្នុងមូលដ្ឋាន ក្នុងគោលដៅដចម្បងធ្វើយ៉ាងណា ស្វែងរកទីផ្សារបានលក់ចេញនូវផលិតផលសម្រេចបាន ទៅកាន់បណ្តារាជធានី-ខេត្ត ចៀសវាងធ្វើឲ្យពួកគាត់បាក់ទឹកចិត្ត លែងចង់បន្តការងារកសិកម្មទៀត៕
អត្តបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ